EKSODOS 32:20 - Khasi CL Bible (BSI)

²⁰ U shim ïa uta u khun masi uba ki la thaw, u pynum ïa u ha ka ding, bad u tylliat pynlwet jin ïa u, bad u la khleh ïa kata ha ka um. Nangta u la pynlong ïa ki paid Israel ban dih ïa ka.

KA BAIBL

²⁰ Bad u Moses u la shim ïa uta u khun masi ïa uba ki la thaw, bad u la saiñ ïa u ha ka ding, bad u la pynlwet jin ïa u, bad u la ber ïa ka ruh halor ka um, bad u la pyndih ïa ki khun Israel na ka.

EKSODOS 32:20 ပူးပေါင်းရင်းမြစ်များ

1 SYIEM 15:13

U weng noh ïa ka Maakah, ka kmierad jong u na ka kyrdan syiemsad, namar ba ka la thaw ïa ka bleithaw ba-ijli jong ka Asherah ka blei jingkharoi. U Asa u pynkyllon ïa ka bleithaw bad u thang ïa ka ha ka them jong ka wah Kidron.

2 SYIEM 23:15

U Josaïah u la pyntwa ruh ïa ka jaka mane ha Bethel kaba la tei da u syiem Jeroboam u khun jong u Nebat, uba la ïalam ïa ki Israel ban leh pop. U Josaïah u la pyntwa ruh ïa ka duwan, u pynpait lyngkhot lyngkhai ïa ki maw jong ka, bad u pynlwet phum ïa ki; u la thang ruh ïa ka dur jong ka Asherah.

2 SYIEM 23:6

U weng noh na ka Templ ïa ka dur jong ka blei Asherah, bad rah ïa ka shabar ka nongbah sha ka Them Kidron, u thang ïa ka, u pynlwet phum ïa u dpei jong ka, bad pynsaphred ïa ka ha jingtep paidbah.

2 KHRONIKL 34:4

Hapoh ka jingbthah jong u ïa ki duwan ha kaba la mane ïa u Baal la pynpra, bad ïa ki duwan jingiwbih hajan jong ki la pyntwa. Ki pynlwet kum ki pui pui ïa ki dur ka Asherah bad ïa kiwei ki bleithaw baroh bad nangta ki bret ïa u pui pui ha ki jingtep jong ki briew kiba la ai jingkñia ïa lade ha ki.

EKSODOS 32:21

U ong ruh ha u Aaron, “Aïu kine ki briew ki la leh ïa phi, haduh ba phi la pynlong ïa ki ban leh ïa ka pop kaba ishyrkhei kat kane?”

PROBERB 1:31

Namar kata, phin ïoh ïa kaba phi pan kwah, bad ki kam jong phi hi kin pynshitom ïa phi.

PROBERB 14:14

Ki briew kiba sniew kin ïoh ïa kaei kaba ki dei ban ïoh. Ki briew kiba bha kin ïoh bainong na ka bynta ki kam jong ki.

DEUTERONOMI 7:25

Thang ïa ki bleithaw jong ki. Wat ikwah ïa ka rupa lane ïa ka ksiar kaba don ha ki, bad wat shim ïa ka sha lade ïoh phi ïap, namar U Trai u isih ïa ka jingmane bleithaw.

DEUTERONOMI 7:5

Kumta, pynpra ïa ki duwan jong ki, pynpait pharia ïa ki rishot mawkyntang jong ki, mait ïa ki dak ka blei Asherah jong ki, bad thang ïa ki bleithaw jong ki.

DEUTERONOMI 9:21

Nga shim ïa kata kaei kaei kaba long hi ka pop — kata ka dur khun masi keiñ kaba phi la thaw bad nga bret ïa ka ha ka ding. Nangta nga pynpait pharia ïa ka, nga tylliat ni ïa ka haduh ba kan da long kum u pui pui, bad nga bret ïa kata ha ka wah kaba tuid na uta u lum.