EKSODOS 32:19 - Khasi CL Bible (BSI)

¹⁹ Haba u Moses u la poi hajan kata ka jaka sher dara na kaba u ïohi ïa uta u khun masi bad ïa ka jingïashad jong kita ki paidbah, u Moses u bitar lep. Hangta ha trai u lum, u lynthaw ïa kita ki mawlyngkniap kiba u rah haduh ba ki da pait.

KA BAIBL

¹⁹ Ka la jia te, katba u la wan hajan ka jaka shong dara, u la ïohi ïa uta u khun masi bad ïa kata ka jingshad; te ka jingbitar u Moses ka la khie buk, bad u la bred noh dak ïa kita ki maw lyngkniap na ka kti jong u, bad u la lympat ïa ki ha trai uta u lum.

EKSODOS 32:19 ပူးပေါင်းရင်းမြစ်များ

2 SAMUEL 6:14

U Dabid, uba shu pien tang da ka jaiñ linen, u la shadkmen da ka bor jong u baroh ban burom ïa U Trai.

SALM 119:53

Haba nga ïohi ïa ki bymman ba ki pynkheiñ ïa ka aiñ jong me, nga la dap da ka jingbitar.

EKSODOS 15:20

Te ka Miriam ka nongïathuhlypa, ka para jong u Aaron, ka la shim ïa la ka kanjari, bad ki kynthei baroh ruh ki la ïabud nadien jong ka, ki da tem ïa ki kanjari, bad ki da ïashad ruh.

EKSODOS 32:11

Hynrei u Moses u la ïasaid bad U Trai U Blei jong u, bad u la ong, “Ko Trai, balei ba men bitar haduh katne ïa la ki jong ki briew, kiba me la pyllait na ka ri Ijipt da ka jingkhlaiñ bakhraw bad da ka bor?

EKSODOS 32:18

U Moses u ong, “Kata kam shym sawa kum ka jingrisa jop thma, lane kum ka jinglynñiar kiba shahjop; hynrei ka dei ka jingsawa jong ka jingïarwai.”

EKSODOS 34:1

U Trai u ong ha u Moses, “Shtah ar tylli ki mawlyngkniap kum kito kiba mynshuwa, bad ngan sa thoh ha ki ïa ki ktien kiba la don ha ki mawlyngkniap kiba nyngkong, ïa kiba me la pynpait.

JEREMAÏAH 31:32

Kan ym long kum ka jutang barim kaba nga la pynlong bad ki kpa tymmen jong ki mynba nga la shim ïa ki da la ka kti bad ïalam ïa ki na ka ri Ijipt. Wat la nga la long kum u tnga ïa ki, kim shym la bat ïa kata ka jutang.

SNGEWSYNEI 5:15

Ka jingkmen ka la duh noh na ki jingim jong ngi; ka jingsngewsih ka la shim ïa ka jaka jong ki jingshad jong ngi.

SEKHARAÏAH 11:14

Nangta nga la kdiah ïa u dieng uba ar, uta uba la khot “U Jingtylli,” bad ïa ka jingtylli jong ka Judah bad ka Israel la pynkhynñiuh.

JINGKHEIÑ 12:3

(U Moses u long u briew uba sngewrit; uba kham sngewrit ban ïa uno uno u briew ha ka pyrthei.)

MATHAÏOS 5:22

Hynrei mynta nga ong ha phi: ïa uno uno uba bitar ïa la u para yn wallam sha ka jingbishar, ïa uno uno uba khot ïa la u para ‘Me u bymlarkam ei ei!’ yn wallam ha khmat ka Dorbar Bah, bad ïa uno uno uba khot ïa la u para ‘u bieit bymmyntoi’ un don ha ka jingma ka jingleit sha ka dujok ding.

MARKOS 10:14

Haba U Jisu u la ïohi ïa kane, u la sngewbitar bad u la ong ïa ki synran jong u, “Shah ïa ki khynnah ban wan ha nga, bad wat khang ïa ki, namar ka Hima U Blei ka long na ka bynta kum kine.

MARKOS 3:5

U Jisu u la bitar katba u la peit sawdong ïa ki, hynrei ha ka kajuh ka por u la sngewsih na ka bynta jong ki, namar ba ki eh mynsiem bad leh bymdei. Te u la ong ha uta u briew, “Rah ïa la ka kti.” U la rah ïa ka, bad ka la khiah bha pat.

1 KORINTH 10:7

Kumba ka Jingthoh Bakhuid ka ong, “U paidbah u la shong ha ka jingkhawai kaba la kylla long ka jingïadih buaid bad ka jingleh nuti.”

EPHESOS 4:26

Lada phi bitar, wat ai ba ka jingbitar jong phi kan ïalam ïa phi ban leh pop, wat bitar sah baroh shi sngi.

DEUTERONOMI 10:2

Wan kiew sha nga ha uta u lum, bad ngan thoh ha kita ki mawlyngkniap ïa kito ki ktien kiba nga la thoh ha ki mawlyngkniap ïa kiba me la lynthaw, bad nangta men buh ïa ki ha kata ka synduk.’

DEUTERONOMI 27:26

“ ‘Ka jingtim U Blei kan hap ha uta u briew u bymkohnguh ïa ki aiñ bad ki jinghikai baroh jong U Blei.’ “Bad u paidbah baroh un jubab lang, ‘Amen!’