EKSODOS 32:15 - Khasi CL Bible (BSI)

¹⁵ U Moses u la leit hiar na uta u lum, u da rah ïa kita ki ar tylli ki mawlyngkniap ha kiba la thoh ïa ki hukum ha baroh arliang.

KA BAIBL

¹⁵ Te u Moses u la phai, bad u la leit hiar arsut na uta u lum, bad kita ki ar tylli ki maw lyngkniap jong ka jingphla ha ka kti jong u; kine ki maw lyngkniap ïa kiba la thoh halor baroh ar liang jong ki; halor baroh ar liang keiñ, la thoh ïa ki.

EKSODOS 32:15 ပူးပေါင်းရင်းမြစ်များ

SALM 19:7

Ka aiñ jong U Trai ka long kaba janai, ka ai ka jingkhlaiñ kaba thymmai. Ki hukum jong U Trai ki long kiba lah ban shaniah, kiba ai jingstad ha kito ki bym don ïa ka.

EKSODOS 16:34

Kumba U Trai u la hukum ïa u Moses, u Aaron u buh ïa uta u khiew ha khmat ka Synduk ka Jutang ba yn ïoh sumar ïa u.

EKSODOS 24:12

U Trai u ong ha u Moses, “Wan kiew sha nga ha une u lum, bad katba me dang don hangne, ngan ai ha me ar tylli ki mawlyngkniap kiba don ïa ki hukum baroh kiba nga la thoh na ka bynta ban hikai ïa ki briew.”

EKSODOS 24:18

U Moses u la kiew ïa uta u lum sha uta u lyoh. U la sah hangta sawphew sngi bad sawphew miet.

EKSODOS 31:18

Haba U Blei u la dep kren ha u Moses ha u Lum Sinai, u ai ha u ïa ki ar tylli ki mawlyngkniap ha kiba U Blei da lade hi u la thoh ïa ki hukum.

EKSODOS 32:16

U Blei hi u la thaw ïa kita ki mawlyngkniap, bad u la thoh ruh ïa kita ki hukum ha kita ki maw.

EKSODOS 34:29

Mynba u Moses u wan hiar na u Lum Sinai, u da rah ïa kita ki ar tylli ki mawlyngkniap ha kiba la thoh ïa ki Shiphew Hukum, ka khmat jong u ka tyngshaiñ namar ba u la ïakren bad U Trai; hynrei um tip satia ïa kata.

EKSODOS 40:20

Nangta u shim ïa kita ki mawlyngkniap ar tylli bad u buh ïa ki hapoh ka Synduk ka Jutang. U bsuh ïa ki dieng jingbah ha ki kyrwoh jong kata ka synduk bad u buh ïa ka jingtap halor jong ka.

2 KORINTH 3:3

Ka long kaba shai ba U Khrist da lade hi u la thoh ïa kane ka shithi bad u la phah ïa ka da ngi. Naba la thoh, ym da ka sia hynrei da U Mynsiem jong U Blei uba im, bad ym ha ki mawlyngkniap hynrei ha ki dohnud briew keiñ.

2 KORINTH 3:7

Ïa ka Hukum la oh dur da ki dak halor ki mawlyngkniap, bad ka burom U Blei ka la wan hiar mynba la ai ïa ka. Wat la ka jingtyngshaiñ ha ka durkhmat u Moses ka la sdang ban lip noh, ka la long kaba khlaiñ haduh katta katta ba ki paid Israel kim shym lah ban peit shlip ïa la ki khmat ha u.

DEUTERONOMI 5:22

“Kine ki long ki hukum ïa kiba U Trai u la ai ha phi baroh mynba phi ïalumlang ha uta u lum. U la kren da ka sur kaba donbor napdeng kata ka ding bad u lyoh uba rben, mynba u ai ïa ki ha phi khlem da bynrap ïa kiwei pat. Nangta u thoh ïa ki ha ki ar tylli ki mawlyngkniap bad u ai ïa ki ha nga.

DEUTERONOMI 9:15

“Kumta nga la phai bad leit hiar na uta u lum, nga da rah ïa kita ki mawlyngkniap ar tylli, ha kiba la thoh ïa ka jutang. Ki thylliej ding ki dang meh ha uta u lum.

HEBRU 9:4

Ha ka la buh ïa ka duwan ksiar na ka bynta ban thang ïa ki jingiwbih bad ïa ka Synduk ka Jutang ïa kaba la sop ksiar bad la don u khiew ksiar lem bad ka manna ha u, u diengduh jong u Aaron uba la mih sla, bad ki ar tylli ki mawlyngkniap ha kiba la thoh ïa ki hukum.

JINGPYNPAW 5:1

Nga la ïohi ïa ka kot kli ha ka kti kamon jong uta uba shong halor ka khet; kaba la dap da ka jingthoh ha baroh arliang bad kaba la pyndait da ki hynñiew tylli ki jingpyndait.