EKSODOS 32:14 - Khasi CL Bible (BSI)

¹⁴ Kumta U Trai u la kylla noh ïa la ka jingmut bad um shym wallam ha ki briew jong u ïa ka jingpynjot kaba u la byrngem.

KA BAIBL

¹⁴ Ynda kumta, U Trai u la kylla noh na kata ka basniew ïa kaba u la thmu ban leh ha u paidlang jong u.

EKSODOS 32:14 ပူးပေါင်းရင်းမြစ်များ

JENESIS 6:6

u la sngewsih ba u lah thaw bad buh ïa ki ha ka pyrthei.

2 SAMUEL 24:16

Haba u angel U Trai u la jan pynjot ïa ka Jerusalem, U Trai u la kylla ka jingmut ban pynshitom ïa ki briew bad u ong ha u angel uba pynïap ïa ki, “Sangeh! Ka la biang katto!” U angel u la don hajan ka jaka shoh kew jong u Araunah, u nong Jebus.

1 KHRONIKL 21:15

Nangta u phah ïa u angel ban pynjot thiaw ïa ka Jerusalem; hynrei u kylla ïa kaba u mut bad u ong ha u angel, “Keiñ noh! Katto ka la biang!” U angel u ïeng hajan ka jaka shoh kew jong u Araunah, u nong Jebus.

SALM 106:23

Haba U Blei u la ong ban pynjot ïa ki briew jong u, u shakri ba la jied jong u, u Moses, u la ïeng pyrshah ïa U Blei bad khang ïa ka jingbitar jong u na kaba pynjot noh ïa ki.

SALM 106:45

Na ka bynta jong ki u kynmaw ïa ka jutang jong u, bad namar ka jingieit bakhraw jong u, u la kylla jingmut.

EKSODOS 33:13

Lada ka long kumta, nga kyrpad ïa me ba men ïathuh ha nga ïa ki jingthmu jong me, khnang ba nga lah ban ïai shakri bad pynsngewbha ïa me. To da kynmaw ruh ba me la jied ïa kane ka jaitbynriew ba kan long u paidlang jong me.”

JEREMAÏAH 18:8

hynrei hadien, kata ka jaitbynriew ka phai noh na ka jingsniew jong ka, ngan ym leh ïa kaei kaba nga la ong ba ngan leh.

JEREMAÏAH 26:13

Phi dei ban pynkylla ïa ka rukom kaba phi im bad ïa kiei kiei baroh kiba phi leh, bad phi dei ban kohnguh ïa U Trai U Blei jong phi. Lada phi leh kumta, un kylla ïa la ka jingmut na ka jingpynjot kaba u la ong ba un wallam halor jong phi.

JEREMAÏAH 26:19

U syiem Hesekaïah bad ki briew jong ka Judah kim shym la pynïap ïa u Mikah. Pynban, u Hesekaïah u la pyndonburom ïa U Trai bad u la pyrshang ban pynïoh ïa ka jingsngewbha jong u. Bad U Trai u la kylla ïa la ka jingmut na ka jingpynjot kaba u la ong ba un wallam ha ki. Mynta ngi la jan wallam ka jingpynjot bashyrkhei halor jong ngi hi.”

JOEL 2:13

Ai ba ka dohnud ba la pait jong phi kan pyn-i ïa ka jingsngewsih jong phi; kaba kad ïa ki jaiñphong jong phi kam biang.” To wan phai pat sha U Trai U Blei jong phi. U long uba sbun bad uba dap da ka jingisynei; u long uba ïaishah slem bad uba bat ïa la ka kular; u long borabor uba kloi ban map bad ym ban pynshitom.

AMOS 7:3

U Trai u kylla noh la ka jingmut bad u ong, “Kaei kaba phi la ïohi kan ym jia.”

AMOS 7:6

U Trai u kylla biang la ka jingmut bad u la ong, “Kane ruh kan ym jia.”

JONAH 3:10

U Blei u la ïohi ïa kaei kaba ki la leh; u la ïohi ba ki la iehnoh ïa ka jingleh bymman jong ki. Kumta u la kylla jingmut bad um shym la pynshitom ïa ki kumba u la ong ban leh.

JONAH 4:2

Kumta u la duwai, “A Trai, hato ngam la ong shuwa ba ngan mih na ïing ba kane ka dei kaei kaba men leh? Dei na kata ka daw ba nga la pyrshang tyngeh ban phet noh sha Spain! Nga la tip ba me long U Blei ka jingieit bad ka jingisynei, uba ïaishah slem, uba sbun borabor, bad uba kloi borabor ban kylla ïa la ka jingmut ban ym pynshitom.

JINGKHEIÑ 14:20

U Trai u jubab, “Ngan map ïa ki kumba me la kyrpad.

DEUTERONOMI 10:10

“Nga la sah ha uta u lum sawphew sngi bad sawphew miet, kumba nga la leh ha ka sien kaba nyngkong. U Trai u la shahshkor ïa nga sa shisien bad um mon ban pynjot ïa phi.

DEUTERONOMI 32:26

Ngan jin da la pynjot thiaw ïa ki, khnang ban ym don ba kynmaw shuh ïa ki.

DEUTERONOMI 32:36

U Trai un pyllait im ïa la ki briew haba u ïohi ba kim donbor shuh. Un isynei ïa kito kiba shakri ïa u haba u ïohi ba kim lah leh ei ei shuh.

NONGBISHAR 2:18

Man ba U Trai u ai ha ki Israel ïa u nongïalam, U Trai u ïarap ïa uta u nongïalam bad u pyllait im ïa ki briew na ki nongshun jong ki katba uta u nongïalam u dang im. U Trai u sngewsynei ïa ki namar ba ki la ud ha ki jingshitom bad jingshah banbeiñ jong ki.

1 SAMUEL 15:11

“Nga sngewsih ba nga la pynlong syiem ïa u Saul; u la phai noh na nga bad um shym la kohnguh ïa ki hukum jong nga.” U Samuel u la bitar, bad baroh shi miet u la ïasaid tyngeh bad U Trai.