EKSODOS 32:12 - Khasi CL Bible (BSI)

¹² Balei ba ki nong Ijipt kin ïoh ong ba me la ïalam ïa la ki briew na ka ri Ijipt, da kaba me thmu ban pynïap ïa ki ha ki lum, bad ban pynjot thiaw ïa ki? Sangeh ban bitar; pynkylla noh ïa ka jingmut jong me, bad wat ai ba kane ka jingpynjot kan ngat ha ki briew jong me.

KA BAIBL

¹² Balei ba kita ki Ijipt kin ïoh kren, da kaba ong, ‘Khnang ïa ka ban tyllep u la ïalam noh ïa ki, ban pynïap ïa ki ha ki lum, bad ban pynjot noh khoit keiñ ïa ki na khmat ka pyrthei?’ To phai noh na ka jingbitar ba-itieng jong me, to kylla noh ruh na kane ka basniew pyrshah ïa u paidlang jong me.

EKSODOS 32:12 ပူးပေါင်းရင်းမြစ်များ

JENESIS 6:6

u la sngewsih ba u lah thaw bad buh ïa ki ha ka pyrthei.

1 SYIEM 8:51

Naba ki dei ki briew jong me, kiba me la wan ïalam na Ijipt, napdeng ka lawar ding baklang.

ESRA 10:14

To ai ba ki rangbah synshar jong ngi kin sah ha Jerusalem bad khmih ïa kane ka kam. Nangta ai ba kita kiba don ki tnga nongwei kin wan ha ka por ba la buh, ryngkat bad ki nongïalam bad ki nongbishar jong kane ka nongbah. Ha kane ka rukom ka jingbitar U Blei halor kane ka kam kan phai noh na ngi.”

SALM 106:45

Na ka bynta jong ki u kynmaw ïa ka jutang jong u, bad namar ka jingieit bakhraw jong u, u la kylla jingmut.

SALM 74:18

Hynrei to kynmaw, A Trai, ba ki nongshun jong me ki rkhiebeiñ ïa me, ba ki long ki bym don blei bad ki ibeiñ ïa me.

SALM 78:38

Hynrei U Blei u la sngewsynei ïa ki briew jong u. U la map ïa ki pop jong ki bad um shym pynjot ïa ki. Bunsien u set noh ïa ka jingbitar jong u bad u tyngkai ïa ka jingbitar shla jong u.

SALM 85:3

Me la sangeh ban bitar ïa ki, bad me la phai noh na ka jingbitar shla jong me.

SALM 90:13

Slem katno kan neh ka jingbitar jong me? A to leh-isynei, A Trai, ïa la ki jong ki shakri!

EKSODOS 32:14

Kumta U Trai u la kylla noh ïa la ka jingmut bad um shym wallam ha ki briew jong u ïa ka jingpynjot kaba u la byrngem.

EKSODOS 33:13

Lada ka long kumta, nga kyrpad ïa me ba men ïathuh ha nga ïa ki jingthmu jong me, khnang ba nga lah ban ïai shakri bad pynsngewbha ïa me. To da kynmaw ruh ba me la jied ïa kane ka jaitbynriew ba kan long u paidlang jong me.”

ISAÏAH 64:7

Ym don uwei ruh uba phai sha me ha ka jingduwai; ym don uwei ruh uba leit sha me ban ïoh jingïarap. Me la buhrieh ïa lade na ngi bad iehnoh ïa ngi namar ki pop jong ngi.

ISAÏAH 64:8

Hynrei, A Trai, me long u Kpa jong ngi. Ngi long kum ka dewbyrtha, bad me long kum u nongthaw khiew.

JEREMAÏAH 28:16

Bad kumta U Trai hi u ong ba un weng noh ïa me. Ha shuwa ban kut kane ka snem men ïap namar me la ong ïa ki briew ban ïeng ïaleh pyrshah ïa U Trai.”

ESEKIEL 20:14

Hynrei ngam shym la leh kumta, naba kata kan jin da la wallam ka jingjahburom ïa ka kyrteng jong nga hapdeng ki jaitbynriew kiba la lah ïohi ïa nga ba nga ïalam noh ïa ki Israel na Ijipt.

ESEKIEL 20:22

Hynrei ngam shym la leh kumta, naba kata kan jin da la wallam ka jingjahburom ïa ka kyrteng jong nga hapdeng ki jaitbynriew kiba la lah ïohi ïa nga ba nga ïalam ïa ki Israel shabar na ka Ijipt.

ESEKIEL 20:9

Hynrei ngam shym la leh kumta, naba kata kan wallam ka jingjahburom ïa ka kyrteng jong nga, namar ha ka jingdon ryngkat jong ki briew ha kiba hapdeng jong ki, ki shong ki sah nga la lah pynbna ha ki Israel ba nga ngan ïalam noh ïa ki na Ijipt.

JOEL 2:17

Ki lyngdoh, kiba shakri ïa U Trai hapdeng ka duwan bad ka jaka rung ka Templ, ki dei ban ïam bad duwai: “To isynei ïa la ki briew, A Trai. To wat ai ba kiwei ki jaitbynriew kin krenbeiñ bad ñiewbeiñ ïa ngi da kaba ong, ‘Hangno U Blei jong phi?’ ”

AMOS 7:3

U Trai u kylla noh la ka jingmut bad u ong, “Kaei kaba phi la ïohi kan ym jia.”

AMOS 7:6

U Trai u kylla biang la ka jingmut bad u la ong, “Kane ruh kan ym jia.”

JONAH 3:9

Lehse U Blei un kylla ka jingmut jong u; lehse un sangeh noh na kaba bitar, bad ngin ym ïap!”

SEKHARAÏAH 8:14

U Trai Badonbor Baroh u ong, “Mynba ki kpa tymmen jong phi ki pynbitar ïa nga, nga la pynkhreh ka jingpynjot ïa ki bad ngam shym pynkylla ïa la ka jingmut, hynrei nga pyndep ïa ki jingthmu jong nga.

JINGKHEIÑ 14:19

Te mynta, A Trai, kat kum ka jingkhraw ka jingieit baïaineh jong me, to map, nga kyrpad na ka bynta ka pop jong kine ki briew kumba me la map ïa ki naduh ba ki la mih na Ijipt.”

JINGKHEIÑ 16:21

“Ïeng sharud na kine ki briew bad ngan pynjot thiaw ïa ki kumne kumne.”

DEUTERONOMI 13:17

Wat shim sha lade ïa kaei kaei kaba la mang ban pynjot, te U Trai un phai na ka jingbitar shla jong u bad un isynei ïa phi. Un leh-isynei ïa phi bad un pynroi ïa phi, kumba u la kular ïa ki kpa tymmen jong phi,

DEUTERONOMI 32:36

U Trai un pyllait im ïa la ki briew haba u ïohi ba kim donbor shuh. Un isynei ïa kito kiba shakri ïa u haba u ïohi ba kim lah leh ei ei shuh.

DEUTERONOMI 9:28

Lymda kumta ki nong Ijipt kin ong ba mem lah ban ïalam ïa la ki briew sha ka ri kaba me la kular ha ki. Kin ong ba me la ïalam noh ïa la ki briew sha ka ri shyiap ban pynïap ïa ki, namar me la isih ïa ki.

JOSHUA 7:26

Ki pynïeng ruh halor jong u ïa ka kynton maw kaba heh, kaba dang don haduh mynta. Dei namar kata ba ïa kata jaka la dang ïai khot ka Them Jingjynjar. Da kumta U Trai um shym da bitar shla shuh.

JOSHUA 7:9

Ki Kanaan bad baroh kiba hapoh ka ri kin sa ïohsngew ïa kane. Kin sa kerkut ïa ngi, bad kin sa pynïap ïa uwei pa uwei ïa ngi! Bad nangta aïu men leh ban ïada ïa la ka burom?”

1 SAMUEL 12:22

U Trai u la ai ka jingkular kaba kyntang bad un ym iehnoh ïa phi namar u la rai ban pynlong ïa phi ki briew jong u.