EKSODOS 32:10 - Khasi CL Bible (BSI)

¹⁰ Mynta, wat pyrshang ban pynsangeh ïa nga. Nga bitar ïa ki, bad ngan pynjot thiaw ïa ki. Nangta ngan pynlong ïa me bad ïa ki khun ki ksiew jong me ka jaitbynriew kaba khraw.”

KA BAIBL

¹⁰ Namar kata, to iehnoh ïa nga mynta, ba ka jingbitar jong nga kan ïoh meh buk pyrshah ïa ki, bad ba ngan ïoh pynduh noh khoit ïa ki: bad ngan pynlong ïa me ïa ka jaid bynriew bakhraw.”

EKSODOS 32:10 ပူးပေါင်းရင်းမြစ်များ

JENESIS 12:2

Ngan ai ïa me bun ki khun ki ksiew, bad kin sa long ka jaitbynriew kaba khraw. Ngan kyrkhu ïa me bad ngan pyndonnam ïa ka kyrteng jong me, ba kumta men sa long ka jingkyrkhu.

SALM 106:23

Haba U Blei u la ong ban pynjot ïa ki briew jong u, u shakri ba la jied jong u, u Moses, u la ïeng pyrshah ïa U Blei bad khang ïa ka jingbitar jong u na kaba pynjot noh ïa ki.

EKSODOS 22:24

bad ngan bitar lep, bad ngan pynïap ïa phi ha ka thma. Ki tnga jong phi kin kylla riewkynthei, bad ki khun jong phi kin kylla khunswet.

EKSODOS 32:11

Hynrei u Moses u la ïasaid bad U Trai U Blei jong u, bad u la ong, “Ko Trai, balei ba men bitar haduh katne ïa la ki jong ki briew, kiba me la pyllait na ka ri Ijipt da ka jingkhlaiñ bakhraw bad da ka bor?

EKSODOS 32:19

Haba u Moses u la poi hajan kata ka jaka sher dara na kaba u ïohi ïa uta u khun masi bad ïa ka jingïashad jong kita ki paidbah, u Moses u bitar lep. Hangta ha trai u lum, u lynthaw ïa kita ki mawlyngkniap kiba u rah haduh ba ki da pait.

EKSODOS 33:3

Phin ïaleit sha ka ri kaba tuid da ka dud bad ka ngap. Hynrei ngan ym leit ryngkat bad phi, namar phi long ki briew kiba mutlop, ïoh ba ngan pynjot thiaw ïa phi ha lynti.”

JEREMAÏAH 11:14

Ko Jeremaïah, wat duwai ha nga lane ïasaid bad nga na ka bynta kine ki briew. Haba ki don ha ka jingjynjar bad ki pyrta sha nga ban ïoh jingïarap, ngan ym shahshkor ïa ki.”

JEREMAÏAH 14:11

U Trai u la ong ha nga, “Wat kyrpad ïa nga ban ïarap ïa kine ki briew.

JEREMAÏAH 15:1

Nangta U Trai u la ong ha nga, “Wat lada u Moses bad u Samuel kin ïeng hangne ban ïasaid bad nga, ngan ym pyn-i jingisynei ei ei ïa kine ki briew. Pynlong ïa ki ban leit noh; pynlong ïa ki ban phet noh na khmat jong nga.

JEREMAÏAH 7:16

U Trai u ong, “Ko Jeremaïah, wat duwai na ka bynta kine ki briew. Wat ïam lane duwai na ka bynta jong ki; wat ïasaid bad nga, namar ngan ym shahshkor ïa me.

ESEKIEL 20:13

Hynrei wat ha ka ri shyiap ki la ïaleh pyrshah ïa nga. Ki la pynkheiñ ïa ki aiñ jong nga bad ki la kyntait ïa ki hukum jong nga, kiba wallam jingim ïa uno uno uba kohnguh ïa ki. Ki la pyntngit khoit ïa ka Sabbaton. Nga la kloi ban shah ïa ki ban sngew ïa ka jingbitar jong nga hangta ha ka ri shyiap bad ban pynjot ïa ki.

JINGKHEIÑ 14:12

Ngan phah ka jingïapthem bad pynjot thiaw ïa ki, hynrei ïa me ngan pynlong u kpa ka jaitbynriew kaba kham khraw bad kham khlaiñ ban ïa ki!”

JINGKHEIÑ 16:21

“Ïeng sharud na kine ki briew bad ngan pynjot thiaw ïa ki kumne kumne.”

JINGKHEIÑ 16:22

Hynrei u Moses bad u Aaron ki dem khrup ha khyndew bad ki ong, “A Blei, me, me long ka thymmei jong ka jingim baroh. Haba uwei na ngi u leh pop, hato men shu bitar lep ïa ka kynhun baroh kawei?”

DEUTERONOMI 9:14

Me wat khang ïa nga, naba ngan pynjot thiaw ïa ki ba kumta yn ym don shuh u ban dang kynmaw ïa ki. Nangta ngan pynlong ïa me u kpa jong ka jaitbynriew kaba kham khraw bad kham donbor ban ïa ki.’

DEUTERONOMI 9:19

Nga la sheptieng ïa ka jingbitar shla U Trai, naba u la bitar lep kat haduh ba u la kloi wat ban pynjot ïa phi; hynrei sa shisien U Trai u la shahshkor ïa nga.

JAKOB 5:16

Namarkata, to phla ïa la ki pop iwei ha iwei pat, khnang ba yn pynkhiah ïa phi. Ka jingduwai jong u briew uba hok ka don ka bor kaba khraw.