EKSODOS 32:1 - Khasi CL Bible (BSI)

¹ Haba ki paidbah ki la ïohi ba u Moses um pat shym wan hiar na u lum hynrei u la sah slem hangta, ki la ïalumlang sawdong ïa u Aaron, bad ki la ong ha u, “Ngim tip satia ka la jia aïu ïa une u Moses, uba la ïalam ïa ngi ban mihnoh na ka ri Ijipt; kumta to thaw ïa ngi u blei u ban ïalam ïa ngi.”

KA BAIBL

¹ Te haba uta u paidlang u la ïohi ba u Moses u tud ban wan hiar na uta u lum, uta u paidlang u la ïalum lang ha u Aaron, bad u la ong ha u, “To ïeng, to thaw blei ïa ngi, ban leit sha shuwa jong ngi; naba une u Moses, uta u briew keiñ uba la wallam artet ïa ngi na ka ri Ijipt, ngim tip shuh la jia aïu ïa u.”

EKSODOS 32:1 ပူးပေါင်းရင်းမြစ်များ

JENESIS 19:14

Nangta u Lot u la leit sha ki rangbah kiba la ïatehktien bad ki khun kynthei jong u, bad u ong, “To pynkloi bad mihnoh nangne; naba U Trai un sa pynjot thiaw ïa kane ka jaka.” Hynrei ki pyrkhat ba u shu kren biria.

JENESIS 21:26

U Abimelekh u ong, “Ngam shym tip mano ba la leh ïa kane. Mem shym la ïathuh ei ei shaphang kane ha nga, bad kane ka long ka sien kaba nyngkong ba nga la ïohsngew ïa ka.”

JENESIS 39:8

U la kyrngah bad u ong ha ka, “Ha khmih, u kynrad jong nga um donkam ban pynkhuslai shuh shaphang ïa lade bad kano kano ka kam hapoh ïing, namar nga don hangne.

JENESIS 44:15

Ki la dem ngon ha khmat jong u, bad u Joseph u ong, “Kaei kane kaba phi la leh? Phim tip ba u briew uba ha ka kyrdan jong nga u lah ban lap ïa phi da ka kheiñ ka bishar?”

JENESIS 44:4

Haba ki la ïaid ym pat da jngai na shnong, u Joseph u ong ha uta u shakri bahakhlieh ha ka ïing jong u, “Khie, leit bud mar mar nadien kito ki briew. Ynda phi lap ïa ki, ong ha ki, ‘Balei phi siew kylliang da kaba sniew ïa kaba bha?

SALM 106:19

Ki la thaw ïa u khun masi ksiar ha Sinai bad mane ïa uta u bleithaw;

EKSODOS 13:21

Mynsngi, U Trai u ïaid ha shuwa jong ki ha u rishot lyoh ban kdew lynti ïa ki, bad mynmiet pat u ïaid ha shuwa jong ki ha u rishot ding ban ai jingshai ïa ki, khnang ba ki lah ban ïaid mynsngi bad mynmiet.

EKSODOS 14:11

Ki la ong ha u Moses, “Hato ym don jingtep mo ha Ijipt? Hato phin hap wan ïalam ïa ngi hangne ha ri shyiap ban ïap? Peit aïu phi la leh ïa ngi da kaba phi wan ïalam noh ïa ngi na ka ri Ijipt!

EKSODOS 16:3

“Kan jin da la bha ba U Trai u shoh ïap ïa ngi ha ri Ijipt. Hangta, la kumno kumno, ngi dang ïoh ban shong bad bam doh bad kyrhai ka jingbam kat kaba ngi kwah. Hynrei phi la wan ïalam ïa ngi sha kane ka ri shyiap ban pynïapthngan ïa ngi baroh.”

EKSODOS 20:23

Wat thaw na ka bynta ïa lade ki blei kiba da ka rupa ne da ka ksiar ban mane ïa ki nalor jong nga.

EKSODOS 24:12

U Trai u ong ha u Moses, “Wan kiew sha nga ha une u lum, bad katba me dang don hangne, ngan ai ha me ar tylli ki mawlyngkniap kiba don ïa ki hukum baroh kiba nga la thoh na ka bynta ban hikai ïa ki briew.”

EKSODOS 24:18

U Moses u la kiew ïa uta u lum sha uta u lyoh. U la sah hangta sawphew sngi bad sawphew miet.

EKSODOS 32:11

Hynrei u Moses u la ïasaid bad U Trai U Blei jong u, bad u la ong, “Ko Trai, balei ba men bitar haduh katne ïa la ki jong ki briew, kiba me la pyllait na ka ri Ijipt da ka jingkhlaiñ bakhraw bad da ka bor?

EKSODOS 32:22

U Aaron u jubab, “Wat bitar ïa nga. Phi tip ba kine ki briew ki long kiba im sngi tang ban leh ïa kaba sniew.

EKSODOS 32:23

Ki ong ïa nga, ‘Ngim tip ka la jia aïu ïa une u Moses, u briew uba la ïalam ïa ngi na ka ri Ijipt; kumta, thaw noh ïa ngi u blei u ban ïalam ïa ngi.’

EKSODOS 32:7

Te U Trai u ong ha u Moses, “Khie, leit hiar noh shisyndon, naba ki briew jong me kiba me la ïalam na ka ri Ijipt, ki la ïaleh pop bad ki la kyntait ïa nga.

EKSODOS 33:3

Phin ïaleit sha ka ri kaba tuid da ka dud bad ka ngap. Hynrei ngan ym leit ryngkat bad phi, namar phi long ki briew kiba mutlop, ïoh ba ngan pynjot thiaw ïa phi ha lynti.”

ESEKIEL 20:8

Hynrei ki la ïaleh pyrshah ïa nga bad ki la kyntait ban shahshkor. Kim shym la bret noh ïa ki bleithaw ba-ijli jong ki lane iehnoh ïa ki blei jong ki nong Ijipt. Nga la kloi ban shah ïa ki ban sngew ïa ka bor ba-pura jong ka jingbitar jong nga hangta ha Ijipt.

HOSIA 12:13

U Trai u la phah ïa u nongïathuhlypa ban pyllait ïa ki paid Israel na ka jinglongmraw ha Ijipt bad ban sumar ïa ki.

MIKAH 6:4

Nga la wan ïalam noh ïa phi na ka ri Ijipt; nga la pyllait ïa phi na ka jinglongmraw; nga la phah ïa u Moses, u Aaron, bad ka Miriam ban ïalam ïa phi.

JINGKHEIÑ 14:22

yn ym don uwei ruh na kine ki briew ki ban im ban ïohrung sha kata ka ri. Ki la ïohi ïa ka jingshai batyngshaiñ na ka jingdon ryngkat jong nga, bad ïa ki kambah ba nga la leh ha Ijipt bad ha ka ri khlaw, hynrei ki la tynjuh ïa ka jingïaishah jong nga la bunsien bad ki la kyntait ban kohnguh ïa nga.

MATHAÏOS 24:43

Lada u trai ïing u la tip ïa ka por ba u nongtuh un wan, phi lah ban thikna ba un jin da la peitmat bad un ym shah ïa u nongtuh ban prong shapoh ka ïing jong u.

MATHAÏOS 24:48

Hynrei lada u long u shakri uba sniew, un ong ha lade ba u kynrad jong nga un wan slem,

KI KAM 17:29

Namar ba ngi long ki khun U Blei, ngim dei ban tharai ba ka jinglong jong u ka long kaei kaei kaba kum ka dur da ka ksiar lane rupa lane maw, ba la pynwandur da ka jingstad bad ka buit briew.

KI KAM 19:26

Mynta, phi lah ban ïohi bad ïohsngew da lade aïu une u Paul u leh. U ong ba ki blei kiba la shna da ki kti jong ki briew kim long da shisha ki blei, bad u la jop ha kaba pynkohnguh ïa kiba bun ki briew, hangne ha Ephesos bad hajan baroh kawei jong ka probins jong ka Asia.

KI KAM 7:40

Kumta ki la ong ha u Aaron, ‘To thaw ïa ngi katto katne ki blei ki ban ïalam ïa ngi. Ngim tip kaei kaba la jia ïa une u Moses, uba la wallam ïa ngi na ka ri Ijipt.

DEUTERONOMI 31:8

U Trai hi un ïalam ïa me bad un don ryngkat bad me. Un ym ieh ïa me lane kyntait ïa me; kumta wat syier bad wat sheptieng.”

DEUTERONOMI 9:1

“Shahshkor ko Israel! Mynta ka sngi phin jam ïa ka wah Jordan bad knieh ïa kata ka ri jong ki jaitbynriew kiba kham khraw bad kham donbor ban ïa phi. Ki shnong jong ki, ki long kiba heh, bad ki kynroh jong ki, ki kot haduh suiñbneng.

DEUTERONOMI 9:9

Nga kiew ïa uta u lum ban pdiang ïa ki mawlyngkniap ha kiba la thoh ïa ka jutang ba U Trai u la pynlong bad phi. Nga sah hangta sawphew sngi bad sawphew miet, bad ngam shym la bam ne dih ei ei.

JOSHUA 7:13

Ïeng joit! Pynkhuid ïa u paidbah bad pynkhreh ban wan ha khmat jong nga. Bthah ïa ki ban long kiba la kloi lashai ka sngi, namar ma nga, U Trai U Blei ki Israel nga don kane ban ong: ‘Israel, phi don ha ki jingdon jingem jong phi katto katne kiba nga la hukum ïa phi ban pynjot! Phim lah ban ïeng pyrshah ïa ki nongshun jong phi tad haduh ba phin da lait na kine kiei kiei!’

2 PETROS 3:4

Kin ibeiñ ïa phi bad kin kylli, “U la kular ban wan, hato um shym la kular kumta? Hangno u don? Ki kpa tymmen ki la lah ïap, hynrei kiei kiei baroh ki dang ïaisah kumjuh kum mynba la pynlong ïa ka pyrthei!”