EKSODOS 31:18 - Khasi CL Bible (BSI)

¹⁸ Haba U Blei u la dep kren ha u Moses ha u Lum Sinai, u ai ha u ïa ki ar tylli ki mawlyngkniap ha kiba U Blei da lade hi u la thoh ïa ki hukum.

KA BAIBL

¹⁸ Ynda U la wai noh ban kren ha u Moses ha u lum Sinai, U la ai ha u ar tylli ki maw lyngkniap jong ka jingphla, ki maw lyngkniap ba la thoh keiñ da ka shynriah'ti U Blei.

EKSODOS 31:18 ပူးပေါင်းရင်းမြစ်များ

2 SYIEM 11:12

Nangta u Jehoïada u ïalam ïa u Joash shabar, u buh ïa ka pansngiat ha ka khlieh jong u, bad u ai ha u ïa ka kopi jong ki aiñ ba pynïaid ïa ka jinglong syiem. Nangta ïa u Joash la pynsleh syiem bad la pynbna kum u syiem. Ki paidbah ki thab ïa la ki kti bad ki ïarisa, “Im slem ko syiem!”

EKSODOS 24:12

U Trai u ong ha u Moses, “Wan kiew sha nga ha une u lum, bad katba me dang don hangne, ngan ai ha me ar tylli ki mawlyngkniap kiba don ïa ki hukum baroh kiba nga la thoh na ka bynta ban hikai ïa ki briew.”

EKSODOS 24:18

U Moses u la kiew ïa uta u lum sha uta u lyoh. U la sah hangta sawphew sngi bad sawphew miet.

EKSODOS 8:19

Te kita ki nongleh myntor ki ong ha u Pharaoh, “U Blei u la leh ïa kane.” Hynrei u Pharaoh u dang mutlop bad kumba U Trai u la lah ong, um shym la shahshkor ïa u Moses bad u Aaron.

JEREMAÏAH 31:33

Ka jutang bathymmai kaba ngan pynlong bad ki paid Israel kan long kane: Ngan buh ïa ka aiñ jong nga hapoh jong ki bad thoh ïa ka ha ki dohnud jong ki. Ngan long U Blei jong ki, bad kin long ki briew jong nga.

MATHAÏOS 12:28

Em, ym dei u Beelsebul, hynrei U Mynsiem U Blei, uba ai ha nga ka bor ban beh noh ïa ki ksuid, kaba pynshisha ba ka Hima U Blei ka la da wan lypa ha phi.

LOUKAS 11:20

Em, ka long pynban da ka bor ka jong U Blei ba nga beh noh ïa ki ksuid, bad kane ka pynshisha ba ka Hima jong U Blei ka la da wan ha phi.

2 KORINTH 3:3

Ka long kaba shai ba U Khrist da lade hi u la thoh ïa kane ka shithi bad u la phah ïa ka da ngi. Naba la thoh, ym da ka sia hynrei da U Mynsiem jong U Blei uba im, bad ym ha ki mawlyngkniap hynrei ha ki dohnud briew keiñ.

DEUTERONOMI 10:4

Nangta U Trai u thoh ha kita ki mawlyngkniap ïa kijuh ki ktien ba u la thoh ha ka sien kaba nyngkong, ïa ki Shiphew Hukum keiñ ba u la ai ha phi mynba u la kren napdeng ka ding ha kata ka sngi ba phi ïalumlang ha uta u lum. U Trai u ai ha nga ïa kita ki mawlyngkniap, bad nga phai bad leit hiar na uta u lum.

DEUTERONOMI 4:13

U la ïathuh ha phi kaei kaba phi dei ban leh ha kaba bat ïa ka jutang kaba u la pynlong bad phi, kata, ïa ki Shiphew Hukum ba u la thoh ha ki ar tylli ki mawlyngkniap.

DEUTERONOMI 5:22

“Kine ki long ki hukum ïa kiba U Trai u la ai ha phi baroh mynba phi ïalumlang ha uta u lum. U la kren da ka sur kaba donbor napdeng kata ka ding bad u lyoh uba rben, mynba u ai ïa ki ha phi khlem da bynrap ïa kiwei pat. Nangta u thoh ïa ki ha ki ar tylli ki mawlyngkniap bad u ai ïa ki ha nga.

HEBRU 9:4

Ha ka la buh ïa ka duwan ksiar na ka bynta ban thang ïa ki jingiwbih bad ïa ka Synduk ka Jutang ïa kaba la sop ksiar bad la don u khiew ksiar lem bad ka manna ha u, u diengduh jong u Aaron uba la mih sla, bad ki ar tylli ki mawlyngkniap ha kiba la thoh ïa ki hukum.