EKSODOS 31:15 - Khasi CL Bible (BSI)

¹⁵ Phi ïoh hynriew sngi ban trei, hynrei ka sngi kaba hynñiew, ka long ka sngi shongthait ïa kaba la pynkyntang sha nga. Uno uno uba trei ïa kano kano ka kam ha kata ka sngi un shah pynïap.

KA BAIBL

¹⁵ Hynriew sngi ka dei ban trei jingtrei; hynrei, ha ka sngi ka bahynñiew ka long ka Sabbaton ka jingshongthait, ka bakhuid ïa U Trai: jar uba trei jingtrei ha ka sngi Sabbaton, yn pynïap noh shisha ïa u.

EKSODOS 31:15 ပူးပေါင်းရင်းမြစ်များ

JENESIS 2:2

Ha ka sngi kaba hynñiew U Blei u la pyndep ïa kaei kaba u la trei bad u la sangeh treikam.

EKSODOS 16:23

bad u la ong ha ki, “U Trai u la hukum ba lashai ka dei ka sngi shongthait ïa kaba la pynkyrpang sha u. Shet mynta kat ïa kaba phi dei ban shet, bad pynthnam kat ïa kaba phi dei ban pynthnam. Sa buh kyrpang kat ïa kaba tam bad tyngkai ïa ka na ka bynta lashai.”

EKSODOS 16:26

Hynriew sngi phin ïalum jingbam, hynrei ha ka sngi kaba hynñiew, ka sngi shongthait, yn ym don ei ei.”

EKSODOS 23:12

“Trei hynriew sngi shi taïew, hynrei wat trei ha ka sngi kaba hynñiew, khnang ba ki mraw jong phi bad ki nongwei kiba trei bad phi, bad wat ki jingri jong phi hi, kin ïoh shongthait.

EKSODOS 31:14

Phin sumar ïa ka sngi shongthait namar ka long kaba kyntang. Uno uno u bym sumar ïa ka un shah pynïap.

EKSODOS 31:16

Ki paid Israel ki dei ban sumar ïa kane ka sngi kum ka dak jong ka jutang.

EKSODOS 31:17

Ka long ka dak kaba neh junom hapdeng jong nga bad ki Israel, ba ma nga, U Trai, nga la thaw ïa ka bneng bad ïa ka pyrthei ha ki hynriew sngi, bad ha ka sngi kaba hynñiew nga la sangeh ban trei bad shongthait.”

EKSODOS 34:21

“Phi ïoh hynriew sngi ban trei jingtrei, hynrei wat trei ei ei ha ka sngi kaba hynñiew, wat la ka long ha ka aïom lur ne ka aïom ot.

EKSODOS 35:2

Phi ïoh hynriew sngi ban trei jingtrei, hynrei ka sngi kaba hynñiew ka dei ban long kaba kyntang, ka sngi shongthait ba la pynkyntang sha nga U Trai. Uno uno uba trei ïa kano kano ka kam ha kata ka sngi un shah pynïap.

EKSODOS 35:3

Phim bit wat tang ban sliew ding ruh ha la ïing ha ka sngi Sabbaton.”

ESEKIEL 46:1

U Trai, Nongsynshar u ong, “Ïa ka khyrdop bashaphang mihngi kaba poi sha ka phyllaw bashapoh dei ban khang ha ki hynriew sngi ba treikam, hynrei ïa ka dei ban plie ha ka sngi Sabbaton bad ha ka Jingkhawai Niam Bnai Thymmai.

LEBITIKOS 16:29

Kine harum ki long ki jingbuhbeit ryntih kiba dei ban bud pateng la pateng. Ha ka sngi kaba shiphew jong u bnai uba hynñiew, ki Israel bad ki nongwei kiba shong ryngkat bad ki, ki dei ban shahjingit bad ban ym trei ïa kano kano ka kam.

LEBITIKOS 23:3

Phi ïoh hynriew sngi ban trei ïa la ka kam, hynrei kynmaw ba ka sngi kaba hynñiew, ka Sabbaton, ka dei ka sngi shongthait. Ha kata ka sngi, wat trei ei ei. Ka Sabbaton ka long ka jong U Trai, ha ki ïing jong phi baroh.

LEBITIKOS 23:32

Naduh ka por sep sngi ha ka sngi kaba khyndai haduh ka por sep sngi ha ka sngi kaba shiphew, rakhe ïa ka kum ka sngi shongthait kaba kyrpang. Hapoh kata ka por, phim bit ban bam ei ei ruh em.”

LOUKAS 13:14

U rangbah synshar jong ka synagog u la bitar ba U Jisu u la pynkhiah ha ka sngi Sabbaton, kumta u la kren bad u la ong ha u paidbah, “Don hynriew sngi ha kaba ngi dei ban trei; kumta to wan ha kito ki sngi bad ban ïoh jingpynkhiah, hynrei ym ha ka sngi Sabbaton!”

LOUKAS 23:56

Nangta ki la leit phai pat sha ïing bad ki la pynkhreh ïa ki musla bad ki jingiwbih na ka bynta ka met. Ha ka sngi Sabbaton ki la shongthait, kumba ka Hukum ka dawa.

DEUTERONOMI 5:12

“ ‘Kynmaw ban rakhe khuid ïa ka Sabbaton, kumba nga, U Trai U Blei jong phi, nga la hukum ïa phi.

HEBRU 4:9

Pynban, kumba ka long, ka dang ïaisah hi ka jingjahthait ïa ki briew jong U Blei kumba U Blei u shongthait ha ka sngi kaba hynñiew.