EKSODOS 30:6 - Khasi CL Bible (BSI)

⁶ Buh ïa kane ka duwan shabar ka pyrda kaba la wah ha khmat jong ka Synduk Ka Jutang. Kata ka dei ka jaka ha kaba ngan ïashem bad me.

KA BAIBL

⁶ Bad men buh ïa ka ha khmat kata ka jingkah kaba hajan ka synduk ka jingphla, ha khmat kata ka jingtap-isynei kaba halor kata ka jingphla, ha kaba ngan ïashem bad me.

EKSODOS 30:6 ပူးပေါင်းရင်းမြစ်များ

1 KHRONIKL 23:13

U Amram, u khun nyngkong jong u, u dei u kpa jong u Aaron bad u Moses. (Ïa u Aaron bad ki khun ki ksiew jong u la pynkyrpang ban sumar junom ïa ki tiar ki tar kiba khuid, ban thang jingiwbih ha ka jingmane ïa U Trai, ban shakri ïa u, bad ban kyrkhu ïa ki briew ha ka kyrteng jong u.

1 KHRONIKL 28:11

U Dabid u ai ha u Solomon ïa ka dur pynkhreh jong ka jingtei baroh jong ka Templ, bad ïa ki kamra buh tiar jong ka bad ïa kiwei pat ki kamra bad ïa ka jaka kaba kyntang tam, ha kaba la map ïa ki pop.

EKSODOS 30:36

Tylliat khyndiat ïa ka haduh ba kan da lwet ni bha, rah ïa ka shapoh ka Ïingjaiñ ka Jingdon Ryngkat jong nga bad ber ïa ka ha khmat ka Synduk ka Jutang. Kheiñ ïa kane ka jingiwbih kum kaba da kyntang janai.

EKSODOS 30:5

Shna ïa kine ki dieng jingbah da ka dieng akasia bad suit ïa ki da ka ksiar.

EKSODOS 30:7

Man ka step haba u Aaron u wan ban pynkhreh ïa ki sharak, u dei ban thang ïa ka jingiwbih halor jong ka.

EKSODOS 40:26

U buh ïa ka duwan ksiar hapoh ka Ïingjaiñ, ha khmat ka pyrda,

EKSODOS 40:3

Buh hangta ïa ka Synduk ka Jutang ha kaba don ki Shiphew Hukum, bad kah ïa ka da ka pyrda.

EKSODOS 40:5

Buh ïa ka duwan ksiar ban thang jingiwbih ha khmat ka Synduk ka Jutang, bad wah ïa ka pyrda ha ka jaka rung jong ka Ïingjaiñ.

LEBITIKOS 16:13

Hangta ha khmat U Trai un thang ïa kata ka jingiwbih, halor ka ding bad ka tdem jong kata ka jingiwbih kan kah ïa ka jingtap ka Synduk ka Jutang khnang ba un ym ïohi ïa ka bad u ïap.

JINGKHEIÑ 17:4

Nangta rah ïa ki shapoh ka Ïingjaiñ ka Jingdon Ryngkat jong nga bad buh ïa ki ha khmat ka Synduk ka Jutang, ha kaba nga ïashem bad me.

MATHAÏOS 27:51

Nangta ïa ka pyrda kaba la wah hapoh ka Templ la kad arliang naduh khlieh haduh tbian. Ka khyndew ka la khynñiuh, ki mawsiang ki pra la ka jong ka jong,

HEBRU 4:16

To ngin sngewskhem, te, bad leit sha ka khet U Blei, ha kaba don ka jingaiei. Hangta ngin ïohpdiang ïa ka jingisynei bad ngin shem ïa ka jingaiei ka ban ïarap ïa ngi ha ka por ba ngi donkam ïa ka.