EKSODOS 30:34 - Khasi CL Bible (BSI)

³⁴ U Trai u ong ha u Moses, “Shim mar katjuh na kine ki jingiwbih suhsieng — ka stakte, ka onikha, ka galbanum, bad ka jingiwbih basngur.

KA BAIBL

³⁴ U Trai u la kren ruh ha u Moses, “To shim ha me ïa ki jingiwbih bathiang, ïa ka stakte, bad ïa ka onikha bad ïa ka galbanam; ïa kine ki musla bathiang lem bad ka luban: na kawei kawei men shim kumjuh.

EKSODOS 30:34 ပူးပေါင်းရင်းမြစ်များ

NEHEMAÏAH 13:5

U shah ïa u Tobiah ban pyndonkam ïa ka kamra kaba heh ïa kaba la thmu tang ban buh ïa u kew jingkñia bad ka jingiwbih, ki tiar ki tar ba pyndonkam ha ka Templ, ki jingainguh na ka bynta ki lyngdoh, bad kiba shiphew na u kew, ka waiñ, bad ka umphniang Olib ba ai sha ki Lebi, ki nongtem nongput ka Templ, bad ki nongap phira ka Templ.

EKSODOS 25:6

ka umphniang ïa ki sharak, ki musla na ka bynta ka umphniang pynsleh bad na ka bynta ka jingthang iwbih;

EKSODOS 30:23

“Shim ïa ki jingiwbih musla kiba kynsai tam — hynriew kilo ka mirr ba la pynum, lai kilo ka siasia kaba sma iwbih, lai kilo ka um pai kaba iwbih,

EKSODOS 30:33

Uno uno uba khleh ïa kaba kum kane, ne uba pyndonkam ïa ka wat tang khyndiat ruh ha uno uno u briew u bym dei u lyngdoh, yn ym kheiñ shuh ïa u kum uwei na ki briew jong nga!’ ”

EKSODOS 30:35

Pyndonkam ïa ki ban shna jingiwbih, khleh ïa ki kum ka jingpyniwbih. Ber khyndiat ka mluh ban pynlong ïa ka kaba khuid bad kaba kyntang.

EKSODOS 30:7

Man ka step haba u Aaron u wan ban pynkhreh ïa ki sharak, u dei ban thang ïa ka jingiwbih halor jong ka.

EKSODOS 31:11

ïa ka umphniang pynsleh, bad ïa ka jingiwbih basma sngewtynnat na ka bynta Ka Jaka Kyntang. Ha kaba shna ïa kine baroh, ki dei ban leh thik kat kumba nga la hukum ïa me.”

EKSODOS 35:15

ïa ka duwan thang jingiwbih bad ki jingbah ïa ka; ïa ka umphniang pynsleh; ïa ka jingiwbih; ïa ka pyrda na ka bynta ka jingkhang jong ka Ïingjaiñ;

EKSODOS 37:29

U shna ruh ïa ka umphniang pynsleh kaba kyntang bad ïa ka jingiwbih suhsieng, ïa kaba la khleh lang kumba khleh jingiwbih.

JINGRWAI SOLOMON 3:6

Kaei kane kaba wan na ri shyiap kum u rishot tdem, kaba iw da ka jingiwbih bad ka mirr, ka jingiwbih ba la die da ki nongkhaïi?

ISAÏAH 43:23

Phim shym la wallam ha nga ïa ki jingainguh thang ki langbrot jong phi; phim shym la burom ïa nga da ki jingkñia jong phi. Ngam shym la bankhia ïa phi da kaba dawa ki jingainguh lane pynbtai ïa phi da kaba pan jingiwbih.

LEBITIKOS 16:12

un shim ïa u khiew thang jingiwbih ba la pyndap da u rnga ding barhem na ka duwan bad ar kham ka jingiwbih, bad un wanrah ïa ki sha ka Jaka Kaba Khuid Tam.

LEBITIKOS 2:1

Haba uno uno u wallam ïa ka jingainguh da u kew sha U Trai, u dei ban da tylliat shuwa ïa u haduh ba un da ni. U dei ban theh ïa ka umphniang Olib bad ka jingiwbih halor jong u, bad un wanrah ïa u sha ki lyngdoh na ka ïing u Aaron.

LEBITIKOS 2:15

Theh ïa ka umphniang Olib bad buh ïa ka jingiwbih halor jong u.

LEBITIKOS 24:7

Buh khyndiat ka jingiwbih kaba khuid halor kawei kawei ka laiñ, kum ka dak ka jingainguh bam ha U Trai.

LEBITIKOS 5:11

Lada u briew um kotbor ban wanrah ar tylli ki paro ne ar tylli ki lyngdkhur, un wallam shi kilo u 'purew kum ka jingkñia namar ka pop. Um dei ban theh kano kano ka umphniang Olib ne kano kano ka jingiwbih halor jong u, namar ka dei ka jingkñia namar ka pop, ym ka jingkñia bam.

JINGKHEIÑ 4:16

“U Eleasar u khun jong u Aaron u lyngdoh un kitkhlieh ïa ka Ïingjaiñ baroh kawei bad ïa ka umphniang ïa ki sharak, ka jingiwbih, ki jingainguh bam, ka umphniang pynsleh, bad ïa baroh kiba ha ka Ïingjaiñ ïa kiba la pynkyntang sha U Trai.”

MATHAÏOS 2:11

Ki la leit rung shapoh ka ïing, bad haba ki la ïohi ïa u khunlung lem bad ka kmie jong u ka Mari, ki la dem khohsiew bad ki la mane ïa u. Ki la sei ïa ki jingai sngewbha jong ki da ka ksiar, ka jingiwbih bad ka Mirr, bad ki la ai ïa ki ha u.