EKSODOS 30:33 - Khasi CL Bible (BSI)

³³ Uno uno uba khleh ïa kaba kum kane, ne uba pyndonkam ïa ka wat tang khyndiat ruh ha uno uno u briew u bym dei u lyngdoh, yn ym kheiñ shuh ïa u kum uwei na ki briew jong nga!’ ”

KA BAIBL

³³ Jar uba khleh ïa kaba kum kane, lane jar uba buh na ka ha u nongwei, yn ot noh keiñ ïa uta napdeng u paidlang jong u.’ ”

EKSODOS 30:33 ပူးပေါင်းရင်းမြစ်များ

JENESIS 17:14

Ïa uno uno u shynrang u bym shym la otsher yn nym ñiew shuh kum uwei na ki briew jong nga, namar ba um shym la bat ïa ka jutang bad nga.”

EKSODOS 12:15

U Trai u la ong, “Hynñiew sngi lynter phin ym bam ïa u kpu ba la khleh thiat — bam tang ïa u kpu bakhlem thiat. Ha ka sngi kaba nyngkong phi dei ban bret noh ïa u thiat baroh na ïing jong phi, namar lada uno uno u bam ïa u kpu ba la khleh thiat ha kita ki hynñiew sngi, yn ym kheiñ shuh ïa u kum uwei na ki briew jong nga.

EKSODOS 12:19

Hynñiew sngi lynter ym dei ban lap ïa u thiat ha ki ïing jong phi; namar lada uno uno u bam ïa u kpu uba la khleh thiat la u dei u nongwei ne u traishnong, yn ym kheiñ shuh ïa u kum uwei na ki briew jong nga.”

EKSODOS 29:33

Kin bam tang ïa kata ïa kaba la pyndonkam ha ka jinglehniam ka jingmap ha ka por ka jingpynkyntang ïa ki. Tang ki lyngdoh ki lah ban bam ïa kane ka jingbam, namar ka long kaba kyntang.

EKSODOS 30:34

U Trai u ong ha u Moses, “Shim mar katjuh na kine ki jingiwbih suhsieng — ka stakte, ka onikha, ka galbanum, bad ka jingiwbih basngur.

EKSODOS 30:38

Ïa uno uno uba shna ïa kaba kum kane ka jingiwbih yn ym kheiñ shuh kum uwei na ki briew jong nga.”

EKSODOS 31:14

Phin sumar ïa ka sngi shongthait namar ka long kaba kyntang. Uno uno u bym sumar ïa ka un shah pynïap.

LEBITIKOS 17:10

Lada uno uno u Israel, lane uno uno u nongwei uba wan shong hapdeng jong ki, u bam ïa ka doh kaba dang don snam ha ka, U Trai un phai pyrshah ïa u bad yn ym ñiew shuh ïa u kum uwei na ki briew jong U Blei.

LEBITIKOS 17:14

Ka jingim jong uwei pa uwei u jingthaw uba im ka don ha ka snam, bad dei namar kata ba U Trai u la ong ha ki paid Israel ba kim dei ban bam ïa kano kano ka doh kaba dang don snam ha ka, bad ba ïa uno uno uba leh kumta yn ym ñiew shuh ïa u kum uwei na ki briew jong U Blei.

LEBITIKOS 18:29

Phi tip ba jar uba leh ïa kano kano na kine ki kam kiba ijli yn ym ñiew shuh ïa u kum uwei na ki briew jong U Blei.

LEBITIKOS 19:8

Uno uno uba bam ïa ka un ngat ha ka jingpynrem ba u kheiñ dew thala ïa kaba la pynkyntang sha nga, bad yn ym ñiew shuh ïa u kum uwei na ki briew jong nga.

LEBITIKOS 20:17

“Lada uno uno u ïathiah shongkha bad la ka hynmen ne ka para, kaba na ujuh ne na kajuh ka kmie, yn pynkheiñ burom ïa ki ha khmat u paidbah bad yn tait noh ïa ki na la ki jong ki briew. U la ïathiah shongkha bad la ka para bad u dei ban kit hi ïa la ka pop.

LEBITIKOS 20:18

Lada u briew u ïathiah shongkha bad ka briew haba ka dang poi bnai, dei ban tait noh ïa ki baroh ar ngut na la ki parabriew, namar ki la pynkheiñ ïa ki jingbuhbeit ryntih kiba ïadei bad ka jingbymkhuid.

LEBITIKOS 20:3

Nga hi ngan phai pyrshah ïa uta u briew bad ngan ym ñiew shuh ïa u kum uwei na ki briew jong nga, namar u la ai ïa uwei na ki khun jong u ha u Molekh, bad kumta u pynbyrsieh ïa ka jaka kyntang jong nga bad u pynjahburom ïa ka kyrteng kaba khuid jong nga.

LEBITIKOS 22:3

Lada uno uno na ki khun ki ksiew jong phi, katba u dang long u bymkhuid, u wan hajan ki jingainguh kiba kyntang ïa kiba ki Israel ki la pynkyntang sha nga, un ym lah shuh lano lano ruh ban shakri ha kata ka duwan. Kane kan ïailong kumta pateng la pateng. Nga long U Trai.

LEBITIKOS 23:29

Uno uno uba bam ei ei ha kata ka sngi yn ñiew uba la shah tait na ki briew U Blei.

JINGKHEIÑ 15:30

“Hynrei mano mano ba leh pop khnang, la ki dei ki traishnong ne ki nongwei, ki long kiba la rem ba kim ñiewkor ïa U Trai, bad ki dei ban shah pynïap,

JINGKHEIÑ 15:31

namar ki la kyntait ïa kaei ba U Trai u la ong bad ba ki la pynkheiñ khnang ïa kawei na ki hukum jong u. Kin kitkhlieh na ka bynta ka jingïap jong ki hi.”

JINGKHEIÑ 19:13

Kito kiba ktah ïa ka metïap bad ki bym pynkhuid ïa lade ki sah hi ki bymkhuid, namar ba ym shym la synreit ïa ka um ka jingpynkhuid ha ki. Kita ki pyntngit ïa ka Ïingjaiñ jong U Trai, bad yn ym ñiew shuh ïa ki kum ki briew jong U Blei.

JINGKHEIÑ 19:20

“Kito kiba long bymkhuid kat kum ka jinglehniam bad ki bym pynkhuid ïa lade ki ïailong ki bymkhuid, namar ba ym shym la synreit ïa ka um ka jingpynkhuid halor jong ki. Ki pyntngit ïa ka Ïingjaiñ U Trai bad yn ym ñiew shuh ïa ki kum ki briew jong U Blei.

JINGKHEIÑ 4:18

“Wat ai ba kita kiba na ka kur u Kohath

JINGKHEIÑ 9:13

Hynrei lada uno uno na phi uba long bymkhuid bad u bym shym leit jingleit bad u bym rakhe ïa ka Jingkhawai Niam Ka Jinglait, yn ym ñiew shuh kum ki briew jong nga, namar um shym wanrah jingainguh sha nga ha ka por ba la buh. Uta u dei ban shahshitom namar ka pop jong u.