EKSODOS 30:3 - Khasi CL Bible (BSI)

³ Suit ïa kaba shalor jong ka, ïa ki krung jong ka baroh sawdong, bad ïa ki reng jong ka, da ka ksiar nylla, bad shna ruh ïa ka jingpynpur ksiar baroh sawdong jong ka.

KA BAIBL

³ Bad men suit ïa ka da ka ksiar banylla, ïa ka neng jong ka, bad ïa ki krung jong ka baroh sawdong, bad ïa ki reng jong ka ruh; bad men thaw ïa ka pansngiat ksiar ïa ka baroh sawdong.

EKSODOS 30:3 ပူးပေါင်းရင်းမြစ်များ

1 SYIEM 6:20

Kane ka kamra kaba shapoh ka long khyndai mitar ka lynter, khyndai mitar ka pyngkiang, bad khyndai mitar ka jingjrong, baroh la suit ïa ka da ka ksiar kaba nylla. Ïa ka duwan la sop da ki dieng Kedar.

1 SYIEM 6:22

Ïa baroh ka bynta bashapoh jong ka Templ la suit da ka ksiar; kumjuh ruh ïa ka duwan kaba ha ka Jaka Kaba Kyntang Tam.

1 SYIEM 7:48

U Solomon u phah shna ruh ïa ki jingbuh jingsat kiba da ka ksiar na ka bynta ka Templ: ka duwan, ka miej na ka bynta u kpu ba ai jingkñia ha U Blei,

EKSODOS 25:11

Suit ïa ka da ka ksiar nylla na shapoh bad shabar, bad pynpur da ka ksiar ha ka rmiang jong ka baroh sawdong.

EKSODOS 25:24

Suit ïa ka da ka ksiar nylla, bad pynpur da ka ksiar baroh sawdong jong ka.

EKSODOS 30:2

Ka dei ban long kaba sawdong, sawphew san sentimitar ka jingjrong, bad sawphew san sentimitar ka pyngkiang bad khyndaiphew sentimitar ka kynjang. Ki reng jong ka ha ki saw tylli ki dong ki dei ban ïadait lang kawei bad ka.

EKSODOS 30:4

Thaw ar tylli ki kyrwoh ksiar bad pyndait ïa ki harum kata ka jingpynpur ha ki ar tylli ki krung kiba marpyrshah, ba kin bat ïa ki dieng jingbah da kiba yn bah ïa ka.

JINGPYNPAW 8:3

Uwei pat u angel, uba bat ïa ka pliang thang jingiwbih kaba da ka ksiar, u la wan bad u la ïeng ha ka duwan. La ai ha u shikatdei ka jingiwbih ryngkat bad ki jingduwai jong ki briew jong U Blei baroh bad ban ai ïa ka halor ka duwan ksiar kaba ïeng ha khmat kata ka khet.