EKSODOS 30:18 - Khasi CL Bible (BSI)

¹⁸ “Shna kawei ka dabor rnong, kaba ka jingpynshong jong ka ruh dei da ka rnong. Buh ïa ka hapdeng ka Ïingjaiñ bad kata ka duwan, bad pyndap um ïa ka.

KA BAIBL

¹⁸ “To men thaw ruh ïa ka dabor tama, bad ïa ka sla'jat jong ka ruh da ka tama, ïa ka ban sait ha ka: bad men buh ïa ka hapdeng Ka Tabernakl ka jingïaseng bad kata ka duwan, bad men theh um ruh ha ka,

EKSODOS 30:18 ပူးပေါင်းရင်းမြစ်များ

1 SYIEM 7:23

U Huram u shna kawei ka pipa kaba pyllun da ka rnong, kaba 2.2 mitar ka jingjylliew, 4.4 mitar ka jingheh na rmiang ha rmiang, bad 13.2 mitar ka lyngwiar.

1 SYIEM 7:38

U Huram u shna ruh shiphew tylli ki dabor, kawei kawei na ka bynta kawei ka kali. Kawei kawei ka dabor ka long 1.8 mitar ka jingheh na rmiang ha rmiang, bad ka ngiam kumba phraspah litar.

2 KHRONIKL 4:2

U la shna ruh kawei ka pipa bapyllun kaba da ka rnong; kaba 2.2 mitar ka jingjylliew, 4.4 mitar ka jingheh na rmiang ha rmiang, bad 13.2 mitar ka lyngwiar.

2 KHRONIKL 4:6

Ki thaw ruh shiphew tylli ki dabor, san tylli ki ban buh ha ka bynta bashaphang shathie jong ka Templ bad san tylli ha ka bynta bashaphang shatei. Yn pyndonkam ïa ki ban sait ïa ki bynta jong ki mrad kiba dei ban thang kum ki jingkñia. Ka um ha ka pipa kaba heh ka dei na ka bynta ki lyngdoh ban pyndonkam ban sait jingsait.

EKSODOS 30:17

U Trai u ong ha u Moses,

EKSODOS 31:9

ïa ka duwan ka jingainguh thang bad ki tiar ki tar jong ka baroh, ïa ka dabor bad ka jingpynshong jong ka,

EKSODOS 38:8

U shna kawei ka dabor rnong bad ka jingpynshong rnong, na ki ïitkhmih jong ki kynthei kiba shakri ha ka khyrdop ka Ïingjaiñ ka Jingdon ryngkat U Trai.

EKSODOS 40:7

Buh ïa ka dabor hapdeng ka Ïingjaiñ bad kata ka duwan, bad pyndap ïa ka da ka um.

EKLESIASTIS 5:1

Da sumar shaphang kaba leit sha ka Templ. Ka kham bha ban leit hangta ban ïoh jinghikai ban ïa kaba ai jingkñia kum ki briew ba-bieit ki bymtip ïa kaba dei na kaba bakla.

LEBITIKOS 8:11

U shim ruh khyndiat na kata ka umphniang bad u synreit ïa ka hynñiew sien ha ka duwan bad ki tiar jong ka baroh, bad ha ka dabor bad ka jingpynshong jong ka, khnang ban pynkyntang ïa ki sha U Trai.

SEKHARAÏAH 13:1

“Haba kata ka por ka poi,” ong U Trai Badonbor Baroh, “yn plie ïa ka umpohliew ban pynkhuid ïa ki khun ki ksiew jong u Dabid bad ïa ki briew jong ka Jerusalem na ka pop bad ka jingmane bleithaw jong ki.

TITOS 3:5

Ym namar kano kano na ki kam babha kiba ma ngi hi ngi la leh, hynrei namar ka jingisynei jong u hi ba u la pynim ïa ngi, lyngba U Mynsiem Bakhuid, uba ai ïa ngi ka jingkha thymmai bad ka jingim kaba thymmai da kaba sait ïa ngi.

1 ÏOANNIS 1:7

Hynrei, lada ngi ïaid ha ka jingshai — kumba ma u, u long ha ka jingshai — te ngi don ka jingïasyllok paralok hi, bad ka snam U Jisu, U Khun jong u, ka pynkhuid ïa ngi na ka pop baroh.