EKSODOS 30:16 - Khasi CL Bible (BSI)

¹⁶ Lum ïa kane ka jingainguh na ki Israel, bad pyndonkam ïa ka ha kaba sumar ïa ka Ïingjaiñ ka Jingdon Ryngkat jong nga. Kane ka khajna ka long ka jingsiew na ka bynta la ka jingim, bad ngan kynmaw ban da ban ker ïa ki.”

KA BAIBL

¹⁶ Bad men shim ïa kita ki sbai kuna na ki khun Israel, bad men buh ïa ki na ka bynta ka kam Ka Tabernakl jong ka jingïaseng; khnang ba kan long ka jingpynkynmaw ïa ki khun Israel ha khmat U Trai, ïa ka ban pynlong ïa ka kuna na ka bynta ki mynsiem jong phi.”

EKSODOS 30:16 ပူးပေါင်းရင်းမြစ်များ

2 KHRONIKL 24:6

kumta u phah khot ïa u Jehoïada, u nongïalam jong ki, bad u dawa, “Balei ba phim peit ïa kane ba ki Lebi ki lum na Judah bad Jerusalem ïa ka khajna kaba u Moses, u shakri jong U Trai, u la pan na ki briew ban siew ïa ka ban kyrshan ïa ka Ïingjaiñ Ka Jingdon Ryngkat U Trai?”

EKSODOS 12:14

Phi dei ban rakhe ïa kane ka sngi kum ka Jingkhawai Niam ban pynkynmaw ïa phi ïa kaei kaba nga, U Trai, nga la leh. Rakhe ïa ka pateng la pateng bynriew.”

EKSODOS 30:15

Haba ki siew ïa kane ka dor na ka bynta la ka jingim, uba riewspah un ym ai tam, bad uba duk un ym ai duna.

EKSODOS 30:17

U Trai u ong ha u Moses,

JINGKHEIÑ 16:40

Kane ka la long ka jingmaham ïa ki Israel ba uno uno u bym shym la hiarpateng na u Aaron um bit ban wan sha ka duwan ban thang jingiwbih ha khmat U Trai, lym kumta un shah pynjot thiaw kum u Korah bad ki nongbud jong u. Ïa kane baroh la leh kumba U Trai u la hukum ïa u Eleasar da u Moses.

JINGKHEIÑ 31:54

Kumta u Moses bad u Eleasar ki la shim ïa ka ksiar sha ka Ïingjaiñ, ba kumta U Trai un ïada ïa ki paid Israel.

LOUKAS 22:19

Nangta u la shim shi lyngkhot u kpu, bad U la ainguh ha U Blei, U la kdiah ïa u, bad U la ai ïa u ha ki, da kaba ong, “Une u long ka met jong nga, ïa kaba la ai na ka bynta jong phi. To leh ïa kane ban kynmaw ïa nga.”