EKSODOS 30:14 - Khasi CL Bible (BSI)

¹⁴ Uwei pa uwei uba la shah ñiew ha ka jingkheiñbriew, kata, naduh uba arphew snem shaneng, u dei ban siew sha nga ïa kane ka dor ba la buh.

KA BAIBL

¹⁴ Uwei uwei baroh uba la hap ñiew hapdeng jong ki, naduh uba arphew snem ka rta bad ba tam, un ai ïa ka jingainguh ïa U Trai.

EKSODOS 30:14 ပူးပေါင်းရင်းမြစ်များ

EKSODOS 30:13

Uwei pa uwei uba la shah kynthup ha ka jingkheiñbriew u dei ban siew ïa ka dor ba la buh, kat kum ka jingthew ha ka jaka kyntang, uwei pa uwei un siew ïa kane kum ka jingainguh sha nga.

EKSODOS 30:15

Haba ki siew ïa kane ka dor na ka bynta la ka jingim, uba riewspah un ym ai tam, bad uba duk un ym ai duna.

ESEKIEL 45:12

“Ki rukom jingthew tarajur jong phi kin long kumne harum: 20 gerah==1 shekel 60 shekel==1 mina

ESEKIEL 45:16

“Baroh ki briew jong ka ri ki dei ban leit ai ïa kine ki jingainguh sha u khun syiem uba synshar ha Israel.

JINGKHEIÑ 1:18

ki la khot lang ïa ka kynhun baroh kawei ha ka sngi kaba nyngkong jong u bnai uba ar bad ki shim kyrteng ïa ki briew baroh da ki kur ki kur bad da ki longïing longsem. Ki kyrteng jong ki rangbah baroh kiba arphew snem lane kiba kham rangbah la buh jingthoh bad la ñiew ruh ïa ki,

JINGKHEIÑ 1:20

Ki rangbah kiba arphew snem bad kiba kham rangbah kiba bit na ka bynta ka kam shipai, la shim kyrteng kat kum ka kur bad ka longïing longsem, da kaba sdang na ka jait Reuben, u khun nyngkong jong u Jakob. Ki jingkheiñ baroh ki long kumne harum: Ka jait Reuben — Sawphew hynriew hajar sanspah ngut. Ka jait Simeon — Sanphew khyndai hajar laispah ngut. Ka jait Gad — Sawphew san hajar hynriewspah sanphew ngut. Ka jait Judah — Hynñiewphew saw hajar hynriewspah ngut. Ka jait Issakhar — Sanphew saw hajar sawspah ngut. Ka jait Sebulun — Sanphew hynñiew hajar sawspah ngut. Ka jait Ephraim — Sawphew hajar sanspah ngut. Ka jait Manasseh — Laiphew ar hajar arspah ngut. Ka jait Benjamin — Laiphew san hajar sawspah ngut. Ka jait Dan — Hynriewphew ar hajar hynñiewspah ngut. Ka jait Asher — Sawphew wei hajar sanspah ngut. Ka jait Naphtali — Sanphew lai hajar sawspah ngut. Baroh lang ki long hynriew lakh lai hajar sanspah sanphew ngut.

JINGKHEIÑ 1:3

kiba arphew snem lane kiba kham heh rta kiba bit na ka bynta ka kam shipai.

JINGKHEIÑ 14:29

Phin ïap bad ïa ki metïap jong phi yn pynphriang ha kylleng kane ka ri khlaw. Namar ba phi la khñium pyrshah ïa nga, yn ym don uwei ruh na phi uba la palat arphew snem ka rta u ban ïohrung sha kata ka ri.

JINGKHEIÑ 26:2

“Shim jingkheiñ ïa ki longïing longsem jong ka kynhun Israel baroh, ïa ki rangbah baroh kiba arphew snem shaneng kiba bit ban leit sha ka thma.”

JINGKHEIÑ 32:11

‘Nga smai ba namar kim shym la kohnguh ïa nga, uwei ruh na ki rangbah uba arphew snem lane kham heh uba la wan na Ijipt un ym ïohrung sha ka ri kaba nga la kular ha u Abraham, u Isaak, bad u Jakob.’