EKSODOS 30:10 - Khasi CL Bible (BSI)

¹⁰ Shisien shisnem, u Aaron un pyndep ïa ka jinglehniam ban pynkhuid ïa ka duwan da kaba buh ha ki reng jong ka baroh saw tylli ïa ka snam jong ka jingkñia na ka bynta ka pop. Dei ban leh ïa kane man ka snem ha ki por baroh ki ban wan. Kane ka duwan ka dei ban long kaba khuid, kaba la pynkyntang sha nga, U Trai.”

KA BAIBL

¹⁰ Bad u Aaron un pynlong ïa ka jingkñia bapynïasuk halor ki reng jong ka, shi sien shi snem: da ka snam kata ka jingkñia sait pop bapynïasuk, shi sien shi snem keiñ, un pynlong ïa ka kuna halor jong ka ha ki pateng la pateng bynriew jong phi: ka long ka bakyntang tam ïa U Trai.”

EKSODOS 30:10 ပူးပေါင်းရင်းမြစ်များ

1 SYIEM 1:50

U Adonijah, ha ka jingsheptieng bakhraw ïa u Solomon, u la leit shapoh ka Ïingjaiñ ka Jingdon Ryngkat U Trai bad u la bat ïa ki reng kiba ha ki dong jong ka duwan.

1 KHRONIKL 6:49

U Aaron bad ki khun ki ksiew jong u ki ai ïa ki jingkñia iwbih bad ki ai ïa ki jingkñia ba la thang ha ka duwan. Ki kitkhlieh ïa baroh ka jingmane ha Ka Jaka Bakyntang Tam bad ïa ki jingkñia da kiba U Blei u map ïa ki pop jong ki Israel. Ki leh ïa kane baroh kat kum ki jingbthah ba la ai da u Moses, u shakri U Blei.

EKSODOS 30:11

U Trai u ong ha u Moses,

EKSODOS 30:9

Wat thang halor jong ka ïa ka jingiwbih ba lah khang, ne ïa ka jingainguh thang da ki mrad ne ïa ka jingainguh bam, bad wat theh halor jong ka ïa ka jingainguh kaba da ka waiñ.

LEBITIKOS 16:16

Ha kane ka rukom un pyndep ïa ka rukom lehniam ban pynkhuid ïa ka Jaka Kaba Khuid Tam namar ka jingbymkhuid jong ki Israel bad namar ki pop jong ki baroh. U dei ban leh kumne ha ka Ïingjaiñ namar ka ïeng hapdeng ka jaka shong dara, ïa kaba la ñiew ba ka long ka bymkhuid.

LEBITIKOS 16:18

un leit sha kata ka duwan ka jingainguh thang bad un pynkhuid ïa ka. U dei ban shim khyndiat na ka snam jong uta u masi lyngraw bad khyndiat na ka snam jong uta u 'langsohmoh bad un tah ïa ka ha ki reng kiba ha ki dong jong kata ka duwan.

LEBITIKOS 16:2

U ong, “Ïathuh ha u hynmen jong me u Aaron ba dei tang ha ka por kaba dei ba un leit shadien ka jingkah jong ka jaka kaba khuid tam, namar ba dei hangta ba nga mihpaw ha u lyoh halor ka jingtap ka Synduk ka Jutang. Lada um kohnguh, un shah pynïap.

LEBITIKOS 23:27

“Ka sngi kaba shiphew jong u bnai uba hynñiew ka long ka sngi ka jingpyndep ïa ka jinglehniam kaba man ka snem ban weng noh ïa ki pop ki briew. Wat bam ei ei ruh em ha kata ka sngi; ïalumlang ban mane Blei, bad kñia ïa ka jingainguh bam ha U Trai.

LEBITIKOS 4:18

Un tah snam khyndiat ha ki reng kiba don ha ki dong jong ka duwan ka jingiwbih thang kaba hapoh ka ïingjaiñ bad un theh ïa ka snam kaba sah, ha trai ka duwan ki jingkñia ainguh thang, kiba don ha khmat ka jingkhang jong ka Ïingjaiñ.

LEBITIKOS 4:7

Nangta un tah snam khyndiat ha ki reng kiba don ha ki dong jong ka duwan ka jingiwbih thang kaba hapoh ka Ïingjaiñ. U dei ban theh ïa ka snam kaba sah, ha trai ka duwan ki jingkñia ainguh thang kiba don ha khmat jingkhang jong ka Ïingjaiñ.

HEBRU 1:3

U pynpaw ïa ka jingtyngshaiñ ka burom U Blei bad u ïasyriem thik bad ka dur U Blei hi, uba kyrshan ïa ka pyrthei da ka ktien badonbor jong u. Hadien ba u la ïohpdiang ka jingmap ïa ki pop u khunbynriew, u la shong ha bneng ha ka liang kamon jong U Blei, U Bakhrawbor Tam.

HEBRU 9:25

U rangbah lyngdoh jong ki Jiw u leit rung shapoh ka Jaka kaba Kyntang Tam man ka snem ryngkat bad ka snam ki mrad. Hynrei U Khrist um shym la rung shapoh ban kñia ainguh ïa lade bunsien.

HEBRU 9:7

hynrei tang u rangbah lyngdoh uba rung sha ka bynta kaba shapoh jong ka Ïingjaiñ, bad u leh kumta tang shisien shisnem. U rah bad u ïa ka snam ïa kaba u ainguh ha U Blei na ka bynta ïa lade bad na ka bynta ki pop ba ki briew ki leh khlem sngewthuh ba ki la leh pop.

JINGPYNPAW 9:13

Nangta u angel uba hynriew u la put ïa la ka turoi. Nga la ïohsngew ïa ka sur kaba wan na ki saw tylli ki dong jong ka duwan ksiar kaba ïeng ha khmat U Blei.