EKSODOS 3:9 - Khasi CL Bible (BSI)

⁹ Da shisha nga la ïohsngew ïa ka jingud ki briew jong nga, bad nga la ïohi ruh kumno ki nong Ijipt ki pynshitom beiñ ïa ki.

KA BAIBL

⁹ Mynta te namar kata, ha khmih, ka jinglynñiar ki khun Israel ka la wan kiew sha nga: bad nga la ïohi ïa kata ka jingbanbeiñ da kaba kita ki Ijipt ki la ïabanbeiñ ïa ki.

EKSODOS 3:9 ပူးပေါင်းရင်းမြစ်များ

JENESIS 16:11

Phan sa ïoh khun shynrang, bad phan khot kyrteng ïa u, u Ishmael, namar U Trai u la ïohsngew ïa ka jingud sngew jynjar jong pha.

JENESIS 31:12

‘Ha khmih’ u la bteng, ‘Baroh ki 'langsohmoh kiba ïa-pakor ki long kiba thohshuid, kiba thohbria, bad kiba thohbroin. Nga pynlong ïa kane ban jia namar nga la ïohi ïa baroh kaba u Laban u la leh ïa me.

2 SYIEM 13:4

Nangta u Jehoahas u duwai ha U Trai, bad U Trai, haba u ïohi kumno u syiem ka Syria u lehbeiñ sat ïa ki Israel, u jubab ïa ka jingduwai jong u.

2 SYIEM 20:5

ban leit phai pat sha u Hesekaïah, u nongsynshar jong ki briew U Trai, bad ban ong ha u, “Nga, U Trai U Blei jong u Dabid u kpa tymmen jong me, nga la ïohsngew ïa ka jingduwai jong me bad nga la ïohi ïa ki ummat jong me. Ngan pynkhiah ïa me, bad hadien lai sngi men leit sha ka Templ.

NEHEMAÏAH 9:9

“Me ïohi kumno ki kpa tymmen ki la shahshitom ha Ijipt; me ïohsngew ïa ka jingkhot jong ki na ka bynta ka jingïarap ha ka Duriaw Basaw.

SALM 12:5

“Hynrei mynta ngan wan,” ong U Trai, “namar ïa kiba kyrduh la banbeiñ bad kiba shah pynshitom beiñ ki ud ha ka jingshitom. Ngan ai ha ki ïa ka jingshngain kaba ki thrang eh.”

SALM 9:14

ba nga lah ban ïeng ha khmat ki briew ka Jerusalem bad ïathuh ha ki ïa kiei kiei baroh kaba na ka bynta jong ki nga ïaroh ïa me. Ngan shadkmen namar me la pynim ïa nga.

EKSODOS 1:11

Kumta ki nong Ijipt ki thung ïa ki nongpyntrei mraw kiba pynsaja ïa ki da kaba pynbor ba kin trei ïa ki kam kiba shitom sat. Ki Israel ki tei ïa ki nongbah Pithom bad Rameses ba kin long ki jaka kynshew jingbam u Pharaoh.

EKSODOS 1:22

Khatduh eh, uta u syiem u hukum ïa ki briew jong u baroh, “Shim ïa u khunlung Hebru baroh uba dang shu lah kha bad bret ïa u sha wah Nile, hynrei ai ba ki khun kynthei kin im.”

EKSODOS 1:8

Nangta, u syiem bathymmai u bymtip ei ei shaphang u Joseph, u la synshar ha Ijipt.

EKSODOS 2:23

Bun snem hadien kane, u syiem Ijipt u ïap noh, hynrei ki Israel ki dang ïai ud namar kata ka jinglongmraw jong ki bad ki pyrta ban ïoh jingïarap.

EKSODOS 2:25

U ïohi ïa ka jinglongmraw jong ki Israel, bad u la sngewkhia na ka bynta jong ki.

EKSODOS 3:7

Nangta U Trai u ong, “Nga la ïohi haduh katno la pynshitom beiñ ïa ki briew jong nga ha Ijipt; nga la ïohsngew ruh ba ki ud ban ïohlait noh na ki nongpyntrei mraw jong ki. Nga tip ïa ki jingshah shitom jong ki baroh,

EKLESIASTIS 4:1

Nangta nga la khmih biang ha baroh ki jingbymlehhok kaba trei ha kane ka pyrthei. Kiba la shah banbeiñ ki lynñiar, bad ym don mano mano ban ïarap ïa ki. Ym don mano mano ban ïarap ïa ki namar ki nongbanbeiñ jong ki, ki don ka bor ha ka liang jong ki.

EKLESIASTIS 5:8

Wat lyngngoh haba phi ïohi ba ka sorkar ka banbeiñ ïa kiba duk bad kam ai ha ki ïa ka jinglehhok bad ïa ki hok jong ki. Ïa uwei pa uwei u rangbah synshar la ïada da uno uno uba kham halor bad ïa baroh ar la ïada da ki rangbah synshar kiba kham halor.

AMOS 4:1

To shahshkor ïa kane, phi ki kynthei ka Samaria, kiba nang sngaid kum ki masi ba la bsa bha jong ka Bashan, kiba lehbeiñ ïa kiba tlot, kiba banbeiñ ïa kiba duk, bad kiba dawa ba ki tnga jong phi kin pynbiang ïa phi da ka kyiad!

DEUTERONOMI 26:7

Te ngi kyang sha U Trai, U Blei jong ki kpa tymmen jong ngi, ban ïarap ïa ngi. U la shahshkor ïa ngi, bad u la ïohi ba ngi shah jynjar, ngi hap trei shitom, bad ngi shah lehbeiñ.

1 SAMUEL 9:16

“La shai kumba katne por ngan phah ha me ïa u briew uba na ka jait Benjamin; pynsleh ïa u kum u nongsynshar ïa ki briew jong nga ki Israel, bad un sa pyllait ïa ki na ki Philistia. Nga la ïohi ïa ka jingshah shitom ki briew jong nga, bad nga la ïohsngew ïa ki jinglynñiar jong ki ban ïoh jingïarap.”