EKSODOS 3:8 - Khasi CL Bible (BSI)

⁸ bad kumta nga la wan ban pyllait ïa ki na ki nong Ijipt bad ban ïalam noh ïa ki na ka ri Ijipt sha kata ka ri kaba ïar bad kaba seisoh, kaba tuid da ka dud bad ka ngap, ha kaba ki Kanaan, ki Hit, ki Amor, ki Peris, ki Hib bad ki Jebus ki shong mynta.

KA BAIBL

⁸ bad nga la wan hiar ma nga ban pyllait noh ïa ki na ka kti ki Ijipt, bad ban ïalam noh ïa ki na kata ka ri sha ka ri babha bad bakhraw, sha ka ri keiñ kaba tuid da ka dud bad ka ngap; sha ka jaka ki Kanaan, bad ki Hit, bad ki Amor, bad ki Peris, bad ki Hib, bad ki Jebus de.

EKSODOS 3:8 ပူးပေါင်းရင်းမြစ်များ

JENESIS 11:5

Nangta U Trai u la wan hiar ban khmih ïa kata ka nongbah bad ïa uta u mot uba ki la lah tei,

JENESIS 11:7

Ïa, ngin ïaleit hiar bad pynkhleh ïa ka ktien jong ki, ba kumta kin ym ïasngewthuh shuh iwei ïa iwei pat.”

JENESIS 15:13

U Trai u ong ha u, “Ki khun ki ksiew jong me kin long ki nongwei ha ka ri nongwei; kin long ki mraw hangta, bad kin shah pynshitom beiñ haduh sawspah snem.

JENESIS 15:14

Hynrei ngan pynshitom ïa ka jaitbynriew kaba teh mraw ïa ki, bad haba kin ïamihnoh na kata ka ri nongwei, kin da kit ruh shibun ka spah.

JENESIS 18:21

Ngan da leit hiar ban shem la kita ki jingkynnoh ïa kiba nga la ïohsngew ki long ne em kiba shisha.”

JENESIS 43:11

U Jakob u ong ha ki, “Lada kumta te, to leit rah ïa ki jingmih kiba kynsai tam jong kane ka ri ha ki byrni jong phi kum ka jingai sngewbha ïa uta u lat: khyndiat ka jingiwbih, khyndiat ka ngap, ki musli musla, ka mirr, ki jait soh-ot, bad ki almond.

JENESIS 46:4

Ngan leit lang bad me sha Ijipt, bad ngan wan ïalam biang ïa ki khun ki ksiew jong me sha kane ka ri. U Joseph ruh un don ryngkat bad me ynda me ïap.”

JENESIS 50:24

Te u Joseph u ong ha la ki hynmen, “Nga la jan ïap, hynrei U Blei un ri un da ïa phi, bad un ïalam noh ïa phi na kane ka ri sha kata ka ri kaba u la kular skhem ha u Abraham, ha u Isaak, bad ha u Jakob.”

1 KHRONIKL 1:15

ki Hib, ki Ark, ki Sin,

NEHEMAÏAH 9:8

Me shem ba u ïaineh ha me, bad me pynlong ka jingïateh kular bad u. Me kular ban ai ha u ïa ka ri ki Kanaan, ka ri jong ki Hit bad ki Amor, ka ri ki Peris, ki Jebus bad ki Girgash, kan long ka ri ha kaba ki khun ki ksiew jong u kin shong kin sah. Me bat ïa la ka kular, namar me long uba ïaineh.

SALM 12:5

“Hynrei mynta ngan wan,” ong U Trai, “namar ïa kiba kyrduh la banbeiñ bad kiba shah pynshitom beiñ ki ud ha ka jingshitom. Ngan ai ha ki ïa ka jingshngain kaba ki thrang eh.”

SALM 12:6

Ki jingkular jong U Trai ki long kiba lah ban shaniah; ki long kiba shisha kum ka rupa ba la phrang hynñiew sien ha ka shlem.

SALM 34:8

To mad da lade katno U Trai u long uba bha. Suk kita kiba shem jingshngain ha u!

SALM 91:15

Haba ki khot ïa nga, ngan jubab ïa ki; haba ki don ha ka jingjynjar, ngan long ryngkat bad ki. Ngan pyllait im ïa ki bad ngan pyndonburom ïa ki.

EKSODOS 12:41

Ha ka sngi kaba kut jong kita ki sawspah laiphew snem, baroh ki paid U Trai ki mihnoh na Ijipt.

EKSODOS 12:51

Ha kata ka sngi U Trai u ïalam noh ïa ki Israel na ka ri Ijipt.

EKSODOS 13:5

U Trai u la kular skhem ha ki kpa tymmen jong phi ba un ai ha phi ïa ka ri jong ki Kanaan, ki Hit, ki Amor, ki Hib, bad ki Jebus. Ynda u la wallam ïa phi sha kata ka ri kaba tuid da ka dud bad ka ngap, phi dei ban rakhe ïa kane ka Jingkhawai Niam man ka snem ha u bnai uba nyngkong.

EKSODOS 3:17

Nga la kular ba ngan ïalam noh ïa ki na Ijipt ha kaba ki shah lehbeiñ, sha kata ka ri kaba tuid da ka dud bad ka ngap — ka ri jong ki Kanaan, ki Hit, ki Amor, ki Peris, ki Hib bad ki Jebus.

EKSODOS 34:11

Kohnguh ïa ki hukum kiba nga ai ha phi mynta ka sngi. Ngan beh noh ïa ki Amor, ki Kanaan, ki Hit, ki Peris, ki Hib, bad ki Jebus, katba phi nang tur sha khmat.

EKSODOS 5:23

Naduh ba nga la leit sha u Pharaoh ban ïakren na ka bynta jong me, u la lehbeiñ tyngeh ïa ki. Bad mem shym la leh ei ei ban ïarap ïa ki!”

ISAÏAH 36:17

haduh ba u patsha un da pynbeit pat ïa phi ha ka ri kaba kum ka jong phi hi, ha kaba don ki bri sohwaiñ ban ai waiñ bad ha kaba don u kew ban shna jingbam.

ISAÏAH 64:1

Balei ba mem kad arliang ïa ka sahit bneng bad wan hiar? Ki lumbah kin ïohi ïa me bad khynñiuh da ka jingsheptieng.

JEREMAÏAH 11:5

Nangta ngan bat ïa ka kular kaba nga la pynlong ha ki kpa tymmen jong ki ba ngan ai ha ki ka ri kaba tuid da ka dud bad ka ngap kaba ki don mynta.” Nga la ong, “Ho-oid, ko Trai.”

JEREMAÏAH 2:7

Nga la wallam ïa ki sha ka ri baseisoh, ban lehkmen ïa ki jingot jong ka, bad kiei kiei kiwei pat kiba bha jong ka. Hynrei pynban ki la pynjot ïa ka ri jong nga, ki la pyntngit ïa ka ri kaba nga la ai ha ki.

JEREMAÏAH 32:22

Me la ai ha ki ïa kane ka ri kaba tuid da ka dud bad ka ngap, kumba me la kular ha ki kpa tymmen jong ki.

ESEKIEL 20:6

Ka la long ha kato ka por ba nga la kular ban shim noh ïa ki na Ijipt bad ïalam ïa ki sha ka ri kaba nga la jied na ka bynta jong ki, ka ri kaba tuid da ka dud bad ka ngap, ka ri kaba kynsai tam na baroh.

LEBITIKOS 20:24

Hynrei nga la kular ha phi ïa kata ka ri kaba tuid da ka dud bad ka ngap kum ka jingïohkynti jong phi, bad ngan ai ïa ka ha phi. Nga long U Trai U Blei jong phi, bad nga la pynkyrpang ïa phi na kiwei pat ki jaitbynriew.

AMOS 2:10

Nga la wan ïalam ruh ïa phi na ka ri Ijipt, nga la ïalam ïa phi sawphew snem lyngba ka ri shyiap bad nga la ai ïa phi ïa ka ri ki Amor ba phin ïohkynti.

JINGKHEIÑ 13:18

Leit khmih kata ka ri ka long kaba kumno, ki briew kiba shong hangta ki bun katno bad khlaiñ haduh katno.

JINGKHEIÑ 13:19

Khmih la kata ka jaka ka long kaba bha ne kaba sniew, bad la ki briew ki shong ha ki shnong ki thaw ne hapoh ki kut kiba skhem.

JINGKHEIÑ 13:27

Ki la ong ha u Moses, “Ngi la swar ïa ka ri bad ngi shem ba ka long kaba tuid da ka dud bad ka ngap; hangne khyndiat u soh jong ka.

ÏOANNIS 3:13

Bad ym don uno uno uba la ju leit kiew sha bneng lait tang U Khun U Briew, uba la wan hiar na bneng.”

DEUTERONOMI 1:25

Ki la wanrah khyndiat ki soh ba ki shem hangta, bad ki la ïathuh ruh ba kata ka ri ïa kaba U Trai U Blei jong ngi u ai ha ngi ka long kaba seisoh bha.

DEUTERONOMI 1:7

Lied noh ïa la ka dara bad ïaid shaphrang. Leit sha ri lum Amor bad sha ki jaka kiba markhap bad ka — sha ka Them Jordan, sha ki ri lum bad ri them, sha ka jaka kaba shathie bad sha ka rud duriaw Mediterranian. Leit sha ka ri Kanaan bad nangta sha lyndet ki lum Lebanon haduh ka wahbah Ïuphratis.

DEUTERONOMI 27:3

bad thoh ha ki ïa kine ki aiñ bad ki hukum baroh. Ynda phi la rung sha kata ka ri kaba tuid da ka dud bad ka ngap ba U Trai U Blei jong ki kpa tymmen jong phi u la kular ha phi,

DEUTERONOMI 28:11

U Trai un ai ha phi kyrhai ki khun ki kti, kyrhai ki masi, bad kyrhai ki soh ha kata ka ri ba u la kular ha ki kpa tymmen jong phi ban ai ha phi.

DEUTERONOMI 6:3

Shahshkor ïa ki, ko Israel, bad kohnguh ïa ki! Te phin shem bha, bad phin nang roi bad long ka jaitbynriew kaba donbor bad phin ïoh shong ha kata ka ri kaba tuid da ka dud bad ka ngap, kumba U Trai U Blei ki kpa tymmen jong ngi, u la kular.

DEUTERONOMI 7:1

“U Trai U Blei jong phi un wan ïalam ïa phi sha kata ka ri kaba phin ïohkynti, bad un beh noh nangta ïa ki jaitbynriew kiba bun. Katba phi nang ïaid sha khmat, un beh noh ïa ki hynñiew ki jaitbynriew kiba kham bun paid bad kham khrawbor ban ïa phi. Kita ki dei ki Hit, ki Girgash, ki Amor, ki Kanaan, ki Peris, ki Hib, bad ki Jebus.

JOSHUA 9:1

Ïa ki jingjop jong ki Israel la bna ha baroh ki syiem kiba shaphang sepngi jong ka Jordan — ha ki lumrit, ha trai ki lum, bad ha ka pyntha rud duriaw jong ka Duriaw Mediterranian haduh ka Lebanon ha ka phang bashatei; kine ki dei ki syiem jong ki Hit, ki Amor, ki Kanaan, ki Peris, ki Hib, bad ki Jebus.

JOSHUA 9:7

Hynrei ki Israel ki ong, “Balei ngin pynlong ka jingïateh lok bad phi? Ka lah ban long pynban ba phi shong phi sah hajan.”