EKSODOS 3:4 - Khasi CL Bible (BSI)

⁴ Haba U Trai u ïohi ba u Moses u wan kham hajan, u khot ïa u napdeng kata ka 'lawlynnong, bad u ong, “Moses! Moses!” U ruh u jubab, “Oi! Nga don hangne.”

KA BAIBL

⁴ Te mynba U Trai u la ïohi ba u la phai kyrpang ban jngoh, U Blei u la khot ïa u napdeng kata ka 'law lynnong, bad u da ong, “Ko Moses, Ko Moses.” U te u la ïathuh, “Ha khmih ma nga.”

EKSODOS 3:4 ပူးပေါင်းရင်းမြစ်များ

JENESIS 22:1

Hadien khyndiat por, U Blei u la tynjuh ïa u Abraham; u khot ïa u, “Abraham!” Bad u Abraham u jubab, “Oi, nga hangne!”

JENESIS 22:11

Hynrei u angel U Trai u pyrta ïa u na bneng, “Abraham, Abraham!” U jubab, “Ho-oid, nga hangne.”

JENESIS 28:16

U Jakob u la kyndit thiah, bad u ong, “U Trai u don hangne! U don ha kane ka jaka, bad ngam shym tip ïa kata!”

JENESIS 46:2

Te U Blei u kren ha u ha ka jingïohipaw mynmiet, bad u ong, “Jakob, Jakob!” U ruh u jubab, “Oi, nga hangne.”

SALM 62:11

Bunsien nga la ïohsngew ba U Blei u ong ba ka bor ka dei ka jong u

EKSODOS 19:3

bad u Moses u la leit kiew sha u lum ban ïashem bad U Blei. U Trai u la khot ïa u na u lum bad u la bthah ïa u ban ong ha ki Israel, ki khun ki ksiew u Jakob:

EKSODOS 3:2

Hangta u angel jong U Trai u la mihpaw ha u ha ka dur ka thylliej ding napdeng kawei ka 'lawlynnong. U Moses u ïohi ba kata ka 'lawlynnong ka la kem ding, hynrei kam shym ing satia.

EKSODOS 33:12

U Moses u la ong ha U Trai, “Ka long kaba shisha ba me la ong ïa nga ban ïalam ïa kine ki briew sha kata ka ri; hynrei mem pat shym ïathuh ha nga ïano men phah ryngkat bad nga. Me la ong ba me tip bha shaphang jong nga, bad me sngewbha eh ruh ïa nga.

EKSODOS 4:5

U Trai u la ong, “Leh ïa kane ban pynshisha ha ki Israel ba U Trai, U Blei jong ki kpa tymmen jong ki, U Blei jong u Abraham, u Isaak bad u Jakob, u la mihpaw ha me.”

LEBITIKOS 1:1

U Trai u khot ïa u Moses na ka Ïingjaiñ ka Jingdon Ryngkat U Trai bad u ai ha u ïa kine ki aiñ harum,

KI KAM 10:13

Ka sur ka la ong ha u, “Ïeng joit, ko Petros; to pynïap bad to bam!”

KI KAM 10:3

Ka la long ha kawei ka sngi kumba lai baje nohphai sngi mynba u la ïoh ka jingïohipaw, ha kaba u la ïohi da kaba shai kdar ïa u angel jong U Blei uba wan shapoh bad ong ha u, “Kornelios!”

KI KAM 9:4

U la hap sha madan bad u la ïohsngew ïa ka sur kaba ong ha u, “Saul, Saul! Balei me pynshitom beiñ ïa nga?”

DEUTERONOMI 33:16

To ka ri jong ki kan dap kyrhai da kaba bha baroh, Ba la kyrkhu da ka jingbha U Trai, Uba kren na ka 'lawlynnong kaba mehding. To kine ki jingkyrkhu kin wan ha ka jait u Joseph, Namar u la long u nongïalam ïa la ki hynmen bad para.

1 SAMUEL 3:10

Te U Trai u wan bad u ïeng hangta, bad u khot kum mynshuwa, “Samuel! Ko Samuel!” U Samuel u jubab, “To kren; u shakri jong me u shahshkor.”

1 SAMUEL 3:4

U Trai u khot, ïa u Samuel. U ruh u jubab, “Oi, Kynrad!”

1 SAMUEL 3:6

U Trai u khot biang ïa u Samuel. U khynnah um shym tip satia ba dei U Trai, namar U Trai um pat ju la kren bad u mynshuwa. Kumta u khie joit bad u leit sha u Eli, bad u ong, “Phi khot ïa nga, bad nga hangne.” Hynrei u Eli u jubab, “Khun jong nga, ngam shym khot ïa phi; khie leit thiah biang.”

1 SAMUEL 3:8

U Trai u khot biang ïa u Samuel ha ka sien kaba lai; u la khie, u leit sha u Eli, bad u ong, “Phi khot ïa nga, bad nga hangne.” Hangta u Eli u sngewthuh ba dei U Trai uba la khot ïa uta u khynnah;