EKSODOS 3:16 - Khasi CL Bible (BSI)

¹⁶ Khie leit lumlang ïa ki tymmen ki san jong ki Israel bad ïathuh ha ki ba nga U Trai, U Blei jong ki kpa tymmen jong ki, U Blei jong u Abraham, U Isaak, bad u Jakob, nga la mihpaw ha me. Ïathuh ruh ha ki ba nga la wan jngoh ïa ki, bad nga la ïohi aïu ki nong Ijipt ki la leh ïa ki.

KA BAIBL

¹⁶ To leit, to ïalum lang ruh ïa ki tymmen basan jong ki Israel, bad to ong ruh ha ki, ‘U Trai uba U Blei ki kpa jong phi, U Blei u Abraham, u Isaak, bad u Jakob de, u la mihpaw ha nga, u da ong, “Shisha nga la wan jngoh ïa phi, bad nga la ïohi ïa kaba la leh ïa phi ha ka ri Ijipt;

EKSODOS 3:16 ပူးပေါင်းရင်းမြစ်များ

JENESIS 21:1

U Trai u la kyrkhu ïa ka Sarah kumba u la kular, bad ka la punkhun bad kha khun shynrang ïa u Abraham haba u la tymmen.

JENESIS 28:13

Bad hangta la don U Trai uba ïeng hajan jong u. “Nga long U Trai, U Blei jong u Abraham bad u Isaak,” u ong. “Ngan ai ha me bad ha ki khun ki ksiew jong me ïa kane ka jaka ha kaba me thiah.

JENESIS 48:15

Nangta u kyrkhu ïa u Joseph u da ong, “To U Blei uba ki kpa jong nga, U Abraham bad u Isaak, ki la shakri, Un kyrkhu ïa kine ki khun! To U Blei uba la ïalam ïa nga haduh kane ka sngi, un kyrkhu ïa ki!

JENESIS 50:24

Te u Joseph u ong ha la ki hynmen, “Nga la jan ïap, hynrei U Blei un ri un da ïa phi, bad un ïalam noh ïa phi na kane ka ri sha kata ka ri kaba u la kular skhem ha u Abraham, ha u Isaak, bad ha u Jakob.”

SALM 102:21

Bad kumta ïa ka kyrteng jong u yn pynbna ha Seïon, bad yn ïaroh ïa u ha Jerusalem

SALM 33:18

U Trai u khmih sumar ïa kito kiba kohnguh ïa u, ïa kito kiba shaniah ha ka jingieit baneh jong u,

SALM 8:4

u briew u long uei, ba me pyrkhat ïa u; u long tang u briew, ba me da sumar ïa u?

EKSODOS 1:8

Nangta, u syiem bathymmai u bymtip ei ei shaphang u Joseph, u la synshar ha Ijipt.

EKSODOS 13:19

U Moses u la rah bad u ïa ka met u Joseph, kumba u Joseph u la pynsmai ïa ki Israel. U Joseph u la lah ong, “Haba U Blei u wan pyllait ïa phi, phi dei ban kit noh ïa ka met jong nga na kane ka jaka.”

EKSODOS 15:14

Ki jaitbynriew ki la ïohsngew, bad ki la kyiuh da ka jingsheptieng; ïa ki Philistia la kynrup da ka jingsngewtriem.

EKSODOS 17:5

U Trai u ong ha u Moses, “Ïalam bad me katto katne ngut ki nongïalam jong ki Israel, bad leit sha shuwa jong u paidbah. Rah ruh ïa u diengduh da uba me la shoh ïa ka wah Nile.

EKSODOS 18:12

Nangta u Jethro u la wanrah ïa ka jingainguh ban thang tylli bad ïa kiwei kiwei de ki jingainguh ban ai jingkñia sha U Blei; bad u Aaron lem bad nongïalam jong ki Israel baroh ki la ïaleit bad u ban bam ïa ka jingbam kaba kyntang kum ka dak ka jingmane ïa U Blei.

EKSODOS 2:25

U ïohi ïa ka jinglongmraw jong ki Israel, bad u la sngewkhia na ka bynta jong ki.

EKSODOS 24:11

U Blei um shym pynmynsaw ïa kine ki rangbah bapawkhmat jong ki Israel; ki la ïohi ïa U Blei, bad hadien kata ki la ïabam bad ïadih.

EKSODOS 3:2

Hangta u angel jong U Trai u la mihpaw ha u ha ka dur ka thylliej ding napdeng kawei ka 'lawlynnong. U Moses u ïohi ba kata ka 'lawlynnong ka la kem ding, hynrei kam shym ing satia.

EKSODOS 3:6

Nga long U Blei jong ki kpa tymmen jong me, U Blei jong u Abraham, u Isaak bad u Jakob de.” Kumta u Moses u tap ïa la ka khmat, namar um nud ban peit sha U Blei.

EKSODOS 4:1

Te U Moses u jubab ïa U Trai, “Hynrei tharai ki Israel kin ym ngeit ïa nga, bad kin ym shahshkor ïa kaei kaba nga ong. Ngan leh kumno lada ki ong ba mem shym la paw ha nga?”

EKSODOS 4:29

Kumta u Moses bad u Aaron ki leit sha Ijipt bad ki ïalumlang ïa ki nongïalam baroh jong ki Israel.

EKSODOS 4:31

Ki paidbah ki la ngeit, bad haba ki ïohsngew ba U Trai u la wan sha ki bad ba u la ïohi kumno ki la shah lehbeiñ tyngeh, ki la nguh la dem bad ki la ïamane ruh.

EKSODOS 4:5

U Trai u la ong, “Leh ïa kane ban pynshisha ha ki Israel ba U Trai, U Blei jong ki kpa tymmen jong ki, U Blei jong u Abraham, u Isaak bad u Jakob, u la mihpaw ha me.”

MATHAÏOS 26:3

Nangta ki rangbah lyngdoh bad ki tymmen ki san ki la ïakynduh lang ha ka ïing paki dulan jong u Kaïaphas, u Rangbah Lyngdoh,

LOUKAS 1:68

“To ngin ïaroh ïa U Trai, U Blei jong ki Israel! U la wan ïa ka ban ïarap ïa ki briew jong u bad ban pyllaitluid ïa ki.

LOUKAS 19:44

Kin pynjot thiaw ïa pha bad ïa ki briew kiba hapoh ki kynroh jong pha; yn ym pynsah wat uwei ruh u maw ha ka jaka ba u don, namar ba pham shym ithuh ïa ka por mynba U Blei u la wan ban pynim ïa pha!”

KI KAM 11:30

Te ki la leh ïa kane, bad ki la phah ïa ka pisa sha ki tymmen basan jong ka balang lyngba u Barnabas bad u Saul.

KI KAM 15:14

U Simon u dang shu dep batai kumno ba U Blei u la pyn-i nyngkong ïa ka jingpyrkhat na ka bynta ki Jentil da kaba shim napdeng jong ki ïa u paidlang ban long u jong u.

KI KAM 20:17

Na Miletos u Paul u la phah khubor sha Ephesos, da kaba kyrpad ïa ki nongsharai balang, ban ïakynduh ïa u.

1 PETROS 2:12

Ka rukom im jong phi hapdeng ki bymngeit ka dei ban long kaba bha kumta ba haba ki mudui ïa phi kum ki nongleh bymman, kin hap ban ithuh shai ïa ki kam babha jong phi bad kumta kin ïaroh ïa U Blei ha ka Sngi ka jingwan jong u.

1 PETROS 5:1

Ma nga, uba ïa lade nga long u nongsharai balang, nga kyntu ïa ki nongsharai balang ka balang hapdeng jong phi. Nga long u sakhi ïa ki jingshahshitom U Khrist, bad ngan ïoh bynta ha ka burom kaba yn sa pynpaw.

RUTH 1:6

Hadien katto katne por ka Naomi ka ïohsngew ba U Trai u la kyrkhu ïa la ki briew da kaba ai ha ki ka jingot kaba bha; kumta ka la khreh ban mihnoh na Moab lem bad la ki pyrsa kurim.