EKSODOS 3:15 - Khasi CL Bible (BSI)

¹⁵ Ong ïa ki Israel ba ma nga, U Trai, U Blei jong ki kpa tymmen jong ki, U Blei jong u Abraham, u Isaak bad u Jakob, u la phah ïa me sha ki. Kane ka long ka kyrteng jong nga junom la junom; kumne ruh ki pateng bynriew ki ban dang wan ki dei ban khot ïa nga.

KA BAIBL

¹⁵ Nalor kane U Blei u la ong ruh ha u Moses, “Kumne men ong ha ki khun Israel, ‘U Trai uba U Blei ki kpa jong phi, U Blei u Abraham, U Blei u Isaak, bad U Blei u Jakob ruh, u la phah ïa nga ha phi’: kane ka long ka kyrteng jong nga ha la ka rta, bad kane ka long ka jingpynkynmaw ïa nga sha ki pateng bynriew baroh.

EKSODOS 3:15 ပူးပေါင်းရင်းမြစ်များ

JENESIS 24:12

U la duwai, “A Trai, U Blei jong u kynrad jong nga u Abraham, to ai ka jingjop ïa nga mynta ka sngi bad to bat ïa la ka kular ïa u kynrad jong nga.

1 KHRONIKL 16:16

ka jutang kaba u la pynlong bad u Abraham, ka jingkular kaba u la pynlong bad u Isaak.

1 KHRONIKL 29:18

Ko Trai, U Blei jong u Abraham, u Isaak, bad u Jakob, ki kpa tymmen jong ngi, ki la buh ïa kum kane ka jingmane kaba khlaiñ ha ki dohnud jong ki briew jong me bad ki ïai pynlong ïa ki ban ïaineh ha me.

2 KHRONIKL 28:9

U briew uba kyrteng u Oded, u nongïathuhlypa jong U Trai; u shong ha ka nongbah Samaria. U ïakynduh ïa ka kynhun shipai Israel kaba wan phai bad ki koidi Judia hamar ba kin rung sha ka nongbah bad u ong: “U Trai U Blei ki kpa tymmen jong phi, u la bitar ïa ki Judah, bad u la shah ïa phi ban jop; hynrei mynta u la ïohsngew ïa ka jinglehbeiñ palat jong phi ba phi pynïap ïa ki.

SALM 102:12

Hynrei ma me, A Trai, me long u syiem junom; baroh ki pateng kin kynmaw ïa me.

SALM 102:13

Men ïeng bad leh-isynei ïa ka Seïon; ka por ka la poi ban leh-isynei ïa ka; kane ka dei ka por kaba biang bha.

SALM 135:13

A Trai, ïa me yn pynbna borabor kum U Blei; ki pateng bynriew baroh kin kynmaw ïa me.

SALM 30:4

To rwai ïaroh ïa U Trai, phi ki briew baroh kiba ïaineh ha u! To kynmaw ïa kaei kaba Uta Uba Khuid u la leh, bad to ainguh ïa u!

SALM 30:5

Ka jingbitar jong u ka neh tang shipor, ka jingbha jong u ka neh shi rta. Ki ummat ki lah ban jaw mynmiet, hynrei ka jingkmen ka wan pat mynstep.

SALM 68:5

U Blei, uba shong ha ka Templ bakyntang jong u, u sumar ïa ki khunswet bad u ïada ïa ki riewkynthei.

SALM 72:17

Ai ban ym klet da lei lei ïa ka kyrteng jong u syiem; ai ba ka nam jong u kan neh kumba neh ka sngi. Ai ba ki jaitbynriew baroh kin kyrpad ïa U Blei ban kyrkhu ïa ki kumba u la kyrkhu ïa u syiem.

SALM 72:19

To ïaroh ïa ka kyrteng badonburom jong u junom! Ai ba ka burom jong u kan pyndap ïa ka pyrthei baroh kawei. Amen! Amen!

EKSODOS 15:2

U Trai u long u nongïada uba khlaiñ jong nga; u long ma u, uba la pyllait im ïa nga. U dei U Blei jong nga, bad ngan ïaroh ïa u, U Blei jong u kpa jong nga, bad ngan rwai shaphang ka jingkhraw jong u.

EKSODOS 15:3

U Trai u long u khla-ka-wait; Ka kyrteng jong u ka long U Trai.

EKSODOS 3:13

Hynrei u Moses u phai ktien, “Haba nga leit sha ki Israel bad ngan ong ha ki, ‘U Blei jong ki kpa tymmen jong phi u la phah ïa nga sha phi,’ kin sa kylli ïa nga, ‘Kaei ka kyrteng jong u?’ Ngan ong kumno ïa ki?”

EKSODOS 3:6

Nga long U Blei jong ki kpa tymmen jong me, U Blei jong u Abraham, u Isaak bad u Jakob de.” Kumta u Moses u tap ïa la ka khmat, namar um nud ban peit sha U Blei.

EKSODOS 4:1

Te U Moses u jubab ïa U Trai, “Hynrei tharai ki Israel kin ym ngeit ïa nga, bad kin ym shahshkor ïa kaei kaba nga ong. Ngan leh kumno lada ki ong ba mem shym la paw ha nga?”

EKSODOS 4:5

U Trai u la ong, “Leh ïa kane ban pynshisha ha ki Israel ba U Trai, U Blei jong ki kpa tymmen jong ki, U Blei jong u Abraham, u Isaak bad u Jakob, u la mihpaw ha me.”

EKSODOS 6:2

Te U Blei u la kren ha u Moses bad u la ong, “Nga long U Trai.

PROBERB 18:10

U Trai u long kum ka kut baskhem, sha kaba kiba hok ki lah ban leit bad sngewshngain.

ISAÏAH 26:8

Ngi bud ïa ka mon jong me bad ngi buh ka jingkyrmen jong ngi ha me; me long tang ma me uba ngi kwah.

ISAÏAH 42:8

“Nga hi marwei nga long U Trai U Blei jong phi, ym don kiwei pat ki blei kiba lah ban ïoh bynta na ka burom jong nga; ngan ym shah ïa ki bleithaw ban ïoh bynta na ka jingïaroh jong nga.

ISAÏAH 63:12

Hangno u don U Trai, uba da ka bor jong u, u la leh ki kam bakhraw lyngba u Moses, u da kad arliang ïa ki um ka duriaw bad ïalam ïa ki briew jong u lyngba ki um kiba jylliew, ban ïoh ïa ka nam baneh junom na ka bynta ïa lade?” Ha ka jingïalam U Trai, ki kjat jong ki, ki long skhem kum ki kulai khlaw, bad kim ju jynthut.

ISAÏAH 9:6

Ïa i khunlung la kha ha ngi! Ïa u khun la ai ha ngi! Bad un long u nongsynshar jong ngi. Yn khot ïa u, “U Nongsyllok Baphylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

JEREMAÏAH 33:2

U Trai, uba la thaw ïa ka pyrthei, uba la pynlong ïa ka bad buh ïa ka ha la ka jaka, u la kren ha nga. Uta uba ka kyrteng jong u ka long U Trai, u la ong,

DANIEL 2:23

Nga ïaroh ïa me bad pyndonburom ïa me, A U Blei ki kpa tymmen jong nga. Me la ai ha nga ka jingstad bad ka jingkhlaiñ; me la jubab ïa ka jingduwai jong nga bad me la pyn-i ha ngi kaei ba ngin ïathuh ha u syiem.”

HOSIA 12:5

Une u dei U Trai U Blei Badonbor Baroh — U Trai long ka kyrteng ha uba dei ban mane.

HOSIA 12:6

Kumta mynta, ko ki khun ki ksiew u Jakob, shaniah ha U Blei jong phi bad wan phai pat sha u. Long kiba ïaineh bad kiba lehhok, bad ap da kaba ïaishah ïa U Blei jong phi ban leh.

MIKAH 4:5

Kawei pa kawei ka jaitbynriew ka mane bad kohnguh ïa la u jong u blei, hynrei ngi ngin mane bad kohnguh ïa U Trai U Blei jong ngi junom la junom.

MALAKHI 3:6

“Nga long U Trai, bad ngam ju kylla. Bad kumta ma phi, ki khun ki ksiew u Jakob, phim pat shym la jah noh khoit.

MATHAÏOS 22:32

‘Nga long U Blei jong u Abraham, U Blei jong u Isaak, bad U Blei jong u Jakob.’ U long U Blei jong kiba im bad ym jong kiba ïap.”

KI KAM 3:13

U Blei jong u Abraham, u Isaak, bad jong u Jakob, U Blei ki kpa tymmen jong ngi, u la ai ïa ka burom ba kynja blei ha U Jisu u shakri jong u. Hynrei phi la aiti ïa u ha ki bor synshar, bad phi la kyntait ïa u ha khmat u Pilat, wat hadien ba u Pilat u la rai ban pyllait noh ïa u.

KI KAM 7:32

‘Nga long U Blei jong ki kpa tymmen jong me, U Blei jong u Abraham, u Isaak bad u Jakob.’ U Moses u la khynñiuh da ka jingsheptieng bad um shym la nud ban peit.

DEUTERONOMI 1:11

Ai ba U Trai, U Blei ki kpa tymmen jong phi un nang pynroi shuh shuh ïa phi bun hajar shah bad un pynmanbha ïa phi, kumba u la kular!

DEUTERONOMI 1:35

‘Na kane ka pateng bymman, yn ym don uwei ruh u ban ïoh leit rung ha kata ka ri kaba seisoh ba nga la kular ban ai ha ki kpa tymmen jong phi,

DEUTERONOMI 4:1

Nangta u Moses u ong ha uta u paidbah, “Kohnguh ïa ki hukum baroh ïa kiba nga hikai ïa phi, te phin ïoh im bad phin ïohkynti ïa kata ka ri kaba U Trai U Blei ki kpa tymmen jong phi, u ai ha phi.

HEBRU 11:16

Pynban, ka ri kaba ki kwah hir hir ka long ka ri kaba kham bha, ka ri ba kynja bneng. Bad kumta U Blei um sngewlehrain ïa ki, ba yn khot ïa u, U Blei jong ki, namar u la pynkhreh ka nongbah na ka bynta jong ki.

HEBRU 13:8

U Jisu Khrist u long ujuh mynhynnin, mynta bad sha ki bymjukut.