EKSODOS 3:1 - Khasi CL Bible (BSI)

¹ Ha kawei ka sngi katba u Moses u dang ap ïa ka kynhun langbrot jong u Jethro, u kthaw kurim jong u, u lyngdoh ka Midian, u ïalam ïa kata ka kynhun lyngba ka ri shyiap, bad u wan poi ha Sinai, u lum uba khuid.

KA BAIBL

¹ Te u Moses u la dang ap ïa ka kynhun u Jethro u kthaw kurim jong u, uba u lyngdoh ka ri Midian: bad u la ïalam ïa kata ka kynhun sha lyndet ka ri khlaw, bad u la wan sha u lum U Blei, sha Horeb keiñ.

EKSODOS 3:1 ပူးပေါင်းရင်းမြစ်များ

1 SYIEM 19:19

U Elijah u la mihnoh bad shem ïa u Elisha ba u dang pynlur ïa shi jur ki masi dab; la don khatwei jur ki masi dab kiba don ha ki lyngkor ha khmat jong u, bad u dang pynlur ïa kiba khatduh. U Elijah u la law noh ïa la ka barandi bad u la pynkup ha u Elisha.

1 SYIEM 19:8

U Elijah u la khie joit, u bam bad u dih bad ka jingbam ka la ai bor ïa u ban ïaid sawphew sngi sha Sinai, u lum bakhuid.

SALM 106:19

Ki la thaw ïa u khun masi ksiar ha Sinai bad mane ïa uta u bleithaw;

EKSODOS 17:6

Nga ngan ïeng ha khmat jong me ha u mawsiang ha u Lum Sinai. Tied ïa u mawsiang; te ka um kan sa mih na u ba u paidbah un ïoh dih.” U Moses u leh kumta ha ka jingdon ryngkat ki nongïalam jong ki Israel.

EKSODOS 18:12

Nangta u Jethro u la wanrah ïa ka jingainguh ban thang tylli bad ïa kiwei kiwei de ki jingainguh ban ai jingkñia sha U Blei; bad u Aaron lem bad nongïalam jong ki Israel baroh ki la ïaleit bad u ban bam ïa ka jingbam kaba kyntang kum ka dak ka jingmane ïa U Blei.

EKSODOS 19:11

Ki dei ban sait ïa la ki jaiñkup bad ban long kiba la khreh la shi sngi. Ha kata ka sngi ngan wan hiar ha u Lum Sinai; ha kaba ki briew baroh kin ïohi ïa nga.

EKSODOS 19:3

bad u Moses u la leit kiew sha u lum ban ïashem bad U Blei. U Trai u la khot ïa u na u lum bad u la bthah ïa u ban ong ha ki Israel, ki khun ki ksiew u Jakob:

EKSODOS 2:16

Ha kawei ka sngi, katba u Moses u dang shongthait harud kawei ka pukri, hynñiew ngut ki khun kynthei jong u Jethro, u lyngdoh ka Midian, ki ïawan tong um ban pyndap ïa ki shyngoid ba kin ïoh ai um ïa ki langbrot bad ki blang jong u kpa jong ki.

EKSODOS 2:18

Ynda ki leit phai sha la u kpa, u kylli ïa ki, “Kumno phi ïawan kloi mynta ka sngi?”

EKSODOS 2:21

Kumta u Moses u la mynjur ban shong ban sah noh hangta, bad u Jethro ruh u pynshongkurim ïa u bad ka Sipporah ka khun jong u kaba la kha khun shynrang ïa u Moses.

EKSODOS 24:13

U Moses bad u Joshua u nongïarap jong u ki la khreh, bad u Moses u la leit kiew sha uta u lum uba kyntang.

EKSODOS 3:12

U Blei u jubab, “Ngan long lem bad me, bad haba me ïalam noh ïa ki briew jong nga na Ijipt, phin ïamane ïa nga ha une u lum. Kata kan long ka jingpynshisha ba nga la phah ïa me.”

EKSODOS 3:5

“Wat wan sha jan,” ong U Blei. “Loit noh ïa la ki juti, namar me ïeng ha ka jaka kaba khuid.

EKSODOS 33:6

Kumta hadien ba ki la mihnoh na u Lum Sinai, ki Israel kim deng jingdeng shuh.

EKSODOS 4:18

Nangta u Moses u leit phai sha u Jethro, u kthaw kurim jong u, bad u ong ha u, “Sngewbha shah ïa nga ban leit phai sha la ki ba-ha-ïing ha-sem ha Ijipt, ban leit khmih la ki dang im ne em.” U Jethro u mynjur bad u la kren khublei ïa u.

EKSODOS 4:27

Ha kajuh ka por U Trai u la ong ha u Aaron, “Khie leit sha ka ri shyiap ban ïakynduh ïa u Moses.” Kumta u leit ban ïakynduh ïa u ha uta u lum bakhuid; bad haba u ïashem bad u, u doh ïa u.

AMOS 1:1

Kine ki long ki ktien u Amos, u nongaplangbrot na ka shnong Tekoa. Ar snem shuwa u jumai, mynba u Ussaïah u long u syiem ka Judah, bad u Jeroboam u khun jong u Joash u long u syiem ka Israel, U Blei u la pynpaw ha u Amos ïa kine kiei kiei baroh shaphang ki Israel.

MALAKHI 4:4

“To kynmaw ïa ki jinghikai u Moses u shakri jong nga, ki aiñ bad ki hukum kiba nga la ai ha u ha u Lum Sinai na ka bynta ki paid Israel baroh ban kohnguh.

JINGKHEIÑ 10:29

U Moses u ong ha u kynum jong u, u Hobab u khun jong u Jethro, u nong Midian, “Ngi te ngi la khreh ban mihnoh sha kata ka jaka ïa kaba U Trai u la ong ban ai ha ngi. U la kular ban pynmanbha ïa ki Israel, te kumta ale wan bad ngi, bad ngin ïabynta lem ïa ka jingmanbha jong ngi lem bad phi.”

JINGKHEIÑ 10:33

Haba u paidbah u la mihnoh na Sinai, u lum uba khuid, ki la ïa-ïaid lai sngi lynti. Ka Synduk ka Jutang U Trai borabor ka leit ha shuwa jong ki ban wad ïa ka jaka ba kin shong dara.

LOUKAS 2:8

La don katto katne ngut ki nongap langbrot ha kata ka bynta jong ka ri kiba la sahmiet ha ki lum, da kaba sumar ïa ki kynhun langbrot jong ki.

KI KAM 7:30

“Hadien ba ki sawphew snem ki la ïaid, u angel u la paw ha u Moses ha ki thylliej ding jong ka 'lawlynnong kaba ing hajan u lum Sinai.

DEUTERONOMI 1:2

(Ka shim por khatwei sngi ban ïaid na u Lum Sinai sha Kadesh Barnea na shaphang ka ri lum Edom.)

DEUTERONOMI 1:6

U ong, “Mynba ngi don ha u Lum Sinai, U Trai U Blei jong ngi u ong ha ngi, ‘Phi la ïashong slem eh ha une u lum.

DEUTERONOMI 4:10

Ïathuh pateng ha ki khun ki ksiew jong phi shaphang kata ka sngi ba phi ïeng ha khmat U Trai U Blei jong phi ha u Lum Sinai, mynba u ong ha nga, ‘Lumlang ïa u paidbah. Nga kwah ba kin ïohsngew aïu ngan ong, ba kumta kin tiengburom ïa nga katba ki dang im bad ba kin hikai ïa la ki khun ki kti ban leh kumjuh.’

NONGBISHAR 4:11

Ha kajuh ka por, u Heber u jait Ken u pynïeng la ka dara marjan ïa ka Kedesh hajan u dieng Sning ha Saanannim. U la kynriah noh na kiwei pat ki jait Ken, ki khun ki ksiew jong u Hobab, u kynum jong u Moses.

1 SAMUEL 16:11

Nangta u kylli ïa u, “Phi dang don shuh ki khun shynrang?” U Jesse u jubab, “Don sa tang uba khatduh, hynrei u dang leit sharai ïa ki langbrot.” “Bthah ïa u ban wan shane,” u Samuel u ong. “Ngin ym ai jingkñia katba um pat wan.”