EKSODOS 29:9 - Khasi CL Bible (BSI)

⁹ Buh ïa ki panpoh ha ki syngkai jong ki, bad teh ïa ki tupia ha ki khlieh jong ki. Ha kane ka rukom men pynkyntang ïa u Aaron bad ïa ki khun shynrang jong u. Ma ki bad ki khun ki ksiew jong ki kin shakri ïa nga junom kum ki lyngdoh.

KA BAIBL

⁹ Bad men pynpanpoh ïa ki da ki jingpanpoh, ïa u Aaron keiñ bad ïa ki khun shynrang jong u, bad men pynphong ïa ki da kita ki tupia: bad kata ka kam lyngdoh ruh kan ïailong ka jong ki da ka hukum pateng la pateng: bad men pynkyntang ruh ïa u Aaron bad ïa ki khun shynrang jong u.

EKSODOS 29:9 ပူးပေါင်းရင်းမြစ်များ

EKSODOS 27:21

U Aaron bad ki khun shynrang jong u ki dei ban pynïeng ïa ka sharak hapoh ka Ïingjaiñ ka Jingdon Ryngkat jong nga shabar jong ka pyrda kaba don ha khmat jong ka Synduk ka Jutang. Hangta ha ka jingdon ryngkat jong nga dei ban pynmeh ïa ka naduh janmiet haduh mynstep. Ïa kane ka hukum dei ban sumar junom da ki Israel bad ki khun ki ksiew jong ki.

EKSODOS 28:1

“Khot ïa u Aaron u hynmen jong me bad ïa ki khun shynrang jong u, u Nadab, u Abihu, u Eleasar, bad u Ithamar. Pynkyrpang ïa ki na ki Israel khnang ba kin shakri ïa nga kum ki lyngdoh.

EKSODOS 32:29

U Moses u la ong ha ki Lebi, “Mynta ka sngi phi la pynkyntang ïa lade kum ki lyngdoh ha ka jingshakri ïa U Trai da kaba pynïap ïa la ki khun shynrang bad ïa ki hynmen ki para shynrang, kumta U Trai u la ai ha phi ïa ki jingkyrkhu jong u.”

EKSODOS 40:15

Nangta, pynsleh ïa ki kumba me leh ïa u kpa jong ki, ba ki lah ban shakri ïa nga kum ki lyngdoh. Da kane ka jingpynsleh, kin ïailong ki lyngdoh shi rta.”

LEBITIKOS 8:1

U Trai u ong ha u Moses,

LEBITIKOS 8:13

Nangta u Moses u wallam ïa ki khun shynrang u Aaron kham sha khmat bad u pynphong sopti ïa ki, u buh ïa ki panpoh sawdong ka syngkai jong ki, bad u pynteh tupia ha ki khlieh jong ki, kumba U Trai u la hukum.

LEBITIKOS 8:33

Hynñiew sngi phim dei ban mih na ka jingkhang ka ïingjaiñ, tat ynda la pyndep lut ïa ki jinglehniam ka jingpynkyntang.

JINGKHEIÑ 16:10

U la ai ïa phi bad ïa kiwei pat ki Lebi ban ïoh ïa kane ka burom — bad mynta pat phi pyrshang ban ïoh sa ïa ka kam lyngdoh ruh!

JINGKHEIÑ 16:35

Nangta U Trai u phah ïa ka ding kaba meh, bad ka bam duh khoit ïa kita ki arspah sanphew ngut ki briew kiba la wanrah ïa ki jingiwbih.

JINGKHEIÑ 16:40

Kane ka la long ka jingmaham ïa ki Israel ba uno uno u bym shym la hiarpateng na u Aaron um bit ban wan sha ka duwan ban thang jingiwbih ha khmat U Trai, lym kumta un shah pynjot thiaw kum u Korah bad ki nongbud jong u. Ïa kane baroh la leh kumba U Trai u la hukum ïa u Eleasar da u Moses.

JINGKHEIÑ 18:7

Hynrei tang ma me bad ki khun shynrang jong me phin pyndep ïa ka jingkitkhlieh ka jinglong lyngdoh kaba ïadei bad ka duwan bad kaei kaba don ha ka Jaka kaba Kyntang Tam. Kine kiei kiei ki long ki jingkitkhlieh jong me, naba nga la ai ha me ïa ka kam lyngdoh kum ka jingai sngewbha. Uno uno uwei pat u briew u bym bit bym biang uba wan hajan kita ki tiar kiba kyntang un shah pynïap.”

JINGKHEIÑ 25:13

Ma u bad ki khun ki ksiew jong u kin bat ïa ka kam lyngdoh junom, namar ba um shym la shah ïa kiba ïakob bor bad nga bad ba u la wallam ka jingïohmap na ka bynta ka pop jong ki briew.”

JINGKHEIÑ 3:10

Phin thung ïa u Aaron bad ïa ki khun shynrang jong u ban pyndep ïa ki kamram ka jinglong lyngdoh; uno uno uwei pat uba pyrshang ban leh kumta un shah pynïap.”

DEUTERONOMI 18:5

Na ki jait jong phi baroh, U Trai u la jied ïa ka jait Lebi ban shakri ïa u kum ki lyngdoh pateng la pateng.

HEBRU 5:10

bad U Blei u la pynbna ba u long U Rangbah Lyngdoh ha ka rukom long lyngdoh jong u Melkhisedek.

NONGBISHAR 17:5

Une u Mikah u don la ka ïing mane blei. U shna katto katne ki bleithaw bad ka ephod, bad u thung ïa uwei na ki khun shynrang jong u kum u lyngdoh.

1 SAMUEL 2:30

Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.