EKSODOS 29:7 - Khasi CL Bible (BSI)

⁷ Nangta, shim ïa ka umphniang pynsleh, theh ïa ka ha ka khlieh jong u, bad pynsleh ïa u.

KA BAIBL

⁷ Ynda kumta, men shim ïa ka umphniang bapynsleh, bad to theh ïa ka ruh halor ka khlieh jong u, bad pynsleh ïa u.

EKSODOS 29:7 ပူးပေါင်းရင်းမြစ်များ

SALM 133:2

Ka long kum ka umphniang sleh kaba kordor kaba tuid na ka khlieh bad u 'ñiuhtmoh jong u Aaron, kaba hiar haduh ki rmiang jaiñkup jong u.

SALM 89:20

Nga la pynlong ïa u Dabid u shakri jong nga ban long syiem, da kaba pynsleh ïa u da ka umphniang bakhuid.

EKSODOS 28:41

Pynphong ïa kine ki jaiñ ha u Aaron u hynmen jong me bad ha ki khun shynrang jong u. Nangta pynkupbor ïa ki bad pynkyntang da kaba pynsleh ïa ki da ka umphniang Olib, khnang ba ki lah ban shakri ïa nga kum ki lyngdoh.

EKSODOS 40:13

Pynkup ïa u Aaron da ki jaiñphong lyngdoh, pynsleh ïa u, bad da kane pynkyntang ïa u, ba u lah ban shakri ïa nga kum u lyngdoh.

ISAÏAH 61:1

U Trai Nongsynshar u la pyndap ïa nga da U Mynsiem jong u. U la jied ïa nga bad phah ïa nga ban wallam ïa ka khubor babha sha kiba duk, ban pynkhiah ïa kiba la pait dohnud, ban pynbna ka jingpyllait ïa ki mraw bad ka jinglaitluid ïa kito kiba ha ka byndi.

LEBITIKOS 10:7

Wat mih shabar ka jingkhang jong ka Ïingjaiñ, ïoh phi ïap, namar la pynkyntang ïa phi da ka umphniang pynsleh jong U Trai.” Kumta ki la leh kumba u Moses u la ong.

LEBITIKOS 21:10

“U Rangbah lyngdoh ha uba ïa ka umphniang pynsleh la theh ha ka khlieh jong u, bad ïa uba la pynkyntang ban phong ïa ki jaiñkup lyngdoh, um dei ban ieh ra-ngiep ïa la u shñiuh lane kad ïa la ki jaiñkup.

LEBITIKOS 21:12

Um dei ruh ban pyntngit ïa ka jaka kyntang da kaba mih shabar jong ka; naba la pynkyntang ïa u sha nga da kaba pynsleh umphniang. Nga long U Trai.

LEBITIKOS 7:35

Kane ka long ka bynta jong ka jingbam ba la ainguh sha U Trai ïa kaba la ai ha u Aaron bad ki khun jong u ha kata ka sngi ba pynkyntang ïa ki kum ki lyngdoh.

SEKHARAÏAH 4:14

Nangta u la ong, “Kine ki long ki ar ngut ki rangbah kiba U Blei u la jied bad pynsleh ba kin shakri ïa u, U Trai jong ka pyrthei baroh kawei.”

JINGKHEIÑ 35:25

Phi kit pop tang na ka bynta ka jingpynïap bad u paidbah u dei ban pyllait im ïa phi na u kur jong uba ïap, bad ki dei ban pynphai ïa phi sha ka shnong jakarieh sha kaba phi la phet rieh. Phi dei ban shong ban sah hangta haduh ba un da ïap uta u briew uba long Rangbah Lyngdoh ha kata ka por.

ÏOANNIS 3:34

Uta ïa uba U Blei u la phah, u kren ïa ki ktien jong U Blei, namar ba U Blei u ai ha u ïa ka jingdap jong U Mynsiem jong u.

1 ÏOANNIS 2:27

Hynrei na ka bynta jong phi, U Khrist u la theh noh ïa la U Mynsiem ha phi. Katba U Mynsiem jong u, u dang ïaisah ha phi, phim donkam ïano ïano ban hikai ïa phi. Naba U Mynsiem jong u, un hikai ïa phi shaphang kiei kiei baroh, bad kaei kaba u hikai ka long kaba shisha, ym kaba lamler. Namarkata, to kohnguh ïa ki jinghikai U Mynsiem bad ïaisah ha U Khrist.