EKSODOS 29:46 - Khasi CL Bible (BSI)

⁴⁶ Kin sa tip ruh ba nga long U Trai U Blei jong ki, uba la ïalam noh ïa ki na ka ri Ijipt khnang ba ngan ïoh shongduh hapdeng jong ki. Nga long U Trai U Blei jong ki.

KA BAIBL

⁴⁶ Kin sa tip ruh ba nga long ma nga, U Trai U Blei jong ki, uba la wallam noh ïa ki na ka ri Ijipt, ba ngan ïoh shong duh hapdeng jong ki; nga long ma nga keiñ, U Trai U Blei jong ki.

EKSODOS 29:46 ပူးပေါင်းရင်းမြစ်များ

2 KHRONIKL 6:18

“Hynrei A Blei me lah ban shong shisha ha ka pyrthei hapdeng ki rangbah bad ki kynthei? Wat ka bneng baroh kawei kam lah ban ngiam ïa me, kumno keiñ kane ka Templ kaba nga la tei kan biang?

SALM 114:2

ka Judah ka la kylla long ka jaitbynriew kaba khuid jong U Trai, bad ka Israel ka kylla long ka jingïohkynti jong u hi.

EKSODOS 20:2

“Nga long U Trai U Blei jong phi uba la wan ïalam ïa phi na ka ri Ijipt, ka ri ha kaba phi la long ki mraw.

EKSODOS 25:8

Ki dei ruh ban shna ka Ïingjaiñ kaba kyntang na ka bynta jong nga, khnang ba ngan ïoh shong hapdeng jong ki.

EKSODOS 6:7

Ngan pynlong ïa phi ki briew jong nga, bad nga ngan long U Blei jong phi. Phin sa tip ba nga long U Trai U Blei jong phi haba nga pyllaitluid ïa phi na ka jinglongmraw ha ka ri Ijipt.

JEREMAÏAH 14:9

Balei me long kum u briew uba la shah shim kynsan, kum u shipai u bymdonbor ban ïarap? Da shisha, A Trai, me long bad ngi! ngi long ki briew jong me; wat iehnoh ïa ngi.’ ”

JEREMAÏAH 31:33

Ka jutang bathymmai kaba ngan pynlong bad ki paid Israel kan long kane: Ngan buh ïa ka aiñ jong nga hapoh jong ki bad thoh ïa ka ha ki dohnud jong ki. Ngan long U Blei jong ki, bad kin long ki briew jong nga.

ESEKIEL 20:5

Ïathuh ïa ki ïa kaei kaba nga ong. Mynba nga la jied ïa ka Israel, nga la pynlong ka jingkular ha ki. Nga la pynpaw ïa lade ha ki ha Ijipt bad ong ïa ki: Nga long U Trai U Blei jong phi.

ESEKIEL 34:24

Ma nga, U Trai, ngan long U Blei jong ki, bad u syiem kum u shakri jong nga u Dabid ba un long u nongsynshar jong ki. Nga la kren.

LEBITIKOS 11:44

Nga long U Trai U Blei jong phi, bad kumta phi dei ban ri khuid ïa lade, namar nga, nga long uba khuid.

LEBITIKOS 18:30

Bad U Trai u la ong, “Kohnguh ïa ki hukum kiba nga ai bad wat bud ïa ki rukom im jong kito ki briew kiba shong ha kata ka ri ha shuwa jong phi, bad wat pynbyrsieh ruh ïa lade da kaba leh ïa kano kano na kine ki kam. Nga long U Trai U Blei jong phi.”

LEBITIKOS 19:2

“Long kiba khuid, namar nga, U Trai U Blei jong phi, nga long uba khuid.

LEBITIKOS 26:11

Ngan shong hapdeng jong phi ha ka ïingjaiñ bakyntang jong nga, bad ngan ym phai noh na phi da lei lei.

LEBITIKOS 26:12

Ngan long ryngkat bad phi; ngan long U Blei jong phi, bad phin long ki briew jong nga.

HAGGAI 2:5

Mynba phi la mihnoh na ri Ijipt, nga la kular ba ngan long lem bad phi borabor. Nga dang long lem bad phi, kumta wat sheptieng.

JINGKHEIÑ 16:3

Ki la ïalumlang ha khmat u Moses bad u Aaron bad ki ong ha ki, “Phi la leh shaba palat! Baroh ki dkhot jong ka kynhun ki long ki jong U Trai, bad U Trai u don lem bad ngi baroh. Balei te Moses me buh ïa lade uba halor jong ka kynhun jong U Trai?”

1 SAMUEL 10:18

bad u ong ha ki, “U Trai, U Blei ki Israel, u ong, ‘Nga la wan ïalam ïa phi na Ijipt bad nga la pyllait ïa phi na ki nong Ijipt bad na kiwei pat ki jaitbynriew kiba la pynshitom beiñ ïa phi.