EKSODOS 29:45 - Khasi CL Bible (BSI)

⁴⁵ Te ngan shongduh hapdeng ki Israel bad ngan long U Blei jong ki.

KA BAIBL

⁴⁵ Ngan shong duh ruh hapdeng ki khun Israel, bad ngan long U Blei jong ki.

EKSODOS 29:45 ပူးပေါင်းရင်းမြစ်များ

JENESIS 17:8

Ngan ai ha me, bad ha ki khun ki ksiew jong me, ïa kane ka ri ha kaba mynta me long u nongwei. Ka ri Kanaan baroh kawei kan long ka jingïohkynti junom jong ki khun ki ksiew jong me; bad nga ngan long U Blei jong ki.”

1 SYIEM 6:13

Ngan shong hapdeng ki Israel ki briew jong nga, ha kane ka Templ kaba me dang tei bad ngan ym iehnoh ïa ki.”

2 KHRONIKL 6:18

“Hynrei A Blei me lah ban shong shisha ha ka pyrthei hapdeng ki rangbah bad ki kynthei? Wat ka bneng baroh kawei kam lah ban ngiam ïa me, kumno keiñ kane ka Templ kaba nga la tei kan biang?

SALM 114:2

ka Judah ka la kylla long ka jaitbynriew kaba khuid jong U Trai, bad ka Israel ka kylla long ka jingïohkynti jong u hi.

SALM 68:18

U kiew sha kiba kynjang, u da ïalam bad u shibun ki koidi; u pdiang ki jingai sngewbha na ki briew kiba ïeng ïaleh pyrshah. U Trai U Blei un ïoh shong hangta.

EKSODOS 15:17

Me wan ïalam ïa ki shapoh bad me buh ïa ki ha u lumbah jong me, ha ka jaka kaba me, ko Trai, me la jied na ka bynta ka ïing jong me, ka Templ kaba me hi me la tei.

EKSODOS 25:8

Ki dei ruh ban shna ka Ïingjaiñ kaba kyntang na ka bynta jong nga, khnang ba ngan ïoh shong hapdeng jong ki.

EKSODOS 29:44

Ngan pynlong khuid ïa ka Ïingjaiñ bad ïa kata ka duwan, bad ngan pynkyrpang ïa u Aaron bad ïa ki khun shynrang jong u ba kin shakri ïa nga kum ki lyngdoh.

EKSODOS 6:7

Ngan pynlong ïa phi ki briew jong nga, bad nga ngan long U Blei jong phi. Phin sa tip ba nga long U Trai U Blei jong phi haba nga pyllaitluid ïa phi na ka jinglongmraw ha ka ri Ijipt.

JEREMAÏAH 14:9

Balei me long kum u briew uba la shah shim kynsan, kum u shipai u bymdonbor ban ïarap? Da shisha, A Trai, me long bad ngi! ngi long ki briew jong me; wat iehnoh ïa ngi.’ ”

ESEKIEL 34:24

Ma nga, U Trai, ngan long U Blei jong ki, bad u syiem kum u shakri jong nga u Dabid ba un long u nongsynshar jong ki. Nga la kren.

ESEKIEL 43:7

Ko khun u briew, hangne ka dei ka khet jong nga. Ngan shong hangne hapdeng ki paid Israel bad synshar halor jong ki junom. Ki paid Israel lymne ki syiem jong ki, kin ym pynjahburom shuh ïa kyrteng bakhuid jong nga da kaba mane ïa kiwei pat ki blei lane da kaba tep ïa ki metïap jong ki syiem jong ki ha kane ka jaka.

ESEKIEL 43:9

Mynta ki dei ban sangeh noh na kaba mane ïa kiwei pat ki blei bad weng ïa ki metïap jong ki syiem jong ki. Lada ki leh kumta, ngan shong hapdeng jong ki junom.

DANIEL 2:11

Kaei kaba u Syiem Kynrad u pan ka long kaba eh haduh katta katta ba ym don mano mano ba lah ban leh ïa kata lait tang ki blei, bad kim shong kim sah hapdeng ki bynriew.”

LEBITIKOS 26:11

Ngan shong hapdeng jong phi ha ka ïingjaiñ bakyntang jong nga, bad ngan ym phai noh na phi da lei lei.

LEBITIKOS 26:12

Ngan long ryngkat bad phi; ngan long U Blei jong phi, bad phin long ki briew jong nga.

HAGGAI 2:5

Mynba phi la mihnoh na ri Ijipt, nga la kular ba ngan long lem bad phi borabor. Nga dang long lem bad phi, kumta wat sheptieng.

SEKHARAÏAH 2:10

U Trai u la ong, “To rwai da ka jingkmen, ko ki paid ka Jerusalem! Nga wan ban shong ban sah hapdeng jong phi!”

SEKHARAÏAH 8:3

Ngan wan phai pat sha Jerusalem, ka nongbah bakhuid jong nga, bad ban shong ban sah hangta. Ïa ka yn tip kum ka nongbah baïaineh, bad ïa u lum jong U Trai Badonbor Baroh yn khot u lum bakyntang.

JINGKHEIÑ 16:3

Ki la ïalumlang ha khmat u Moses bad u Aaron bad ki ong ha ki, “Phi la leh shaba palat! Baroh ki dkhot jong ka kynhun ki long ki jong U Trai, bad U Trai u don lem bad ngi baroh. Balei te Moses me buh ïa lade uba halor jong ka kynhun jong U Trai?”

JINGKHEIÑ 35:34

Wat pynjakhlia ïa ka ri ha kaba phi shong phi sah, namar nga long U Trai bad nga shong hapdeng ki paid Israel.”

JINGKHEIÑ 5:3

Phah noh shabar ïa baroh kine ki briew bymkhuid kat kum ka jinglehniam, ba kumta kin ym pyntngit ïa ka jaka shong dara, ha kaba nga shong bad ki briew jong nga.”

ÏOANNIS 14:17

Uta u long U Mynsiem uba pynpaw ïa ka jingshisha shaphang U Blei. Ka pyrthei kam lah ban pdiang ïa u, namar ba kam ïohi ïa u lane ithuh ïa u. Hynrei phi ithuh ïa u, namar ba u ïaisah bad phi bad u don hapoh jong phi.

ÏOANNIS 14:20

Haba kata ka sngi ka poi, phin sa tip ba nga long ha U Kpa jong nga bad ba ma phi ha nga, kumba nga long ha phi.

ÏOANNIS 14:23

U Jisu u la jubab ïa u, “Uno uno uba ieit ïa nga un kohnguh ïa ka jinghikai jong nga. U Kpa jong nga un ieit ïa u, bad U Kpa jong nga bad ma nga ngin wan ha u bad sah hapoh jong u.

2 KORINTH 6:16

Kumno ka templ jong U Blei kan don jingïateh bad ki bleithaw? Naba ngi long ka templ jong U Blei uba im! Kumba U Blei da lade hi u la ong, “Ngan pynlong ïa ka ïing jong nga bad ki briew jong nga bad ngan shong hapdeng jong ki; ngan long U Blei jong ki, bad kin long ki briew jong nga.”

EPHESOS 2:22

Ha u, ïa phi ruh la tei lang lem bad kiwei pat da U Mynsiem jong u ha ka jaka ha kaba U Blei u shong.

DEUTERONOMI 12:11

U Trai un jied tang kawei ka jaka ha kaba yn mane ïa u, bad hangta phi dei ban wanrah sha u ïa kata baroh kaba nga la hukum: ïa ki jingainguh thang bad ki jingkñia jong phi, ïa kawei na ka shiphew bad ki jingainguh jong phi, bad ïa kita ki jingai sngewbha ba phi la kular sha U Trai.

DEUTERONOMI 7:21

Kumta wat sheptieng ïa kita ki briew. U Trai U Blei jong phi u don ryngkat bad phi; u long U Blei uba donbor bad uba itieng.

JINGPYNPAW 21:3

Nga la ïohsngew ïa ka sur kaba jam kaba kren na ka khet: “Mynta ka ïing jong U Blei ka long bad u bynriew! Un shong bad ki, bad kin long ki briew jong u. U Blei da lade hi un long bad ki, bad un long U Blei jong ki.