EKSODOS 29:43 - Khasi CL Bible (BSI)

⁴³ Hangta keiñ ngan ïakynduh bad ki Israel, bad ka jingshai baphyrnai jong ka jingdon ryngkat jong nga kan pynlong ïa kata ka jaka kaba khuid.

KA BAIBL

⁴³ Hangta ruh, ngan ïashem bad ki khun Israel; ïa Ka Tabernakl de yn pynkyntang khuid da ka burom jong nga.

EKSODOS 29:43 ပူးပေါင်းရင်းမြစ်များ

1 SYIEM 8:11

uba tyngshaiñ da ka jingshai kaba thaba na ka jingdon U Trai, bad kim shym lah shuh ban leit shapoh ban pyndep ïa ki kamram jong ki.

EKSODOS 25:22

Ngan sa ïakynduh ïa me hangta, bad najrong jong ka jingtap kaba hapdeng kita ki kherub ar tylli, ngan ai ha me ïa ki hukum jong nga baroh na ka bynta ki Israel.

EKSODOS 29:42

Ha ki por baroh ki ban wan, dei ban ai ïa kane ka jingainguh thang ha khmat jong nga ha ka jingkhang jong ka Ïingjaiñ ka Jingdon Ryngkat jong nga. Kata ka long ka jaka ha kaba ngan ïashem bad ki briew jong nga bad ngan ïakren bad me.

EKSODOS 29:44

Ngan pynlong khuid ïa ka Ïingjaiñ bad ïa kata ka duwan, bad ngan pynkyrpang ïa u Aaron bad ïa ki khun shynrang jong u ba kin shakri ïa nga kum ki lyngdoh.

EKSODOS 40:34

Nangta u lyoh u tap ïa ka Ïingjaiñ baroh kawei, bad ka burom batyngshaiñ na ka jingdon ryngkat U Trai ka pyndap ïa ka.

EKSODOS 40:35

Namar kane, u Moses um shym lah ban leit rung shapoh kata ka Ïingjaiñ.

ISAÏAH 60:1

To khie joit, ko Jerusalem bad tyngshaiñ kum ka sngi; ka burom ka jong U Trai ka tyngshaiñ ha phi!

ESEKIEL 43:5

U Mynsiem U Trai u la rah ïa nga sha ka bynta kaba kham shapoh jong ka phyllaw, ha kaba nga la ïohi ba ïa ka Templ la pyndap da ka burom U Trai.

LEBITIKOS 9:4

bad sa uwei u masi bad uwei u langbrot ban pynlong ka jingkñia ainguh ïasyllok. Dei ban kñia ïa ki ha U Trai ryngkat bad ka jingainguh bam ba la khleh bad ka umphniang. Ki dei ban leh ïa kane namar U Trai un wanpaw ha ki mynta ka sngi.”

LEBITIKOS 9:6

U Moses u ong, “U Trai u la hukum ïa phi ban leh ïa kane baroh, khnang ba ka jingshai batyngshaiñ jong ka jingdon ryngkat jong u kan paw ha phi.”

MALAKHI 3:1

U Trai Badonbor Baroh u jubab, “Ngan phah ïa u nonglamktien jong nga ban pynkhreh ïa ka lynti na ka bynta jong nga. Te U Trai uba phi ap khmih lynti, un wan kynsan kynsan ha ka Templ jong u. U nonglamktien uba phi sliang ban ïohi un wan bad pynbna ïa ka jutang jong nga.”

2 KORINTH 3:18

Te, baroh na ngi, ngi phalang ïa ka burom jong U Trai da ki durkhmat ba khlem tap; bad kata kajuh ka burom, kaba wan na U Trai, uba long U Mynsiem, ka pynkylla dur ïa ngi sha ka jingïasyriem ïa u ha kata ka kyrdan kaba kham khraw jong ka burom.

2 KORINTH 4:6

U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.

1 ÏOANNIS 3:2

Ko ki paralok ba-ieit jong nga, mynta ngi long ki khun U Blei, hynrei kam pat da shai aïu ngin sa long. Hynrei ngi tip ba ynda U Khrist un paw, ngin ïoh long kum ma u, namar ngin ïohi ïa u kumba u long da shisha.