EKSODOS 29:4 - Khasi CL Bible (BSI)

⁴ “Ïalam ïa u Aaron bad ki khun shynrang jong u sha ka jingkhang jong ka Ïingjaiñ ka Jingdon Ryngkat jong nga bad ong ba kin sum kat kum ka jinglehniam.

KA BAIBL

⁴ To ïalam ruh ïa u Aaron bad ïa ki khun shynrang jong u ha ka jingkhang Ka Tabernakl ka jingïaseng, bad to men sait ïa ki da ka um.

EKSODOS 29:4 ပူးပေါင်းရင်းမြစ်များ

EKSODOS 26:36

“Ha ka jaka rung jong ka Ïingjaiñ, thaw ïa ka pyrda kaba da ka linen kaba ni, ba la thain da u 'saiwul uba jngum, uba sawbthuh, bad uba rong saw, bad ba la suh pynpur itynnat bha.

EKSODOS 29:3

Buh ïa ki ha ka shang, bad wanrah ïa ki sha nga ha ka por ba me kñia ïa uta u masi lyngraw bad ïa ki ar tylli ki langbrot shynrang.

EKSODOS 40:12

“Ïalam ïa u Aaron bad ïa ki khun shynrang jong u sha ka khyrdop jong ka Ïingjaiñ, bad ong ïa ki ban sum kat kum ka jinglehniam.

EKSODOS 40:28

U wah ïa ka pyrda ha ka jingkhang ka Ïingjaiñ,

EKSODOS 40:32

man kaba ki rung shapoh ka Ïingjaiñ ne ki leit sha jan kata ka duwan, kumba U Trai u la hukum.

ESEKIEL 36:25

Ngan synreit ïa phi da ka um khuid, bad ngan pynkhuid ïa phi na ki bleithaw jong phi bad na baroh kiei kiei kiba la pyntngit ïa phi.

ESEKIEL 42:14

Haba ki lyngdoh ki la don ha ka Templ bad ki kwah ban leit sha ka phyllaw kaba shabar, ki dei ban buh noh ïa ki sopti bakhuid ba ki la phong haba ki shakri ïa U Trai. Ki dei ban phong da kiwei pat ki sopti shuwa ba kin mih shabar sha ka jaka ba ki paidbah ki ïalang.”

LEBITIKOS 14:8

Uta u briew pat un sait ïa la ki jaiñ, un khi lut ïa la u shñiuh, bad un sum un sleh; te un sa long uba khuid. U lah ban wan rung sha ka jaka shong dara, hynrei u dei ban shong shabar ka ïingjaiñ jong u hynñiew sngi lynter.

JINGKHEIÑ 8:9

Nangta lumlang ruh ïa u paid Israel baroh bad pynïeng ïa ki Lebi ha khmat ka Ïingjaiñ ka Jingdon Ryngkat jong nga.

EPHESOS 5:26

U la leh ïa kane ban pynkyntang ïa ka balang sha U Blei da ka ktien jong u, hadien ba la pynkhuid ïa ka da kaba sait ïa ka ha ka um, khnang ban aiti ïa ka balang sha lade hi, ha ka jingitynnat jong ka baroh — kaba khuid bad khlem shah kynnoh pop, khlem ka jingthohbria ne ka jingsti ne kano kano ka jingbymjanai.

DEUTERONOMI 23:11

Ynda janmiet u dei ban sait ban sum ïa lade, bad ha ka por sep sngi u lah ban wan pat sha ka jaka shong dara.

TITOS 3:5

Ym namar kano kano na ki kam babha kiba ma ngi hi ngi la leh, hynrei namar ka jingisynei jong u hi ba u la pynim ïa ngi, lyngba U Mynsiem Bakhuid, uba ai ïa ngi ka jingkha thymmai bad ka jingim kaba thymmai da kaba sait ïa ngi.

HEBRU 10:22

Kumta to ngin wan sha jan U Blei da ka dohnud kaba sngur bad da ka jingngeit kaba skhem, da ki dohnud ïa kiba la pynkhuid na ka jingsngew rem ryngkat bad ki met ïa kiba la sait da ka um kaba khuid.

1 PETROS 3:21

kaba long ka dak kaba kdew sha ka jingpynbaptis, kaba pyllait im ïa phi mynta. Kam dei ka jingsait noh ïa ka jakhlia na ka met, hynrei ka jingkular ba la pynlong sha U Blei na ka jingïatiplem babha. Ka pynim ïa phi da ka jingmihpat jong U Jisu Khrist,