EKSODOS 29:38 - Khasi CL Bible (BSI)

³⁸ “Man la ka sngi ha ki por ban wan, kñia ha kata ka duwan ar tylli ki khunlangbrot kiba shisnem.

KA BAIBL

³⁸ “Te ïa kane to men ainguh halor kata ka duwan; ïa ar tylli ki khun langbrot kiba shi snem man la ka sngi khlem da pud.

EKSODOS 29:38 ပူးပေါင်းရင်းမြစ်များ

JENESIS 22:7

u Isaak u ong, “Ko pa!” U jubab, “Oi, khun?” U Isaak u kylli, “Nga ïohi ïa ki rnga barhem bad ïa ki dieng, hynrei hangno pat u khunlangbrot na ka bynta ka jingkñia?”

1 KHRONIKL 16:40

Man ka step bad man ka janmiet kin thang tylli ïa ki jingkñia ha ka duwan kat kum ba la thoh ha ka Hukum kumba U Trai u la ai ïa ki Israel.

2 KHRONIKL 13:11

Man ka step bad man ka janmiet ki ai ha u ïa ki jingiwbih bad ki mrad jingkñia ba la thang tylli. Ki ai ïa ki jingainguh kpu ha ka miej kaba la pynkyntang khuid, bad man ka janmiet ki thang ïa ki sharak ha ki diengpynïeng sharak ksiar. Ngi leh ïa kaei kaba U Trai u la hukum, hynrei phi, phi la iehnoh ïa u.

2 KHRONIKL 2:3

U Solomon u phah khubor sha u Hiram u syiem ka Tyros: “To ïakhaïi bad nga kumba phi la leh bad u syiem Dabid, u kpa jong nga, mynba phi la die ïa u ki dieng Kedar tylli na ka bynta ban tei ïa ka ïingsyiem jong u.

2 KHRONIKL 2:4

Nga tei ka Templ ban ai burom ïa U Trai U Blei jong nga. Kan long ka jaka bakhuid ha kaba ki briew jong nga bad ma nga ngin mane ïa u da kaba thang ki jingiwbih da ki musla iwbih, bad ha kaba ngin ïai ai ki jingainguh ha u da u kpu kyntang, bad ha kaba ngin ai ki jingainguh thang man ka step bad janmiet, kumjuh ruh ha ki sngi Sabbaton, ki Jingrakhe Bnai Thymmai, bad kiwei pat ki sngi khuid ban ai burom ïa U Trai U Blei jong ngi. U la hukum ïa ki Israel ban leh ïa kane junom la junom.

2 KHRONIKL 29:7

Ki la khang ïa ki jingkhang jong ka Templ, ki la pynlip ïa ki sharak, bad kim shym la thang ïa ki jingiwbih lane kñia ïa ki jingainguh thang ha ka Templ jong U Blei ka Israel.

2 KHRONIKL 31:3

Na la ki kynhun jingri u pyndap ïa ki mrad na ka bynta ki jingainguh thang man la ka step bad man la ka janmiet, bad na ka bynta kito ïa kiba ainguh ha ka sngi Sabbaton, ha ka Jingkhawai Niam Bnai Thymmai, bad ha kiwei ki jinglehkmen ïa kiba donkam da ka hukum jong U Trai.

2 KHRONIKL 8:13

u la kñia ki jingainguh thang kat kum ka jingdawa jong ka Hukum u Moses na ka bynta kawei pa kawei ka sngi kaba khuid: ki Sabbaton, ki Jingkhawai Niam Bnai Thymmai, bad ki lai tylli ki Jingkhawai Niam kiba man ka snem — ka Jingkhawai Niam U Kpu Bakhlem Thiat, ka Jingkhawai Niam ka Jingot, bad ka Jingkhawai Niam Ki Ïingtrep.

ESRA 3:3

Wat la kiba shah ringmraw kiba la wan phai, ki sheptieng ïa ki briew kiba shong basah ha ka ri, pynban ki tei biang ïa ka duwan ha ka jaka ba ka ïeng mynshuwa. Nangta ki sdang biang ban thang halor jong ka ïa ki jingkñia man ka step bad man ka janmiet.

ESRA 3:5

bad nalor kata, ki ai ki jingainguh thang tylli bad kito ki jingainguh ban ai ha ka Jingkhawai Niam Bnai Thymmai bad ha baroh kiwei ki jingïaseng ba ju long ha kaba la mane ïa U Trai, kumjuh ruh ki jingainguh ba ai sha U Trai da ka mon sngewbha.

EKSODOS 40:29

bad hangta ha khmat jong kata ka pyrda u buh ïa ka duwan ka jingainguh thang. U kñia ïa ka jingainguh thang bad ïa ka jingainguh bam halor jong ka, kumba U Trai u la hukum ïa u.

ESEKIEL 46:13

U Trai u ong, “Man ka step ïa u khunlangbrot uba shisnem uba khlem don kino kino ki jingduna yn thang tylli kum ka jingainguh ha U Trai. Ïa kane ka jingainguh yn leh man ka sngi.

ESEKIEL 46:15

Ïa u khunlangbrot, u kew, bad ka umphniang Olib, yn ainguh sha U Trai man ka step junom.”

DANIEL 12:11

“Naduh ka por ba ki jingkñia ba man ka sngi ki sangeh, kata, naduh ka por jong ka Jingshyrkhei Ba-ijli, shihajar arspah khyndaiphew tylli ki sngi kin ïaid.

DANIEL 9:21

Mynba nga dang duwai, u Gabriel, uba nga la lah ïohi ha ka jingïohipaw mynshuwa, u la wan her sha tbian sha ka jaka ha kaba nga don. Ka la long ha ka por ban ai ïa ka jingkñia janmiet.

DANIEL 9:27

Uta u nongsynshar un don ka jingïateh kular kaba skhem bad kiba bun ki briew haduh hynñiew snem, bad haba shiteng na kane ka por ka la leit, un pynkut ïa ki jingkñia bad ki jingainguh. Ïa ka Jingshyrkhei Ba-ijli yn buh ha ka jaka bajrong tam jong ka Templ bad kan sah hangta tad haduh ba uta uba buh ïa ka hangta u ïashem ïa kaba kut kaba U Blei u la lah pynkhreh na ka bynta jong u.”

LEBITIKOS 3:5

Ki lyngdoh kin thang ïa kine baroh ha ka duwan ryngkat bad ka jingainguh thang. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 6:9

ban ai ha u Aaron bad ki khun shynrang jong u ïa kine harum ki jingbuhbeit ryntih kiba ïadei bad ka jingainguh thang. Ïa ka jingainguh thang dei ban ieh halor ka duwan baroh shi miet, bad hangta ka ding ruh ka dei ban ïai meh.

LEBITIKOS 9:17

U kñia ïa ka jingainguh bam bad u shim shi kham u purew bad u thang ïa u halor ka duwan. (Kane ka long nalor ka jingainguh thang kaba man ka sngi.)

JINGKHEIÑ 29:6

Wanrah ïa kine nalor ka jingainguh thang kaba ju leh ha ka sngi nyngkong jong u bnai lem bad ka jingainguh bam jong ka, bad ïa ka jingainguh thang kaba man ka sngi lem bad ka jingainguh bam bad ka jingainguh waiñ jong ka. Kine ki jingainguh bam ki long ka jingiw kaba pynsngewbha ïa U Trai.

ÏOANNIS 1:29

Ha ka sngi kaba bud, U Ïoannis u la ïohi ïa U Jisu ba u wan sha u, bad u la ong, “Ha khmih, U Khunlangbrot jong U Blei, uba kit noh ïa ka pop jong ka pyrthei!

HEBRU 7:27

Um long kum kiwei pat ki rangbah lyngdoh; um da donkam ban da ai jingkñia man ka sngi na ka bynta ki pop jong u hi nyngkong ïa lade bad nangta na ka bynta ki pop jong ki briew. U ai kawei ka jingkñia, tang shisien hi, haba u la kñia noh ïa lade.

1 PETROS 1:19

ka la long ka jingkñia kaba remdor jong U Khrist, uba la long kum u khunlangbrot uba khlem don jingthohbria lane jingduna.