EKSODOS 29:33 - Khasi CL Bible (BSI)

³³ Kin bam tang ïa kata ïa kaba la pyndonkam ha ka jinglehniam ka jingmap ha ka por ka jingpynkyntang ïa ki. Tang ki lyngdoh ki lah ban bam ïa kane ka jingbam, namar ka long kaba kyntang.

KA BAIBL

³³ Bad kin ïabam ïa kita kiei kiei ruh da kiba la pynlong ïa ka kuna, ïa ka ban pynkyntang bad ban pynkhuid ïa ki: hynrei, u nongwei un ym ïoh bam na kita, naba ki long ki bakyntang khuid.

EKSODOS 29:33 ပူးပေါင်းရင်းမြစ်များ

SALM 22:26

Kiba duk kin bam katba ki lah; kito kiba wan sha U Trai kin ïaroh ïa u. Ai kin manbha junom!

EKSODOS 29:32

Ha ka jingkhang jong ka Ïingjaiñ ka Jingdon Ryngkat jong nga ki dei ban bam ïa ka lem bad u kpu uba dang sah ha kata ka shang.

LEBITIKOS 1:4

Uta u briew un buh ïa la ka kti ha ka khlieh jong ka, bad yn sa pdiang ïa ka kum ka jingkñia ban kit noh ïa ki pop jong u.

LEBITIKOS 10:12

U Moses u ong ha u Aaron, bad ha ki ar ngut ki khun shynrang jong u kiba dang sah, u Eleasar bad u Ithamar, “Shim ïa ka jingainguh bam kaba sah na kata ka jingbam kaba la kñia sha U Trai, pynlong kpu khlem thiat da ka bad bam ïa ka harud ka duwan, namar kane ka jingkñia ka long kaba khuid bha.

JINGKHEIÑ 1:51

Man ba phi pynkynriah ïa ka jaka shong dara, ki Lebi kin lied ïa ka Ïingjaiñ ka Jingdon Ryngkat jong nga bad kin pynïeng biang ïa ka ha ka jaka shong dara bathymmai. Uno uno uwei pat uba wan sha jan ka Ïingjaiñ un shah pynïap.

JINGKHEIÑ 16:40

Kane ka la long ka jingmaham ïa ki Israel ba uno uno u bym shym la hiarpateng na u Aaron um bit ban wan sha ka duwan ban thang jingiwbih ha khmat U Trai, lym kumta un shah pynjot thiaw kum u Korah bad ki nongbud jong u. Ïa kane baroh la leh kumba U Trai u la hukum ïa u Eleasar da u Moses.

JINGKHEIÑ 16:5

Nangta u la ong ha u Korah bad ki nongbud jong u, “Lashai mynstep U Trai un pyn-i ha ngi ïa uta uba long u jong u; un sa shah ïa uta uba long u jong u, kata, uta keiñ ïa uba u la jied, ban leit sha u ha ka duwan.

JINGKHEIÑ 18:4

Ki dei ban ïarap ïa me bad pyndep ïa la ki kamram kiba ïadei bad ka jingshakri ha ka Ïingjaiñ, hynrei uno uno u bym bit bym biang um lah ban ïarap ïa me.

JINGKHEIÑ 18:7

Hynrei tang ma me bad ki khun shynrang jong me phin pyndep ïa ka jingkitkhlieh ka jinglong lyngdoh kaba ïadei bad ka duwan bad kaei kaba don ha ka Jaka kaba Kyntang Tam. Kine kiei kiei ki long ki jingkitkhlieh jong me, naba nga la ai ha me ïa ka kam lyngdoh kum ka jingai sngewbha. Uno uno uwei pat u briew u bym bit bym biang uba wan hajan kita ki tiar kiba kyntang un shah pynïap.”

JINGKHEIÑ 3:10

Phin thung ïa u Aaron bad ïa ki khun shynrang jong u ban pyndep ïa ki kamram ka jinglong lyngdoh; uno uno uwei pat uba pyrshang ban leh kumta un shah pynïap.”

JINGKHEIÑ 3:38

U Moses bad u Aaron bad ki khun shynrang jong u ki dei ban shong dara ha khmat ka Ïingjaiñ shaphang mihngi. Kine kin kitkhlieh ïa ki kam niam baroh kiba dei ban pyndep ha ka Jaka Kyntang na ka bynta ki Israel. Uno uno uwei pat uba pyrshang ban leh kumta un shah pynïap.

1 KORINTH 11:26

Kane ka mut ba man ba phi bam ïa une u kpu bad phi dih na kane ka khuri phi pynbna ïa ka jingïap U Trai tad ynda un wan.