EKSODOS 29:20 - Khasi CL Bible (BSI)

²⁰ Pynïap ïa u, shim khyndiat ka snam jong u, bad tah ïa ka ha ki shkor kamon jong u Aaron bad ki khun shynrang jong u, ha ki 'tikmie kamon jong ki, bad ha ki 'jatkmie kamon jong ki. Synreit ïa ka snam kaba sah, sawdong kata ka duwan.

KA BAIBL

²⁰ hadien kata, men pynïap ïa uta u langbrot, bad men shim na ka snam jong u, bad tah halor ka sohlah shkor kamon jong u Aaron, bad halor ka sohlah shkor kamon ki khun shynrang jong u, bad halor ka 'ti kmie ka kti kamon jong ki, bad halor ka 'jat kmie ka sla'jat kamon jong ki, bad to synreit ïa ka snam baroh sawdong halor kata ka duwan.

EKSODOS 29:20 ပူးပေါင်းရင်းမြစ်များ

EKSODOS 29:19

“Shim ïa uta uwei pat u langbrot — u langbrot ban pyndonkam na ka bynta ka jingpynkyntang — bad ong ïa u Aaron bad ïa ki khun shynrang jong u ban buh ïa la ki kti ha ka khlieh jong u.

EKSODOS 29:21

Shim khyndiat ka snam kaba don ha kata ka duwan bad khyndiat ka umphniang pynsleh, bad synreit ha u Aaron bad ha ki jaiñkup jong u, bad ha ki khun shynrang jong u bad ha ki jaiñkup jong ki. Ma ki bad ki jaiñkup jong ki kin long kiba la pynkyntang khuid sha nga.

ISAÏAH 50:5

U Trai u la ai ha nga ïa ka jingshemphang, bad nga shym la ïaleh pyrshah lane phai noh na u.

ISAÏAH 52:15

Hynrei mynta bun ki hima kin sngewphylla ïa u, bad ki syiem kin ym lait kren namar ka jingsngew lyngngoh. Kin ïohi bad kin sngewthuh katto katne kaba kim pat ju tip mynno mynno.”

LEBITIKOS 14:14

U lyngdoh un shim khyndiat na ka snam jong u khunlangbrot bad un tah ïa ka ha ka shkor kamon, ha ka 'tikmie kamon, bad ha ka 'jatkmie kamon jong uta u briew ïa uba yn pynkhuid.

LEBITIKOS 14:16

un wieh ïa la ka shynriah'ti kamon hangta, bad un synreit khyndiat na ka, hynñiew sien hangta ha khmat U Trai.

LEBITIKOS 14:17

Un shim ruh khyndiat ka umphniang na la ka sla'ti bad khyndiat ka snam jong u khunlangbrot bad un tah ha ka shkor kamon, ka 'tikmie kamon, bad ka 'jatkmie kamon jong uta u briew ïa uba yn pynkhuid.

LEBITIKOS 14:25

Un pynïap ïa uta u khunlangbrot bad un shim khyndiat ka snam bad un tah ïa ka ha ka shkor kamon jong uta u briew, ka 'tikmie kamon jong u, bad ha ka 'jatkmie kamon jong u.

LEBITIKOS 14:28

Un pyndei ruh khyndiat ka umphniang ha kijuh ki jaka ha kiba u la tah snam: ha ka shkor kamon jong uta u briew, ka 'tikmie kamon jong u, bad ha ka 'jatkmie kamon jong u.

LEBITIKOS 14:7

Un synreit ruh hynñiew sien ïa kata ka snam ha ka met uta u briew ïa uba yn dang pynkhuid na ka jingpang 'ñiangthohlieh, bad hadien kata un sa pynbna ba u long uba khuid. Un pyllait noh ïa kata ka sim kaba dang im ba kan her kat shaba ka mon.

LEBITIKOS 16:19

Da la ka shynriah'ti un synreit khyndiat na kata ka snam ha kata ka duwan hynñiew sien. Ha kane ka rukom u dei ban pynkhuid ïa ka na ki pop jong ki paid Israel, bad un pynlong khuid ïa ka.

LEBITIKOS 8:23

U Moses u shim khyndiat ka snam bad u tah ïa ka ha ka shkor kamon jong u Aaron, ha ka 'tikmie ba sha kamon, bad ha ka 'jatkmie ba sha kamon jong u.

LEBITIKOS 8:24

Nangta u wanlam ïa ki khun shynrang u Aaron kham sha khmat bad u tah ïa kata ka snam ha ki shkor kamon jong ki, ha ki 'tikmie ba sha kamon, bad ha ki 'jatkmie ba sha kamon jong ki. Nangta u Moses u theh ïa ka snam kaba sah ha baroh sawdong ka duwan.

MARKOS 7:33

Kumta U Jisu u la shim ïa u tang marwei na u paidbah, U la buh ïa la ki shympriah kti ha ki shkor jong uta u briew, U la biah, bad U la ktah ïa u thylliej jong uta u briew.

HEBRU 10:22

Kumta to ngin wan sha jan U Blei da ka dohnud kaba sngur bad da ka jingngeit kaba skhem, da ki dohnud ïa kiba la pynkhuid na ka jingsngew rem ryngkat bad ki met ïa kiba la sait da ka um kaba khuid.

HEBRU 12:24

Phi la wan sha U Jisu, uba la pynlong ïa ka jutang bathymmai, bad sha ka snam ba la synreit, kaba kular bun kiei kiei kiba kham bha ban ïa ka snam u Abel.

1 PETROS 1:2

Ïa phi la jied kat kum ka jingthmu U Blei uba U Kpa bad la pynlong ïa phi ki briew kiba khuid da U Mynsiem jong u, ban kohnguh ïa U Jisu Khrist bad ban ïoh pynkhuid da ka snam jong u. To ai ba ka jingaiei bad ka jingsuk kin long kiba dap pura ïa phi.