EKSODOS 29:2 - Khasi CL Bible (BSI)

² Shim ïa u kew ba la tylliat ni bha, u bym pat khleh thiat, bad shet katto katne ki kpu ba la khleh bad ka umphniang Olib, bad katto katne khlem umphniang bad katto katne ki kpu lyngkniap ba la shu kyllan da ka umphniang.

KA BAIBL

² lem bad u kpu bakhlem thiat, bad ki 'pu stang ruh bakhlem thiat ba la ïakhleh da ka umphniang, bad ki 'putharo bakhlem thiat ba la kyllan da ka umphniang; da u 'pu Kew keiñ men thaw ïa ki.

EKSODOS 29:2 ပူးပေါင်းရင်းမြစ်များ

EKSODOS 12:8

Ha kata ka miet, ïa ka doh dei ban syang, bad bam ïa ka lem bad u kpu khlem thiat bad ki jhur kthang.

EKSODOS 29:23

Shim ruh uwei u kpu, uwei u kpu ba la khleh umphniang, bad uwei u kpu lyngkniap na kata ka shang kpu ba la ainguh sha nga.

EKSODOS 29:3

Buh ïa ki ha ka shang, bad wanrah ïa ki sha nga ha ka por ba me kñia ïa uta u masi lyngraw bad ïa ki ar tylli ki langbrot shynrang.

LEBITIKOS 2:15

Theh ïa ka umphniang Olib bad buh ïa ka jingiwbih halor jong u.

LEBITIKOS 6:13

Ka ding ka dei ban ïai meh lynter halor ka duwan bad ym dei ban shah ba kan lip noh.

LEBITIKOS 7:10

Hynrei ki jingainguh bam baroh ki bym shym la shet, la ki long kiba la khleh ne kiba khlem khleh umphniang, ki dei jong ki lyngdoh na ka ïing u Aaron, bad ki dei ban ïasam lang mar katjuh.

LEBITIKOS 7:12

Lada u briew u wallam ïa kane ka jingainguh kum ka jingai sngewnguh sha U Blei, u dei ruh ban wanrah, ryngkat bad uta u mrad ïa uba yn kñia, ïa ka jingainguh ïa u kpu bakhlem thiat: ki kpu kiba rben ba la khleh bad ka umphniang Olib lane kiba stang ba la kyllan da ka umphniang Olib lane da u 'purew ba la shet khleh bad ka umphniang Olib.

LEBITIKOS 8:2

“Ïalam ïa u Aaron bad ki khun shynrang jong u sha khmat ka jingkhang jong ka Ïingjaiñ ka Jingdon Ryngkat jong nga bad wanrah ïa ki jaiñkup lyngdoh, ka umphniang pynsleh, u masi lyngraw ban long ka jingkñia namar ka pop, ar tylli ki blang shynrang, bad ka shang ba buh ïa u kpu bakhlem thiat.

LEBITIKOS 8:26

Nangta u shim ïa uwei u kpu na ka shang ba la buh ïa ki kpu bakhlem thiat ba la pynkyntang sha U Trai, uwei u kpu ba la khleh umphniang, uwei u kpu uba stang, bad u buh ïa ki halor kata ka khleiñ bad ka kjat-dien kamon.

JINGKHEIÑ 6:15

U dei ruh ban ai shi shang u kpu khlem thiat: ki kpu kiba rben kiba da u 'purew ba la khleh bad ka umphniang Olib bad ki kpu kiba stang ba la kyllan da ka umphniang Olib; bad nalor kine, un ai ruh ïa ki jingainguh da u kew bad ka waiñ.

JINGKHEIÑ 6:19

Nangta, haba la dep shet ïa ka tyrpeng uta u langbrot, u lyngdoh un shim ïa ka lem bad uwei u kpu uba rben bad uwei uba stang na kata ka shang, bad buh ïa ki ha ki kti jong u Nasir.

1 KORINTH 5:7

Phi dei ban weng noh ïa u thiat barim jong ka pop ba kumta phin long khuid nadong shadong. Te phin long kum kawei pat ka jingkhleh jong u kpu im uba khlem don thiat, kumba da shisha nga tip phi long kumta. Naba ïa ka Jingkhawai Niam Ka Jinglait la pynkhreh, mynta ïa U Khrist, u khunlangbrot ka Jinglait jong ngi, la lah kñia.