EKSODOS 29:10 - Khasi CL Bible (BSI)

¹⁰ “Wallam ïa uta u masi lyngraw ha khmat ka Ïingjaiñ ka Jingdon Ryngkat jong nga, bad ong ïa u Aaron bad ïa ki khun shynrang jong u ba kin buh ïa la ki kti ha ka khlieh jong u.

KA BAIBL

¹⁰ “Bad men phah lam ïa uta u masi lyngraw ha khmat Ka Tabernakl ka jingïaseng: bad u Aaron bad ki khun shynrang jong u kin ïabuh ïa la ki kti halor ka khlieh jong uta u masi lyngraw.

EKSODOS 29:10 ပူးပေါင်းရင်းမြစ်များ

EKSODOS 29:11

Pynïap ïa uta u masi lyngraw hangta ha ka jingdon ryngkat jong nga ha ka jaka rung jong ka Ïingjaiñ.

EKSODOS 29:15

“Shim uwei na kita ki langbrot shynrang, bad ong ïa u Aaron bad ïa ki khun shynrang jong u ban buh ïa la ki kti ha ka khlieh jong u.

EKSODOS 29:19

“Shim ïa uta uwei pat u langbrot — u langbrot ban pyndonkam na ka bynta ka jingpynkyntang — bad ong ïa u Aaron bad ïa ki khun shynrang jong u ban buh ïa la ki kti ha ka khlieh jong u.

ISAÏAH 53:6

Ngi baroh ngi la long kum ki langbrot ba la sakma, uwei pa uwei na ngi u leit ha la ka jong ka lynti. Hynrei U Trai u la pynlong ba ka jingpynshitom kan hap halor jong u, ka jingpynshitom kaba baroh ngi dei hok ban ïoh.

ESEKIEL 43:23

Haba me la dep ban leh ïa kata, shim ïa u masi lyngraw bad ïa u langbrot lud, baroh ar na ki, ki bym don kino kino ki jingduna, bad wallam ïa ki sha nga.

LEBITIKOS 1:4

Uta u briew un buh ïa la ka kti ha ka khlieh jong ka, bad yn sa pdiang ïa ka kum ka jingkñia ban kit noh ïa ki pop jong u.

LEBITIKOS 16:21

Un buh ïa la ki kti baroh ar ha ka khlieh jong uta u 'langsohmoh, bad halor jong u un phla ïa ki jingbymman, ïa ki pop, bad ïa ki jingïaleh pyrshah baroh jong ki Israel, bad da kumta un pynkit ïa ki ha ka khlieh jong uta u 'langsohmoh. Nangta dei ban ñiah noh ïa uta u 'langsohmoh sha ka ri shyiap da u briew uba la jied kyrpang na ka bynta kata.

LEBITIKOS 3:2

Uta u briew un buh ïa la ka kti ha ka khlieh jong uta u mrad bad un pynïap ïa u ha ka jingkhang jong ka Ïingjaiñ ka Jingdon Ryngkat U Trai.

LEBITIKOS 4:4

Un wanlam ïa uta u masi sha ka jingkhang ka Ïingjaiñ, un buh ïa la ka kti ha ka khlieh jong u, bad un pynïap ïa u hangta ha ka jingdon ryngkat U Trai.

LEBITIKOS 8:14

Nangta u Moses u wanlam ïa uta u masi lyngraw ban pynlong ka jingkñia namar ka pop, bad u Aaron bad ki khun shynrang jong u ki buh ïa la ki kti ha ka khlieh jong u.

LEBITIKOS 8:18

Nangta pat, u Moses u wanlam ïa uta u langbrot ban pynlong ka jingkñia ainguh thang, bad u Aaron bad ki khun shynrang jong u ki buh ïa la ki kti ha ka khlieh jong u.

JINGKHEIÑ 8:12

Nangta ki Lebi kin buh ïa la ki kti halor ki khlieh jong ki ar tylli ki masi lyngraw; ïa uwei yn kñia kum ka jingkñia namar ka pop bad ïa uwei pat kum ka jingainguh thang, na ka bynta ban pyndep ïa ka jinglehniam pynkhuid ïa ki Lebi.

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.