EKSODOS 28:6 - Khasi CL Bible (BSI)

⁶ “Kin suh ïa ka ephod da u 'saiwul uba jngum, uba sawbthuh, bad uba rong saw, u 'sai ksiar, bad da ka jaiñ linen bani.

KA BAIBL

⁶ Te kin thaw ïa ka ephod da ka ksiar, da ka babyrïong, bad ka basaw bthuh, bad ka basaw syng-iang, bad ka linen bani ba la thir da ka jingtrei bastad.

EKSODOS 28:6 ပူးပေါင်းရင်းမြစ်များ

EKSODOS 25:4

ka linen kaba ni; u 'saiwul uba jngum, uba sawbthuh, bad uba rong saw; ka jaiñ ba la suh da u shñiuh blang;

EKSODOS 25:7

ki mawkordor Karnelian, bad kiwei pat ki mawlynnai ban buh ha ka ephod jong u Rangbah Lyngdoh bad ha ka jingdeng shadem jong u.

EKSODOS 26:1

“Thaw ïa kaba shapoh jong ka Ïingjaiñ bakyntang, ka Ïingjaiñ jong ka Jingdon Ryngkat jong nga na ki shiphew tylli ki lyngkhot jaiñ kiba da ka linen kaba ni, ba la thain da u 'saiwul uba jngum, uba sawbthuh, bad uba rong saw. Suh pynpur itynnat ha ki ïa ka dur ki kherub.

EKSODOS 28:7

Ïa ki ar tylli ki tyllai tawah tyrpeng, da kiba lah ban pynskhem ïa ka, dei ban pyndait na ki rmiang jong ka baroh arliang.

EKSODOS 29:5

Nangta pynriam ïa u Aaron da ki jaiñphong lyngdoh — ka sopti-poh, ka barandi kaba hapoh ka ephod, ka ephod, ka jingdeng shadem bad u panpoh.

HOSIA 3:4

Ha kane kajuh ka rukom ki briew ka Israel kin hap ban ap slem khlem ki syiem ne ki nongïalam, khlem jingkñia lane rishot mawkyntang, khlem bleithaw lane dur ban pyndonkam ha kaba khan blei.

LEBITIKOS 8:7

U pynphong ïa ka sopti bad pynkup ïa ka barandi ha u Aaron, bad u pynteh ïa u panpoh ha ka syngkai jong u. U pynphong ïa ka ephod ha u, bad u pynskhem ïa ka da kaba teh ïa ki jingteh ba la thain itynnat ha ka syngkai jong u.

NONGBISHAR 8:27

U Gideon u shna ka bleithaw na ka ksiar bad u buh ïa ka ha la shnong, ha Ophrah. Baroh ki Israel ki la iehnoh ïa U Blei bad ki la leit shata ban mane ïa ka bleithaw. Ka la long ka jingriam ïa u Gideon bad ïa ka longïing jong u.

1 SAMUEL 23:6

Mynba u Abiathar u khun jong u Ahimelekh u la lait phet bad leit ïasoh bad u Dabid ha Keilah, u la rah ïa ka ephod lem bad u.

1 SAMUEL 30:7

U Dabid u ong ha u Abiathar, u lyngdoh, u khun jong u Ahimelekh, “Wanrah ha nga ka ephod,” bad u Abiathar u wanrah ïa ka ha u.