EKSODOS 28:43 - Khasi CL Bible (BSI)

⁴³ U Aaron bad ki khun shynrang jong u ki dei ban phong ïa ki man ka por ba ki leit rung shapoh ka Ïingjaiñ ka Jingdon Ryngkat jong nga ne haba ki leit sha jan ka duwan ban shakri kum ki lyngdoh ha ka Jaka kaba Kyntang, khnang ba kin ym shah pynïap ba ki thad burom ïa lade. Kane ka long ka aiñ kaba neh shi rta ïa u Aaron bad ki khun ki ksiew jong u.

KA BAIBL

⁴³ bad u Aaron un phong ïa ki, bad ki khun shynrang jong u kin phong ïa ki, haba ki leit bsut hapoh Ka Tabernakl ka jingïaseng, lane haba ki wan hajan ka duwan ïa ka ban shakri ha kata ka jaka kyntang ba kin ym kit pop bad ïap noh: kane kan long ka hukum ïa u bad ïa u symbai jong u hadien jong u ha la ka rta.

EKSODOS 28:43 ပူးပေါင်းရင်းမြစ်များ

EKSODOS 20:26

Wat shna ïa ka duwan kaba don ki kyrdon kiba kiew sha ka; lada phi leh kumta, phi pynpaw khlem akor ïa lade haba phi kiew ïa ki.

EKSODOS 27:21

U Aaron bad ki khun shynrang jong u ki dei ban pynïeng ïa ka sharak hapoh ka Ïingjaiñ ka Jingdon Ryngkat jong nga shabar jong ka pyrda kaba don ha khmat jong ka Synduk ka Jutang. Hangta ha ka jingdon ryngkat jong nga dei ban pynmeh ïa ka naduh janmiet haduh mynstep. Ïa kane ka hukum dei ban sumar junom da ki Israel bad ki khun ki ksiew jong ki.

EKSODOS 30:21

Ki dei ban da thet ïa la ki kti bad sait ïa la ki kjat, ba kin ym ïap. Kane ka long ka hukum kaba ma ki bad ki khun ki ksiew jong ki, ki dei ban bud junom la junom.”

ESEKIEL 44:17

Haba ki rung ïa ka khyrdop sha ka phyllaw ba kham shapoh ka Templ, kin phong ïa ki sopti jaiñ linen. Kim dei ban phong kano kano ba la thain na u 'saiwul haba ki don ha ka kam ha ka phyllaw ba kham shapoh lane hapoh ka Templ.

LEBITIKOS 16:13

Hangta ha khmat U Trai un thang ïa kata ka jingiwbih, halor ka ding bad ka tdem jong kata ka jingiwbih kan kah ïa ka jingtap ka Synduk ka Jutang khnang ba un ym ïohi ïa ka bad u ïap.

LEBITIKOS 17:7

Ki Israel kim dei shuh ban lyndet ïa U Trai da kaba pynïap ïa ki mrad jong ki ha lum ha wah la kum ba kñia ainguh ïa ki sha ki ksuid. Ki paid Israel ki dei ban sumar ïa kane ka aiñ pateng la pateng.

LEBITIKOS 22:15

Ki lyngdoh kim dei ban pyntngit ïa kita ki jingkñia ainguh

LEBITIKOS 22:9

“Ki lyngdoh baroh, namar kata, ki dei ban sumar ïa ki jingbuhbeit ryntih kiba nga la ai. Lym kumta kin kit hi ïa la ka pop bad kin ïap, namar ba ki la pynkheiñ ïa ki jingbuhbeit ryntih kiba kyntang. Nga long U Trai uba pynkyntang ïa ki.

LEBITIKOS 3:17

Ki Israel kim bit ban bam ïa ka khleiñ ne ïa ka snam; kane ka dei ka aiñ ba baroh ki Israel kin bat shi junom kat shaba ki shong ki sah.

LEBITIKOS 5:1

Ki Jingkñia namar ka Pop ki donkam na ka bynta kine ki jingleh. Lada uno uno u shah khot da ki bor ba-halor ban ai sakhi ha ka ïingbishar bad um ïathuh ei ei ïa kata kaba u la ïohi ne u la ïohsngew, u dei ban kit hi ïa kaba mih nangta.

LEBITIKOS 5:17

Lada uno uno u leh pop khlem tip da kaba u pynkheiñ ïa kano kano ka hukum U Trai, u long uba la rem bad u dei ban ïoh ïa ka bainong.

JINGKHEIÑ 15:15

Pateng la pateng, kijuh ki jingbuhbeit ryntih ki teh ïa phi bad ïa ki nongwei kiba shong basah bad phi. Ma phi bad ma ki phi ïalong kumjuh ha khmat U Trai.

JINGKHEIÑ 18:22

Kiwei pat ki Israel kim dei shuh ban wan sha jan ka Ïingjaiñ ïoh ki wallam ha lade ïa ka jingshah pynshitom da ka jingïap.

JINGKHEIÑ 18:32

Haba phi la wanrah ïa kaba bha tam sha U Trai, phim long kiba shah rem haba phi bam ïa ka. Hynrei da sumar ban ym pyntngit ïa ki jingai kiba khuid jong ki Israel da kaba bam ïa kino kino ki jingai shuwa kaba ai ïa kaba bha tam. Lada phi leh kumta, yn pynïap ïa phi.”

JINGKHEIÑ 18:8

U Trai u ong ha u Aaron, “Da kynmaw ba nga la ai ha me ïa ki jingainguh kiba kyrpang kiba la ai ïa nga ki bym dei kiba la thang kum ki jingkñia. Nga la ai ïa ki ha me bad ha ki khun ki ksiew jong me kum ka bynta ba la ai ha me junom la junom.

JINGKHEIÑ 9:13

Hynrei lada uno uno na phi uba long bymkhuid bad u bym shym leit jingleit bad u bym rakhe ïa ka Jingkhawai Niam Ka Jinglait, yn ym ñiew shuh kum ki briew jong nga, namar um shym wanrah jingainguh sha nga ha ka por ba la buh. Uta u dei ban shahshitom namar ka pop jong u.