EKSODOS 28:41 - Khasi CL Bible (BSI)

⁴¹ Pynphong ïa kine ki jaiñ ha u Aaron u hynmen jong me bad ha ki khun shynrang jong u. Nangta pynkupbor ïa ki bad pynkyntang da kaba pynsleh ïa ki da ka umphniang Olib, khnang ba ki lah ban shakri ïa nga kum ki lyngdoh.

KA BAIBL

⁴¹ To men pynphong ruh ïa ki ha u Aaron u hynmen jong me, bad ha ki khun shynrang jong u lem bad u; bad men pynsleh ïa ki, bad men pynkyntang ïa ki, bad men pynkhuid ïa ki de, ba kin ïoh kam ha nga ha ka kam lyngdoh.

EKSODOS 28:41 ပူးပေါင်းရင်းမြစ်များ

EKSODOS 28:1

“Khot ïa u Aaron u hynmen jong me bad ïa ki khun shynrang jong u, u Nadab, u Abihu, u Eleasar, bad u Ithamar. Pynkyrpang ïa ki na ki Israel khnang ba kin shakri ïa nga kum ki lyngdoh.

EKSODOS 28:4

Ong ïa ki ba kin suh ïa kine ki jaiñphong lyngdoh: ka jingdeng shadem, ka ephod, ka barandi, ka sopti ba la suh pynpur itynnat, ka jaiñspong, bad ka jaiñ panpoh. Kin suh ïa kine ki jaiñphong lyngdoh ïa u Aaron bad ki khun shynrang jong u khnang ba kin shakri ïa nga kum ki lyngdoh.

EKSODOS 29:24

Buh ïa kine baroh ha ki kti u Aaron bad ha ki kti ki khun shynrang jong u, bad ong ba kin pynkyntang ïa ki kum ka jingainguh kyrpang sha nga.

EKSODOS 29:35

“Leh ïa ki jinglehniam ka jingpynkyntang ïa u Aaron bad ki khun shynrang jong u hynñiew sngi lynter kumba nga la hukum ïa me.

EKSODOS 29:7

Nangta, shim ïa ka umphniang pynsleh, theh ïa ka ha ka khlieh jong u, bad pynsleh ïa u.

EKSODOS 29:9

Buh ïa ki panpoh ha ki syngkai jong ki, bad teh ïa ki tupia ha ki khlieh jong ki. Ha kane ka rukom men pynkyntang ïa u Aaron bad ïa ki khun shynrang jong u. Ma ki bad ki khun ki ksiew jong ki kin shakri ïa nga junom kum ki lyngdoh.

EKSODOS 30:35

Pyndonkam ïa ki ban shna jingiwbih, khleh ïa ki kum ka jingpyniwbih. Ber khyndiat ka mluh ban pynlong ïa ka kaba khuid bad kaba kyntang.

EKSODOS 40:13

Pynkup ïa u Aaron da ki jaiñphong lyngdoh, pynsleh ïa u, bad da kane pynkyntang ïa u, ba u lah ban shakri ïa nga kum u lyngdoh.

EKSODOS 40:15

Nangta, pynsleh ïa ki kumba me leh ïa u kpa jong ki, ba ki lah ban shakri ïa nga kum ki lyngdoh. Da kane ka jingpynsleh, kin ïailong ki lyngdoh shi rta.”

ISAÏAH 10:27

Haba kata ka por ka wan, ngan pyllaitluid ïa phi na ka bor jong ka Assyria, bad ka lyngkor jong ki kan ym long shuh ka jingbankhia halor ki tyrpeng jong phi.”

ISAÏAH 61:1

U Trai Nongsynshar u la pyndap ïa nga da U Mynsiem jong u. U la jied ïa nga bad phah ïa nga ban wallam ïa ka khubor babha sha kiba duk, ban pynkhiah ïa kiba la pait dohnud, ban pynbna ka jingpyllait ïa ki mraw bad ka jinglaitluid ïa kito kiba ha ka byndi.

ESEKIEL 43:26

Hynñiew sngi ki lyngdoh kin pynkyntang ïa ka duwan bad pynbiang ïa ka na ka bynta ka jingpyndonkam.

LEBITIKOS 10:7

Wat mih shabar ka jingkhang jong ka Ïingjaiñ, ïoh phi ïap, namar la pynkyntang ïa phi da ka umphniang pynsleh jong U Trai.” Kumta ki la leh kumba u Moses u la ong.

LEBITIKOS 16:24

U dei ban sum ha ka jaka kaba khuid bad phong da la ki jong ki jaiñ. Hadien kata, un mih shabar bad un kñia ïa ka jingainguh thang ban weng noh ïa ki pop jong u bad ïa ki pop jong u paidbah de.

JINGKHEIÑ 16:5

Nangta u la ong ha u Korah bad ki nongbud jong u, “Lashai mynstep U Trai un pyn-i ha ngi ïa uta uba long u jong u; un sa shah ïa uta uba long u jong u, kata, uta keiñ ïa uba u la jied, ban leit sha u ha ka duwan.

JINGKHEIÑ 3:3

La pynsleh bad la pynkyntang ïa ki kum ki lyngdoh,

ÏOANNIS 3:34

Uta ïa uba U Blei u la phah, u kren ïa ki ktien jong U Blei, namar ba U Blei u ai ha u ïa ka jingdap jong U Mynsiem jong u.

HEBRU 5:4

Ym don uno uno ruh uba shim ha lade ïa ka burom ka jinglong rangbah lyngdoh. Ka dei tang lyngba ka jingkhot U Blei, ba u briew u lah ban long u rangbah lyngdoh — kumba u Aaron u la long.

HEBRU 7:28

Ka Hukum u Moses ka thung ïa ki briew ki bymjanai ban long ki rangbah lyngdoh; hynrei ka kular U Blei ba la pynlong da ka jingsmai, kaba wan hadien ka hukum, ka thung ïa U Khun, ïa uba la pynjanai junom.

1 ÏOANNIS 2:20

Hynrei ma phi, phi la lah don ïa U Mynsiem Bakhuid ba la theh ha phi da U Khrist, bad kumta phi baroh phi tip ïa ka jingshisha.

1 ÏOANNIS 2:27

Hynrei na ka bynta jong phi, U Khrist u la theh noh ïa la U Mynsiem ha phi. Katba U Mynsiem jong u, u dang ïaisah ha phi, phim donkam ïano ïano ban hikai ïa phi. Naba U Mynsiem jong u, un hikai ïa phi shaphang kiei kiei baroh, bad kaei kaba u hikai ka long kaba shisha, ym kaba lamler. Namarkata, to kohnguh ïa ki jinghikai U Mynsiem bad ïaisah ha U Khrist.