EKSODOS 28:4 - Khasi CL Bible (BSI)

⁴ Ong ïa ki ba kin suh ïa kine ki jaiñphong lyngdoh: ka jingdeng shadem, ka ephod, ka barandi, ka sopti ba la suh pynpur itynnat, ka jaiñspong, bad ka jaiñ panpoh. Kin suh ïa kine ki jaiñphong lyngdoh ïa u Aaron bad ki khun shynrang jong u khnang ba kin shakri ïa nga kum ki lyngdoh.

KA BAIBL

⁴ Te kine ki long kita ki jaiñkup ba kin ïathain; ïa ka jingdeng shadem, bad ïa ka ephod, bad ïa ka barandi, bad ïa ka sopti ba la pynpur, ïa ka meitr, bad ïa ka jingpanpoh ruh: kumta keiñ, kin ïathaw ïa ki jaiñkup bakyntang ïa u Aaron u hynmen jong me, bad ïa ki khun shynrang jong u, ïa ka ban kam ïa ka kam lyngdoh ïa nga.

EKSODOS 28:4 ပူးပေါင်းရင်းမြစ်များ

2 SAMUEL 6:14

U Dabid, uba shu pien tang da ka jaiñ linen, u la shadkmen da ka bor jong u baroh ban burom ïa U Trai.

EKSODOS 25:7

ki mawkordor Karnelian, bad kiwei pat ki mawlynnai ban buh ha ka ephod jong u Rangbah Lyngdoh bad ha ka jingdeng shadem jong u.

EKSODOS 29:6

Pynphong ïa ka jaiñspong ha ka khlieh jong u bad teh halor jong ka ïa ka dak bakyntang jong ka jingpynkyntang ba la thoh ‘La Pynkyntang sha U Trai.’

EKSODOS 39:28

bad ka jaiñspong, ki tupia, ki patlun,

ISAÏAH 11:5

Un synshar ïa ki briew jong u da ka jingbishar hok bad da ka jinglong skhem.

ISAÏAH 59:17

Un kup ïa ka hok kum ka jingïada shadem, bad ïa ka bor bapynim kum ka jingda khlieh. U kup ïa lade da ka jingangnud kaba khraw ban buh ryntih ïa kiei kiei bad ban pynshitom bad pynhiarkput ïa ki jingsniew kiba ki briew ki leh.

HOSIA 3:4

Ha kane kajuh ka rukom ki briew ka Israel kin hap ban ap slem khlem ki syiem ne ki nongïalam, khlem jingkñia lane rishot mawkyntang, khlem bleithaw lane dur ban pyndonkam ha kaba khan blei.

EPHESOS 6:14

Kumta to ïeng ba la pynkhreh, da ka jingshisha kum u panpoh ba la pyndait ha ka syngkai jong phi, da ka hok kum ka jingda shadem jong phi,

1 THESSALONI 5:8

Hynrei ngi dei ki jong ka sngi, bad ngi dei ban pyngngad. Ngi dei ban kup ïa ka jingngeit bad ïa ka jingieit kum ka jingda shadem, bad ka jingkyrmen jong ngi ïa ka jingpynim kum ka jingda khlieh.

JINGPYNPAW 9:17

Bad ha ka jingïohipaw jong nga, nga la ïohi ïa ki kulai bad ïa ki nongshong kulai jong ki: Ki don ki jingïada shadem kiba saw kum ka ding, kiba jngum kum u Sapphir, bad kiba stem kum u kyndok. Ki khlieh jong ki kulai ki la long kum ki khlieh sing, bad na ki shyntur jong ki la mih ka ding, ka tdem bad u kyndok.

1 SAMUEL 2:18

Ha kata ka por u khynnah Samuel u ïai shakri ïa U Trai, u da phong da ka sopti-lor da ka jaiñ linen kaba kyntang.

1 SAMUEL 22:18

Kumta u Saul u ong ïa u Doeg, “Ma me, pynïap ïa ki!” — bad u Doeg u la pynïap ïa ki baroh. Ha kata ka sngi u la pynïap phraphew san ngut ki lyngdoh kiba bit ban phong ïa ka ephod.

1 SAMUEL 23:6

Mynba u Abiathar u khun jong u Ahimelekh u la lait phet bad leit ïasoh bad u Dabid ha Keilah, u la rah ïa ka ephod lem bad u.

1 SAMUEL 30:7

U Dabid u ong ha u Abiathar, u lyngdoh, u khun jong u Ahimelekh, “Wanrah ha nga ka ephod,” bad u Abiathar u wanrah ïa ka ha u.