EKSODOS 28:39 - Khasi CL Bible (BSI)

³⁹ “Suh ïa ka sopti u Aaron da ka linen bani, bad ïa ka jaiñspong ruh da ka linen bani; bad ïa u panpoh ruh uba la suh pynpur itynnat.

KA BAIBL

³⁹ “To men pynpur ïa ka sopti da ka linen bani, bad to men thaw ïa ka meitr ruh da ka linen bani, bad ïa ka jingpanpoh ruh to men thaw da kaba suh.

EKSODOS 28:39 ပူးပေါင်းရင်းမြစ်များ

SALM 45:14

Ha ka sopti babun rong, la ïalam ïa ka sha u syiem, ba la bud da ki nongsynran kynthei, bad ïa ki ruh la wallam sha u.

EKSODOS 26:36

“Ha ka jaka rung jong ka Ïingjaiñ, thaw ïa ka pyrda kaba da ka linen kaba ni, ba la thain da u 'saiwul uba jngum, uba sawbthuh, bad uba rong saw, bad ba la suh pynpur itynnat bha.

EKSODOS 27:16

Na ka bynta ka jaka rung, dei ban don ka pyrda kaba khyndai mitar ka lynter, ïa kaba la shna da ka jaiñ linen kaba ni, ba la thain da u 'saiwul uba jngum, uba sawbthuh, bad uba rong saw, bad ha kaba la pynitynnat da ki jingsuh pynpur. Kyrshan skhem ïa ka da ki saw tylli ki rishot ba la thep ha ki saw tylli ki thliew tnaw.

EKSODOS 28:4

Ong ïa ki ba kin suh ïa kine ki jaiñphong lyngdoh: ka jingdeng shadem, ka ephod, ka barandi, ka sopti ba la suh pynpur itynnat, ka jaiñspong, bad ka jaiñ panpoh. Kin suh ïa kine ki jaiñphong lyngdoh ïa u Aaron bad ki khun shynrang jong u khnang ba kin shakri ïa nga kum ki lyngdoh.

EKSODOS 29:5

Nangta pynriam ïa u Aaron da ki jaiñphong lyngdoh — ka sopti-poh, ka barandi kaba hapoh ka ephod, ka ephod, ka jingdeng shadem bad u panpoh.

EKSODOS 29:6

Pynphong ïa ka jaiñspong ha ka khlieh jong u bad teh halor jong ka ïa ka dak bakyntang jong ka jingpynkyntang ba la thoh ‘La Pynkyntang sha U Trai.’

EKSODOS 29:8

“Wan ïalam ïa ki khun shynrang jong u Aaron ban pynphong sopti ïa ki.

EKSODOS 39:27

Ki suh ïa ki sopti-poh na ka bynta u Aaron bad ki khun shynrang jong u,

LEBITIKOS 16:4

Te U Trai u la ai ïa kine ki jinghikai shuwa ba u Aaron un rung sha ka Jaka Kaba Khuid Tam, u dei ban da sum, bad nangta un kup ïa ki jaiñkup lyngdoh; ka sopti linen, ka patlun lyngkot, ka jingpanpoh, bad ka jaiñspong.

LEBITIKOS 6:10

Nangta u lyngdoh, uba kup ïa ka jaiñkup linen bad uba phong ïa ka patlun linen kaba lyngkot, un weng noh ïa u dpei khleiñ ba sah ha ka duwan bad un buh ïa u harud jong ka duwan.