EKSODOS 28:2 - Khasi CL Bible (BSI)

² Suh ki jaiñphong lyngdoh ïa u Aaron u hynmen jong me khnang ba un ishongkun shongkhia bad idonburom.

KA BAIBL

² Men thaw ruh ïa ki jaiñkup bakyntang ïa u Aaron u hynmen jong me, na ka bynta ka burom bad na ka bynta ka jingitynnad.

EKSODOS 28:2 ပူးပေါင်းရင်းမြစ်များ

Ka Kitab U Job 40:10

Lada ka long kumta, to ïeng ha la ka burom bad ka jingsarong; kup ïa lade da ka jingitynnat bad ka burom,

SALM 132:16

Ngan kyrkhu ïa ki lyngdoh jong ka ha kiei kiei baroh ba ki leh, bad ki briew jong ka kin rwai bad risa da ka jingkmen.

SALM 132:9

Ai ba ki lyngdoh jong me kin leh borabor ïa kaei kaba dei; ai ba ki briew jong me kin risa da ka jingkmen!

SALM 149:4

U Trai u don ka jingsngewbha ha ki briew jong u; u pyndonburom ïa kiba sngewrit da ka jingjop.

SALM 96:6

Ka burom bad ka main longsyiem ki ker sawdong ïa u; ka bor bad ka jingitynnat ki pyndap ïa ka Templ jong u.

EKSODOS 28:40

“Suh ki sopti, ki panpoh, bad ki tupia na ka bynta ki khun shynrang jong u Aaron ba kin ishongkun shongkhia bad itynnat.

EKSODOS 29:28

Kane ka long ka rai jong nga ka ban ym kylla ba haba ki briew jong nga ki pynlong ïa ka jingkñia ïasyllok, ka shadem bad ka lbong jong u mrad ki long ka bynta jong ki lyngdoh. Kane ka long ka jingai sngewbha jong ki briew sha nga, U Trai.

EKSODOS 31:10

ïa ki jaiñphong lyngdoh na ka bynta u Aaron bad ki khun shynrang jong u ba kin pyndonkam haba ki shakri kum ki lyngdoh,

EKSODOS 40:13

Pynkup ïa u Aaron da ki jaiñphong lyngdoh, pynsleh ïa u, bad da kane pynkyntang ïa u, ba u lah ban shakri ïa nga kum u lyngdoh.

ISAÏAH 4:2

Ka por ka poi ha kaba U Trai un pynlong ïa uwei pa uwei u jingthung bad u dieng ha ka ri ban long uba heh bad ba-itynnat. Baroh ki paid Israel kiba lait im kin dap da ka jingkmen bad jingsarong ha ki mar rep ba ka ri ka pynmih.

ISAÏAH 52:1

Ko Jerusalem, to long khlaiñ bad long khraw biang! Ko nongbah Bakhuid jong U Blei, to kup ïa lade da ka burom! Kiba mane blei thala kin ym ïohrung shuh da lei lei lyngba ki khyrdop jong pha.

ISAÏAH 61:10

Ko Jerusalem to shadkmen namar kaei kaba U Trai u la leh. Ka long kum ka nongleitkurim kaba riam na ka bynta ka jingkyntiew kurim jong ka. U Blei u la pynkup ïa ka da ka jingpynim bad ka jingjop.

ISAÏAH 61:3

ban ai ha kito kiba ïam sngewsih ha Seïon ïa ka jingkmen bad jingsngewbha ha ka jaka ka jingsngewsih, ka jingrwai jong ka jingïaroh ha ka jaka ki ummat kthang. Kin long kum ki dieng ba U Trai da lade hi u la thung. Baroh kin leh ïa kaei kaba dei. Bad ïa U Blei yn ai ka jingïaroh ïa kaei ba u la leh.

ISAÏAH 64:6

Baroh na ngi, ngi long kiba pop; wat ki kam babha tam jong ngi ki long ki bymkhuid shi lynter. Namar ki pop jong ngi, ngi long kum ki sla ba la tlor bad ba la rong noh da ka lyer.

LEBITIKOS 8:30

U Moses u shim ïa ka umphniang pynsleh bad khyndiat ka snam kaba don ha ka duwan bad u synreit ïa ki ha u Aaron bad ha ki khun shynrang jong u bad ha ki jaiñkup jong ki. Ha kane ka rukom u pynkyntang ïa ki bad ïa ki jaiñ jong ki sha U Trai.

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

Ka Shithi U Paul Sha Ki Nong Rom 13:14

Hynrei to kieng ïa ki atiar jong U Jisu Khrist uba U Trai, bad to sangeh na kaba pynleit jingmut sha ki jinglong jong ka pop kiba pynhun ïa ki jingkwah brai jong ka.

Ka Shithi U Paul Sha Ki Nong Rom 3:22

U Blei u pynlong ka hok bad ki briew lyngba ka jingngeit jong ki ha U Jisu Khrist. U Blei u leh ïa kane ïa baroh kiba ngeit ha U Khrist, namar ym don satia kano kano ka jingïapher:

GALATIA 3:27

La pynbaptis ïa phi ha U Khrist, bad mynta la pynkup ïa phi, kumba ong, da ka jingim U Khrist hi.

HEBRU 2:9

Hynrei ngi da ïohi ïa U Jisu, ïa uba la pynlong shipor kham hapoh ban ïa ki angel, kumta ba lyngba ka jingaiei ka jong U Blei, u dei ban shahïap na ka bynta uwei pa uwei baroh. Mynta ngi ïohi ïa u, ba la pynphong pansngiat da ka burom bad da ka jingpyndonburom namar ka jingïap kaba u la shah.

HEBRU 7:26

U Jisu, te, u long U Rangbah Lyngdoh uba pynbiang ïa ki jingdonkam jong ngi. U long uba khuid; um shym don kano kano kaba bakla lane ka pop ha u; la pynkyrpang ïa u na ki nongpop bad la kyntiew ïa u sha ki bneng.

2 PETROS 1:17

Ngi la don hangta mynba la ai ïa ka burom bad ïa ka jingpyndonburom ha u da U Blei uba U Kpa, haba ka sur ka la wan sha u na ka Burom Bahakhlieh Tam Eh, kaba ong, “Une u long U Khun ba-ieit jong nga hi, ha uba nga sngewbha eh!”

1 ÏOANNIS 3:2

Ko ki paralok ba-ieit jong nga, mynta ngi long ki khun U Blei, hynrei kam pat da shai aïu ngin sa long. Hynrei ngi tip ba ynda U Khrist un paw, ngin ïoh long kum ma u, namar ngin ïohi ïa u kumba u long da shisha.

JINGPYNPAW 19:8

La ai ha ka ïa ka jaiñ linen baphyrnai kaba khuid ban phong.” (Ka jaiñ linen ka long ki kam babha jong ki briew jong U Blei.)

JINGPYNPAW 5:10

Me la pynlong ïa ki, ka hima ki lyngdoh ban shakri ïa U Blei jong ngi, bad kin synshar ha ka pyrthei.”