EKSODOS 28:11 - Khasi CL Bible (BSI)

¹¹ Wad ïa u bania uba tbit ba un ohdur ha kita ki ar tylli ki mawkordor ïa ki kyrteng jong ki khun shynrang jong u Jakob bad pynshong ïa ki ha ki jingoh-shrong kiba da ka ksiar.

KA BAIBL

¹¹ Da ka jingtrei u nongpruid ha u maw, kum ki jingpruid ka mohor keiñ, men pruid ha kita ki ar tylli ki maw ïa ki kyrteng ki khun Israel: men thaw ïa ki ban buh ha ki shrong ka ksiar.

EKSODOS 28:11 ပူးပေါင်းရင်းမြစ်များ

Ka Kitab U Job 19:24

Lane da u shniah ban shniah ïa ki ktien jong nga ha u maw bad ban thoh ïa ki khnang ba kin sah junom.

EKSODOS 28:10

katba kum ka jinglong hynmen para jong ki, hynriew na ki kyrteng jong ki ha uwei u mawkordor bad hynriew ha uwei pat u mawkordor.

EKSODOS 28:12

Buh ïa ki ha ki tyllai tawah tyrpeng jong ka ephod ba kin ïeng na ka bynta ki khat-ar jait Israel. Ha kane ka rukom u Aaron un kit ïa ki kyrteng jong ki ha la ka tyrpeng khnang ba ma nga, U Trai, ngan ïai kynmaw ïa ki briew jong nga.

EKSODOS 28:21

Ha uwei uwei na ki, thoh ïa ka kyrteng jong uwei na ki khun shynrang jong u Jakob, ba kin ïeng na ka bynta ki khat-ar jait Israel.

EKSODOS 28:25

Teh ïa kiwei pat ki tduh jong kita ki kynjri ha ki ar tylli ki shrong, bad ha kane ka rukom pynsnoh ïa ki sha khmat ha ki tyllai tawah tyrpeng jong ka ephod.

EKSODOS 28:36

“Thaw ruh ïa ka jingdeng da ka ksiar nylla bad thoh ha ka, ‘La Pynkyntang sha U Trai.’

EKSODOS 39:13

bad ïa u Beryl, u Karnelian, bad u Jasper ha ka kyrdon kaba saw. Ïa kine baroh la pyndait ha ki jingoh-shrong kiba da ka ksiar.

EKSODOS 39:18

bad ki teh ïa ki tduh jong ki ha kita ki ar tylli ki shrong, bad ki pynsnoh ïa ki sha khmat ha ki tyllai tawah tyrpeng jong ka ephod

EKSODOS 39:6

Ki pynkhreh ïa ki mawkordor Karnelian bad ki buh ïa ki ha ki jingoh-shrong kiba da ka ksiar. Ha kita la thoh ïa ki kyrteng jong ki khat-ar ngut ki khun shynrang u Jakob.

JEREMAÏAH 22:24

U Trai u la ong ha u syiem Jehoïakhin, u khun jong u Jehoïakim u syiem ka Judah, “Kumba da shisha nga long U Blei Uba im. Wat la me long kum ka sati muhor ha ka kti kamon jong nga, ngan weng noh ïa me,

SEKHARAÏAH 3:9

Nga buh ha khmat jong u Joshua ïa uwei u maw uba don hynñiew tylli ki dong. Ngan shniah ka jingthoh halor jong u bad ha ka shi sngi ngan shim noh ïa ka pop jong kane ka ri.

EPHESOS 1:13

Bad ma phi ruh, kiba la kylla long ki briew jong U Blei mynba phi la ïohsngew ïa ka khubor kaba shisha, ka khubor babha kaba wallam ïa phi ka jingpynim. Phi la ngeit ha U Khrist, bad U Blei u la buh ïa ka jingshonshab ka jinglong trai ha phi da kaba ai ha phi ïa U Mynsiem Bakhuid uba u la kular.

EPHESOS 4:30

Bad to wat pynsngewsih ïa U Mynsiem Bakhuid jong U Blei; naba U Mynsiem u long ka dak jong ka jinglong trai jong U Blei ïa phi, ka jingbahkhlieh ba ka Sngi kan poi haba U Blei un pyllaitluid ïa phi.

2 TIMOTHI 2:19

Hynrei ïa ka nongrim baskhem kaba U Blei u la buh ym lah ban pynkhih; bad halor jong ka la thoh ïa kine ki ktien: “U Trai u ithuh ïa kito kiba dei ki jong u” bad “Baroh kiba ong ba ki dei ki jong U Trai ki dei ban phai noh na kaba leh bymdei.”

JINGPYNPAW 7:2

Bad nga la ïohi ïa uwei pat u angel uba wan kiew na shaphang mihngi lem bad ka shab jong U Blei uba im. U la pyrta ha ka ktien kaba jam ïa ki saw ngut ki angel ha kiba U Blei u la ai bor ban pynjot ïa ka khyndew bad ïa ka duriaw.