EKSODOS 27:21 - Khasi CL Bible (BSI)

²¹ U Aaron bad ki khun shynrang jong u ki dei ban pynïeng ïa ka sharak hapoh ka Ïingjaiñ ka Jingdon Ryngkat jong nga shabar jong ka pyrda kaba don ha khmat jong ka Synduk ka Jutang. Hangta ha ka jingdon ryngkat jong nga dei ban pynmeh ïa ka naduh janmiet haduh mynstep. Ïa kane ka hukum dei ban sumar junom da ki Israel bad ki khun ki ksiew jong ki.

KA BAIBL

²¹ Ha Ka Tabernakl ka jingïaseng, shabar kata ka jingkah kaba ha khmat ka jingphla, u Aaron bad ki khun shynrang jong u kin ïasumar ïa ka naduh mynmiet haduh mynstep ha khmat U Trai; kane kan long ka hukum ha la ka rta ha ki pateng la pateng bynriew jong ki na ka bynta ki khun Israel.

EKSODOS 27:21 ပူးပေါင်းရင်းမြစ်များ

JENESIS 1:5

Bad u la khot kyrteng “Ka Sngi” ïa ka jingshai, bad “Ka Miet” ïa ka jingdum. Ka janmiet ka la leit bad ka step ka la wan — kata ka la long ka sngi kaba nyngkong.

JENESIS 1:8

U la khot kyrteng “Ka Sahit bneng” ïa ka lyngngun haw haw. Ka janmiet ka la leit bad ka step ka la wan — kata ka la long ka sngi kaba ar.

2 KHRONIKL 13:11

Man ka step bad man ka janmiet ki ai ha u ïa ki jingiwbih bad ki mrad jingkñia ba la thang tylli. Ki ai ïa ki jingainguh kpu ha ka miej kaba la pynkyntang khuid, bad man ka janmiet ki thang ïa ki sharak ha ki diengpynïeng sharak ksiar. Ngi leh ïa kaei kaba U Trai u la hukum, hynrei phi, phi la iehnoh ïa u.

SALM 134:1

To wan, to ïaroh ïa U Trai, phi ki shakri jong u baroh, phi baroh kiba shakri ha ka Templ jong u mynmiet.

EKSODOS 12:14

Phi dei ban rakhe ïa kane ka sngi kum ka Jingkhawai Niam ban pynkynmaw ïa phi ïa kaei kaba nga, U Trai, nga la leh. Rakhe ïa ka pateng la pateng bynriew.”

EKSODOS 16:34

Kumba U Trai u la hukum ïa u Moses, u Aaron u buh ïa uta u khiew ha khmat ka Synduk ka Jutang ba yn ïoh sumar ïa u.

EKSODOS 25:16

Nangta thep hapoh ka synduk ïa ki ar tylli ki mawlyngkniap kiba ngan ai ha me, ha kiba la thoh ïa ki hukum jong nga.

EKSODOS 28:43

U Aaron bad ki khun shynrang jong u ki dei ban phong ïa ki man ka por ba ki leit rung shapoh ka Ïingjaiñ ka Jingdon Ryngkat jong nga ne haba ki leit sha jan ka duwan ban shakri kum ki lyngdoh ha ka Jaka kaba Kyntang, khnang ba kin ym shah pynïap ba ki thad burom ïa lade. Kane ka long ka aiñ kaba neh shi rta ïa u Aaron bad ki khun ki ksiew jong u.

EKSODOS 29:28

Kane ka long ka rai jong nga ka ban ym kylla ba haba ki briew jong nga ki pynlong ïa ka jingkñia ïasyllok, ka shadem bad ka lbong jong u mrad ki long ka bynta jong ki lyngdoh. Kane ka long ka jingai sngewbha jong ki briew sha nga, U Trai.

EKSODOS 29:42

Ha ki por baroh ki ban wan, dei ban ai ïa kane ka jingainguh thang ha khmat jong nga ha ka jingkhang jong ka Ïingjaiñ ka Jingdon Ryngkat jong nga. Kata ka long ka jaka ha kaba ngan ïashem bad ki briew jong nga bad ngan ïakren bad me.

EKSODOS 29:44

Ngan pynlong khuid ïa ka Ïingjaiñ bad ïa kata ka duwan, bad ngan pynkyrpang ïa u Aaron bad ïa ki khun shynrang jong u ba kin shakri ïa nga kum ki lyngdoh.

EKSODOS 30:21

Ki dei ban da thet ïa la ki kti bad sait ïa la ki kjat, ba kin ym ïap. Kane ka long ka hukum kaba ma ki bad ki khun ki ksiew jong ki, ki dei ban bud junom la junom.”

EKSODOS 30:36

Tylliat khyndiat ïa ka haduh ba kan da lwet ni bha, rah ïa ka shapoh ka Ïingjaiñ ka Jingdon Ryngkat jong nga bad ber ïa ka ha khmat ka Synduk ka Jutang. Kheiñ ïa kane ka jingiwbih kum kaba da kyntang janai.

EKSODOS 30:8

Un leh kumjuh haba u wan ban pynmeh ïa kita ki sharak ha ka por janmiet. Ïa kane ka jingainguh iwbih dei ban ïai leh khlem sangeh ha ki por baroh.

EKSODOS 40:3

Buh hangta ïa ka Synduk ka Jutang ha kaba don ki Shiphew Hukum, bad kah ïa ka da ka pyrda.

LEBITIKOS 10:9

“Ma me bad ki khun shynrang jong me phim dei ban rung shapoh ka Ïingjaiñ ka Jingdon Ryngkat jong nga hadien ba phi la dih waiñ lane dih kyiad; lada phi leh kumta phin ïap. Kane ka long ka aiñ kaba dei ban bud da ki khun ki ksiew jong me pateng la pateng.

LEBITIKOS 16:34

Kine ki long ki jingbuhbeit ryntih kiba dei ban rakhe pateng la pateng. Ïa kane ka rukom lehniam dei ban leh shisien shisnem ban pynkhuid ïa ki Israel na ki pop jong ki. Kumta u Moses u leh, kumba U Trai u la hukum ïa u.

LEBITIKOS 17:7

Ki Israel kim dei shuh ban lyndet ïa U Trai da kaba pynïap ïa ki mrad jong ki ha lum ha wah la kum ba kñia ainguh ïa ki sha ki ksuid. Ki paid Israel ki dei ban sumar ïa kane ka aiñ pateng la pateng.

LEBITIKOS 23:14

Wat bam na uta u kew thymmai, la uba dang im, ne uba la sdieh pyrthiew, ne uba la pynlong kpu, tad haduh ba phi la wallam ïa kane ka jingkñia ainguh sha U Blei. Kane ka long ka hukum kaba ki khun ki ksiew jong phi ki dei ban leh pateng la pateng.

LEBITIKOS 23:21

Ha kata ka sngi, wat trei ei ei kumba phi ju trei man la ka sngi, hynrei ïalumlang ban mane Blei. Ki khun ki ksiew jong phi ki dei ban leh ïa kane ka hukum pateng la pateng shano shano ba ki don.

LEBITIKOS 24:2

“Hukum ïa ki Israel ban wanrah ïa ka umphniang Olib kaba khuid bha na ka bynta kita ki sharak, ba kin ai jingshai man la ka por.

LEBITIKOS 24:3

Man la ka janmiet, u Aaron un thang ïa ki bad un ieh ba kin meh haduh mynstep ha khmat U Trai shabar ka jingkah kaba ha khmat ka Synduk ka Jutang. Ïa kane ka hukum dei ban leh pateng la pateng.

LEBITIKOS 24:9

Uta u kpu u dei na ka bynta u Aaron bad ki khun shynrang jong u. Ki dei ban bam ïa u ha ka jaka kaba kyntang, naba uta u long ka bynta kaba kyntang eh na ki jingainguh bam ba la kñia sha U Trai na ka bynta jong ki.”

LEBITIKOS 3:17

Ki Israel kim bit ban bam ïa ka khleiñ ne ïa ka snam; kane ka dei ka aiñ ba baroh ki Israel kin bat shi junom kat shaba ki shong ki sah.

LEBITIKOS 3:8

Ki lyngdoh kin synreit ïa ka snam jong u sawdong ka duwan, bad un ai ïa kine ki dkhot met jong u kum ka jingainguh bam sha U Trai:

LEBITIKOS 6:15

Nangta un shim shi kham u 'purew bad ka umphniang, bad ïa ka jingiwbih halor jong ka, bad un thang ha ka duwan kum ka dak ba ïa kata baroh la kñia ainguh ha U Trai. Ka jingiw na kane ka jingainguh ka long kaba pynsngewbha ïa U Trai.

LEBITIKOS 7:36

Ha kata ka sngi U Trai u la hukum ïa ki paid Israel ban ai ïa kane ka bynta jong ka jingainguh. Ka dei ka aiñ ba ki paid Israel ki dei ban kohnguh pateng la pateng.

MALAKHI 2:7

Ka dei ka kamram ki lyngdoh ban hikai ïa ka jingtip bashisha ïa U Blei. Ki briew ki dei ban leit sha ki ban tip ïa ka mon jong nga, namar ki long ki nonglamktien jong U Trai Badonbor Baroh.

JINGKHEIÑ 18:23

Naduh mynta dei tang ki Lebi ki ban sumar ïa ka Ïingjaiñ bad kin kitkhlieh nadong shadong ïa ka. Kane ka long ka hukum kaba ïaineh bad kaba teh ïa ki khun ki ksiew jong phi pateng la pateng.

JINGKHEIÑ 18:5

Tang ma me bad ki khun shynrang jong me ki dei ban pyndep ïa ki jingkitkhlieh na ka bynta ka Jaka Kyntang bad ka duwan, khnang ba ngan ym khie bitar shuh ïa ki paid Israel.

JINGKHEIÑ 19:21

Phi dei ban sumar ïa kane ka jingpynbeit ryntih ha ki por ki ban wan baroh. Uta u briew uba synreit ïa ka um ka jingpynkhuid u dei ruh ban sait ïa la ki jaiñ; uno uno uba ktah ïa kata ka um u ïailong u bymkhuid haduh janmiet.

JINGKHEIÑ 35:29

Kine ki jingpynbeit ryntih ki treikam ïa phi bad ïa ki khun ki ksiew jong phi hangno hangno haba phi shong phi sah.

JINGKHEIÑ 8:9

Nangta lumlang ruh ïa u paid Israel baroh bad pynïeng ïa ki Lebi ha khmat ka Ïingjaiñ ka Jingdon Ryngkat jong nga.

MATHAÏOS 4:16

Ki briew kiba shong ha ka jingdum kin ïohi ïa ka jingshai kaba khraw. Ha kito kiba im ha ka ri ba-dum jong ka jingïap ka jingshai kan tyngshaiñ.”

LOUKAS 12:35

“Long ba la kloi na ka bynta kano kano kaba wan, kiba la khreh na ka bynta ban leh ei ei bad kiba la thang ïa ki sharak jong phi,

ÏOANNIS 5:35

U Ïoannis u la long kum ka sharak, kaba meh bad kaba tyngshaiñ, bad phi la mon shipor ban lehkmen ha ka jingshai jong u.

2 KORINTH 4:6

U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.

2 PETROS 1:19

Kumta ngi la nang sngewskhem shuh shuh ha ka khubor ba la pynbna da ki nongïathuhlypa. Kan bha ba phi shahshkor ïa ka, namar ka long kum ka sharak kaba shai ha ka jaka ba-dum haduh ba kata ka Sngi ka wan bad ka jingshai jong u 'lurstep ka tyngshaiñ ha ki dohnud jong phi.

JINGPYNPAW 2:1

“Thoh sha u angel jong ka Balang ha Ephesos: “Kane ka long ka khubor na uta uba bat ïa ki hynñiew tylli ki khlur ha ka kti kamon jong u bad uba ïaid hapdeng ki hynñiew tylli ki diengpynïeng sharak ksiar.

1 SAMUEL 3:3

u Samuel pat u thiah hapoh ka jaka kyntang ha kaba don ka Synduk ka Jutang. Shuwa ban kynjat shai katba ka sharak ka dang meh,

1 SAMUEL 30:25

U Dabid u la buh ïa kane kum ka aiñ bad la ju bud ha Israel hadien kata.