EKSODOS 26:30 - Khasi CL Bible (BSI)

³⁰ Pynïeng ïa kata ka Ïingjaiñ kat kum ka dur ba nga la pyn-i ha me halor u lum.

KA BAIBL

³⁰ Bad men pynïeng ïa Ka Tabernakl katba kum kata ka dur jong ka, ïa kaba la pyni ha me ha uta u lum.

EKSODOS 26:30 ပူးပေါင်းရင်းမြစ်များ

1 KHRONIKL 28:19

U Syiem Dabid u ong, “Ïa kane baroh la kynthup ha ka dur pynkhreh kaba la thoh kat kum ki jingbthah kiba U Trai da lade hi u la ai ha nga ban pyntrei.”

EKSODOS 25:40

Da kitkhia ba men thaw ïa ki kat kum ka dur ba nga la pyn-i ha me ha une u lum.

EKSODOS 25:9

Shna ïa ka bad ïa ki jingbuh jingsat jong ka baroh kat kum ka dur kaba ngan pyn-i ha me.

EKSODOS 26:29

Suit ksiar ïa kita ki jingker, bad pyndait ha ki ïa ki kyrwoh ksiar ban bat ïa ki diengkhap. Suit ksiar ruh ïa kita ki diengkhap.

EKSODOS 27:8

Thaw ïa kata ka duwan da ki lyntang, bad pynlong thliew ïa ka kat kum ka dur ba nga la pyn-i ïa me ha u lum.

EKSODOS 40:2

“Ha ka sngi kaba nyngkong jong u bnai uba nyngkong pynïeng ïa ka Ïingjaiñ ka Jingdon Ryngkat U Trai.

JINGKHEIÑ 10:21

Nangta, ki Lebi kiba na ka jait Kohath kin mihnoh, ki da rah ïa ki tiar ki tar kiba kyntang. Katba kin da poi ha kawei pat ka jaka shong dara, la dep pynïeng biang ïa ka Ïingjaiñ.

JINGKHEIÑ 8:4

Naduh khlieh haduh trai jong u diengpynïeng sharak la thaw da ka ksiar ba la shoh tyrnem, kat kum ka dur ba U Trai u la pyn-i ha u Moses.

KI KAM 7:44

“Ki kpa tymmen jong ngi ki la don bad ki ïa ka Ïingjaiñ ka Jingdon Ryngkat U Blei, ha ka ri shyiap. La thaw ïa ka kat kumba U Blei u la ong ha u Moses ban thaw ïa ka, kat kum ka dur ïa kaba la pyn-i ha u Moses.

HEBRU 8:2

U shakri kum U Rangbah Lyngdoh ha ka Jaka kaba Kyntang Tam, kata ka long, ha ka ïingjaiñ kaba shisha ïa kaba U Trai u la pynïeng, ym da u briew.

HEBRU 8:5

Ka kam kaba ki leh kum ki lyngdoh ka long shisha tang kum ka dur bad ka syrngiew ïa kaei kaba don ha bneng. Ka la long kajuh kumba ka la long bad u Moses. Haba u la dei ban thaw ïa kata ka Ïingjaiñ ka Jutang, U Blei u la ong ha u, “Pynthikna ban thaw ïa kiei kiei baroh kat kum kata ka nongmuna ïa kaba la pyn-i ha me halor uta u lum.”

HEBRU 9:23

Kito kiei kiei, ïa kiba la shim nuksa na kita kiba la sdang ha bneng, la dei ban pynkhuid ha kata ka rukom. Hynrei kita kiba kynja bneng hi ki donkam ïa ki jingkñia kiba kham bha shuh shuh.

JOSHUA 18:1

Hadien ba ki la jop ïa ka ri, ka kynhun Israel baroh kawei ka la ïalumlang ha Shiloh bad pynïeng ïa ka Ïingjaiñ Ka Jingdon Ryngkat U Trai.