EKSODOS 26:1 - Khasi CL Bible (BSI)

¹ “Thaw ïa kaba shapoh jong ka Ïingjaiñ bakyntang, ka Ïingjaiñ jong ka Jingdon Ryngkat jong nga na ki shiphew tylli ki lyngkhot jaiñ kiba da ka linen kaba ni, ba la thain da u 'saiwul uba jngum, uba sawbthuh, bad uba rong saw. Suh pynpur itynnat ha ki ïa ka dur ki kherub.

KA BAIBL

¹ “Ïa Ka Tabernakl ruh men thaw da ki shiphew ki jingkah; da ki jaiñ linen bani ba la jyrthiaw, bad ka babyrïong, bad basaw bthuh, bad basaw syng-iang, men thaw ïa ki, kiba don Kherub da ka jingtrei stad.

EKSODOS 26:1 ပူးပေါင်းရင်းမြစ်များ

2 SAMUEL 7:2

Nangta u syiem u ong ha u Nathan, u nongïathuhlypa, “Nga shong hangne ha ka ïing ba la tei da ki dieng Kedar, hynrei ïa ka Synduk ka Jutang U Blei pat la buh ha ka ïingjaiñ!”

1 SYIEM 6:29

Ïa ki kynroh jong ki kamra kiba ha khmat bad ïa ki kamra kiba hapoh la oh-shrong itynnat da ki dur kherub, ki dieng Tlai, bad ki syntiew.

1 KHRONIKL 17:1

U syiem Dabid mynta u shong ha ka ïingsyiem jong u. Ha kawei ka sngi u phah khot ïa u Nathan u nongïathuhlypa bad ong ha u, “Hangne nga shong ha ka ïing ba la thaw da ki dieng Kedar, hynrei ïa ka Synduk ka Jutang U Trai la buh ha ka ïingjaiñ!”

1 KHRONIKL 21:29

Ka Ïingjaiñ Ka Jingdon Ryngkat jong U Trai kaba u Moses u la thaw ha ka ri khlaw, bad ka duwan ha kaba la thang ïa ki jingkñia ka dang don ha ka jaka mane ha Gibeon ha kane ka por;

EKSODOS 25:18

Thaw ar tylli ki kherub da ka ksiar kaba la shoh tylli,

EKSODOS 25:4

ka linen kaba ni; u 'saiwul uba jngum, uba sawbthuh, bad uba rong saw; ka jaiñ ba la suh da u shñiuh blang;

EKSODOS 25:8

Ki dei ruh ban shna ka Ïingjaiñ kaba kyntang na ka bynta jong nga, khnang ba ngan ïoh shong hapdeng jong ki.

EKSODOS 26:2

Kawei kawei ka lyngkhot jaiñ kan long khat-ar mitar ka lynter bad ar mitar ka kynïan. Baroh kita ki lyngkhot jaiñ ki dei ban long katjuh ka jingheh.

EKSODOS 26:31

“Thaw ïa ka pyrda da ka linen kaba ni, ba la thain da u 'saiwul uba jngum, uba sawbthuh, bad uba rong saw. Suh pynpur itynnat ha ka da ka dur ki kherub.

EKSODOS 26:36

“Ha ka jaka rung jong ka Ïingjaiñ, thaw ïa ka pyrda kaba da ka linen kaba ni, ba la thain da u 'saiwul uba jngum, uba sawbthuh, bad uba rong saw, bad ba la suh pynpur itynnat bha.

EKSODOS 31:7

ïa ka Ïingjaiñ ka Jingdon Ryngkat jong nga, ïa ka Synduk ka Jutang bad ïa ka jingtap jong ka, ïa ki jingpynriam baroh jong ka Ïingjaiñ,

EKSODOS 35:11

ïa ka Ïingjaiñ, ka jingsop jong ka bad ka jingsop kaba shabar jong ka, ïa ki bnoh bad ïa ki jingker jong ka; ïa ki diengkhap, ki rishot, bad ki thliew tnaw jong ka;

EKSODOS 35:35

U la ai ha ki ïa ka jingtbit ban trei ïa ki jait kam baroh ba la ju trei da ki nong-ohdur, ki nongthawdur, bad ki nongsuh nongthain ïa ka linen kaba ni; ïa u 'saiwul uba jngum, uba sawbthuh, bad uba rong saw; bad ïa kiwei pat ki jait jaiñ. Ki nang ban trei ïa ki jait kam baroh, bad ki long ruh ki nongpruid dur kiba tbit.

EKSODOS 35:6

ka jaiñ linen kaba ni, u 'saiwul uba jngum, uba sawbthuh, bad uba rong saw; ka jaiñ ba la thain da u shñiuh blang;

EKSODOS 36:35

Ki shna ïa ka pyrda da ka linen kaba ni, ba la thain da u 'saiwul uba jngum, uba sawbthuh, bad uba rong saw, bad la suh pynpur itynnat bha ha ka da ki dur ki Kherub.

EKSODOS 39:3

Ki shoh stang kum ki jingsiang ïa ka ksiar bad ki ot ïa ka ksiar kum ki ksai ïa ka ban suh ha kata ka jaiñ linen kaba ni, bad ha u 'saiwul uba jngum, uba sawbthuh, bad uba rong saw.

EKSODOS 40:2

“Ha ka sngi kaba nyngkong jong u bnai uba nyngkong pynïeng ïa ka Ïingjaiñ ka Jingdon Ryngkat U Trai.

JINGKHEIÑ 3:25

Kine kin kitkhlieh ïa ka Ïingjaiñ, ïa ka jingsop kaba shapoh bad kaba shalor jong ka, ïa ka pyrda jong ka jingkhang,

JINGKHEIÑ 4:25

Ka Ïingjaiñ, ka jingsop bashapoh bad shabar jong ka, ka jingsop snieh babha halor jong ka, ka pyrda jong ka jingkhang,

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

ÏOANNIS 2:21

Hynrei ka Templ kaba U Jisu u kren ka long shaphang ka met jong u.

HEBRU 8:2

U shakri kum U Rangbah Lyngdoh ha ka Jaka kaba Kyntang Tam, kata ka long, ha ka ïingjaiñ kaba shisha ïa kaba U Trai u la pynïeng, ym da u briew.

HEBRU 9:2

Ïa ka Ïingjaiñ la pynïeng, ka bynta kaba ha khmat, ïa kaba la khot ka Jaka Bakyntang. Ha ka la buh ïa u diengpynïeng sharak bad ka miej lem bad u kpu ïa uba la ainguh sha U Blei.

HEBRU 9:9

Kane ka long ka dur kaba kdew sha ka por kaba mynta. Ka mut ba ka jingainguh bad ki jingkñia da ki mrad ïa kiba la ai sha U Blei kim lah satia ban pynjanai ïa ka dohnud jong uta uba mane,

JINGPYNPAW 19:8

La ai ha ka ïa ka jaiñ linen baphyrnai kaba khuid ban phong.” (Ka jaiñ linen ka long ki kam babha jong ki briew jong U Blei.)

JINGPYNPAW 21:3

Nga la ïohsngew ïa ka sur kaba jam kaba kren na ka khet: “Mynta ka ïing jong U Blei ka long bad u bynriew! Un shong bad ki, bad kin long ki briew jong u. U Blei da lade hi un long bad ki, bad un long U Blei jong ki.