EKSODOS 25:8 - Khasi CL Bible (BSI)

⁸ Ki dei ruh ban shna ka Ïingjaiñ kaba kyntang na ka bynta jong nga, khnang ba ngan ïoh shong hapdeng jong ki.

KA BAIBL

⁸ Bad to kin thaw ïa ka jaka kyntang ïa nga; khnang ba ngan ïoh shongneh hapdeng jong phi.

EKSODOS 25:8 ပူးပေါင်းရင်းမြစ်များ

1 SYIEM 6:13

Ngan shong hapdeng ki Israel ki briew jong nga, ha kane ka Templ kaba me dang tei bad ngan ym iehnoh ïa ki.”

1 KHRONIKL 22:19

Mynta, shakri ïa U Trai U Blei jong phi ïa ka dohnud bad ka mynsiem jong phi baroh. Sdang noh ban tei ïa ka Templ, khnang ba phi lah ban buh ha ka ïa ka Synduk ka Jutang U Trai bad ïa baroh kiwei pat ki tiar bakyntang ba ju pyndonkam ha kaba mane ïa u.”

EKSODOS 15:17

Me wan ïalam ïa ki shapoh bad me buh ïa ki ha u lumbah jong me, ha ka jaka kaba me, ko Trai, me la jied na ka bynta ka ïing jong me, ka Templ kaba me hi me la tei.

EKSODOS 15:2

U Trai u long u nongïada uba khlaiñ jong nga; u long ma u, uba la pyllait im ïa nga. U dei U Blei jong nga, bad ngan ïaroh ïa u, U Blei jong u kpa jong nga, bad ngan rwai shaphang ka jingkhraw jong u.

EKSODOS 29:45

Te ngan shongduh hapdeng ki Israel bad ngan long U Blei jong ki.

EKSODOS 29:46

Kin sa tip ruh ba nga long U Trai U Blei jong ki, uba la ïalam noh ïa ki na ka ri Ijipt khnang ba ngan ïoh shongduh hapdeng jong ki. Nga long U Trai U Blei jong ki.

ISAÏAH 12:6

Ai ba uwei pa uwei uba shong basah ha Seïon un pyrta bad un rwai! U Blei bakhuid jong ka Israel u long uba khraw, bad u shong hapdeng ki briew jong u.”

ESEKIEL 37:26

Ngan pynlong ka jutang bad ki ka ban pynneh ïa ka jingsngewskhem jong ki junom. Ngan tei skhem ïa ki bad ngan pynroi ïa ka jingbun briew jong ki, bad ngan buh ïa ka Templ jong nga ha ka ri jong ki, ha kaba kan neh junom.

ESEKIEL 37:28

Haba nga pynïeng ïa ka Templ jong nga hangta ba kan don hapdeng jong ki junom, te ki jaitbynriew kin sa tip ba ma nga, U Trai, nga la jied ïa ki Israel ba kin long ki briew ki jong nga hi.”

ESEKIEL 43:7

Ko khun u briew, hangne ka dei ka khet jong nga. Ngan shong hangne hapdeng ki paid Israel bad synshar halor jong ki junom. Ki paid Israel lymne ki syiem jong ki, kin ym pynjahburom shuh ïa kyrteng bakhuid jong nga da kaba mane ïa kiwei pat ki blei lane da kaba tep ïa ki metïap jong ki syiem jong ki ha kane ka jaka.

LEBITIKOS 10:4

U Moses u khot ïa u Mishael bad ïa u Elsaphan, ki khun jong u Ussiel, u kñi jong u Aaron, bad u la ong ha ki, “Ale shane bad ïarah noh ïa kine ki met jong ki parakha jong phi na ka Ïingjaiñ bakyntang bad buh ïa ki shabar ka jaka shong dara.”

LEBITIKOS 21:12

Um dei ruh ban pyntngit ïa ka jaka kyntang da kaba mih shabar jong ka; naba la pynkyntang ïa u sha nga da kaba pynsleh umphniang. Nga long U Trai.

LEBITIKOS 26:11

Ngan shong hapdeng jong phi ha ka ïingjaiñ bakyntang jong nga, bad ngan ym phai noh na phi da lei lei.

LEBITIKOS 4:6

Un wieh ïa la ka shynriah'ti ha kata ka snam bad synreit ïa ka hynñiew sien ha khmat ka jingkah jong ka Jaka Kyntang.

SEKHARAÏAH 2:10

U Trai u la ong, “To rwai da ka jingkmen, ko ki paid ka Jerusalem! Nga wan ban shong ban sah hapdeng jong phi!”

SEKHARAÏAH 8:3

Ngan wan phai pat sha Jerusalem, ka nongbah bakhuid jong nga, bad ban shong ban sah hangta. Ïa ka yn tip kum ka nongbah baïaineh, bad ïa u lum jong U Trai Badonbor Baroh yn khot u lum bakyntang.

JINGKHEIÑ 5:3

Phah noh shabar ïa baroh kine ki briew bymkhuid kat kum ka jinglehniam, ba kumta kin ym pyntngit ïa ka jaka shong dara, ha kaba nga shong bad ki briew jong nga.”

KI KAM 7:44

“Ki kpa tymmen jong ngi ki la don bad ki ïa ka Ïingjaiñ ka Jingdon Ryngkat U Blei, ha ka ri shyiap. La thaw ïa ka kat kumba U Blei u la ong ha u Moses ban thaw ïa ka, kat kum ka dur ïa kaba la pyn-i ha u Moses.

2 KORINTH 6:16

Kumno ka templ jong U Blei kan don jingïateh bad ki bleithaw? Naba ngi long ka templ jong U Blei uba im! Kumba U Blei da lade hi u la ong, “Ngan pynlong ïa ka ïing jong nga bad ki briew jong nga bad ngan shong hapdeng jong ki; ngan long U Blei jong ki, bad kin long ki briew jong nga.”

DEUTERONOMI 12:11

U Trai un jied tang kawei ka jaka ha kaba yn mane ïa u, bad hangta phi dei ban wanrah sha u ïa kata baroh kaba nga la hukum: ïa ki jingainguh thang bad ki jingkñia jong phi, ïa kawei na ka shiphew bad ki jingainguh jong phi, bad ïa kita ki jingai sngewbha ba phi la kular sha U Trai.

HEBRU 3:6

Hynrei, U Khrist u long uba lah ban shaniah kum U Khun uba dei peit ïa ka ïing U Blei. Ngi long ka ïing jong u lada ngi ïaineh ha ka jingshlur bad ngi long skhem ha kaei kaba ngi kyrmen.

JOSHUA 22:31

U Phinehas, u khun jong u Eleasar u lyngdoh, u ong ha ki, “Mynta ngi tip ba U Trai u don bad ngi. Phim shym la ïaleh pyrshah ïa u, bad kumta phi la pynim ïa ki paid Israel na ka jingpynshitom jong U Trai.”

JINGPYNPAW 21:3

Nga la ïohsngew ïa ka sur kaba jam kaba kren na ka khet: “Mynta ka ïing jong U Blei ka long bad u bynriew! Un shong bad ki, bad kin long ki briew jong u. U Blei da lade hi un long bad ki, bad un long U Blei jong ki.