EKSODOS 25:22 - Khasi CL Bible (BSI)

²² Ngan sa ïakynduh ïa me hangta, bad najrong jong ka jingtap kaba hapdeng kita ki kherub ar tylli, ngan ai ha me ïa ki hukum jong nga baroh na ka bynta ki Israel.

KA BAIBL

²² Te hangta ngan ïashem bad me, bad nalor kata ka jingtap-isynei, napdeng kita ki ar tylli ki Kherub kiba halor kata ka synduk ka jingphla, ngan ïathuh ha me ïa kiei kiei baroh ïa kiba ngan hukum ïa ki khun Israel.

EKSODOS 25:22 ပူးပေါင်းရင်းမြစ်များ

JENESIS 18:33

Hadien ba u la dep ïakren bad u Abraham, U Trai u la leit noh, bad u Abraham u leit phai sha la ïing.

2 SAMUEL 6:2

bad u ïalam ïa ki sha Baal ha Judah khnang ban wallam nangta ïa ka Synduk ka Jutang U Blei, kaba don ïa ka kyrteng U Trai Badonbor Baroh, uba ka khet jong u ka long halor ki Kherub.

2 SYIEM 19:15

bad u duwai, “A Trai, U Blei jong ki Israel, uba don ha ka khet halor ki Kherub, me hi me long U Blei, uba synshar halor ki hima baroh jong ka pyrthei. me la thaw ïa ka pyrthei bad ïa ka suiñbneng.

1 KHRONIKL 13:6

U Dabid bad ki paidbah ki leit sha ka nongbah Baalah, kata ka dei ka Kiriath Jearim, ha ka ri Judah, ban wallam ïa ka Synduk ka Jutang U Blei, kaba don ka kyrteng jong U Trai uba shong halor ki Kherub.

SALM 80:1

To shahshkor ïa ngi, ko Nongap langbrot ka Israel; to sngew ïa ngi, ko nongïalam jong ka kynhun langbrot jong me. Me uba la shong halor ka khet halor jong ki kherub,

SALM 80:2

to pynpaw ïa lade ha ki jait Ephraim, Benjamin, bad Manasseh. To pyn-i ha ngi ïa ka jingkhlaiñ jong me; A to wan bad pynim ïa ngi!

SALM 90:1

A Trai, me la ju long ka jaka shong jong ngi.

SALM 99:1

U Trai u long u syiem, bad ki briew kin khynñiuh. U shong ha ka khet halor ki kherub, bad ka pyrthei kan khynñiuh.

EKSODOS 20:24

Tei ïa nga kawei ka duwan da ka khyndew, bad kñia ïa ki langbrot bad ki masi jong phi halor jong ka kum ki jingainguh thang bad ki jingainguh ïasyllok. Ha man la ka jaka ba nga pynkyrpang ba phin mane ïa nga, ngan wan bad kyrkhu ïa phi.

EKSODOS 27:21

U Aaron bad ki khun shynrang jong u ki dei ban pynïeng ïa ka sharak hapoh ka Ïingjaiñ ka Jingdon Ryngkat jong nga shabar jong ka pyrda kaba don ha khmat jong ka Synduk ka Jutang. Hangta ha ka jingdon ryngkat jong nga dei ban pynmeh ïa ka naduh janmiet haduh mynstep. Ïa kane ka hukum dei ban sumar junom da ki Israel bad ki khun ki ksiew jong ki.

EKSODOS 30:36

Tylliat khyndiat ïa ka haduh ba kan da lwet ni bha, rah ïa ka shapoh ka Ïingjaiñ ka Jingdon Ryngkat jong nga bad ber ïa ka ha khmat ka Synduk ka Jutang. Kheiñ ïa kane ka jingiwbih kum kaba da kyntang janai.

EKSODOS 30:6

Buh ïa kane ka duwan shabar ka pyrda kaba la wah ha khmat jong ka Synduk Ka Jutang. Kata ka dei ka jaka ha kaba ngan ïashem bad me.

EKSODOS 31:18

Haba U Blei u la dep kren ha u Moses ha u Lum Sinai, u ai ha u ïa ki ar tylli ki mawlyngkniap ha kiba U Blei da lade hi u la thoh ïa ki hukum.

EKSODOS 31:6

Nga la jied ruh ïa u Oholiab u khun jong u Ahisamakh, na ka jait Dan, ban ïatrei lem bad u. Nga la ai ruh ïa ka jinglah kaba bakhraw ha kiwei pat ki misteri kiba tbit, khnang ba ki lah ban shna ïa kiei kiei baroh kiba nga la hukum ba dei ban shna:

ISAÏAH 37:16

“A Trai Badonbor Baroh, U Blei jong ki Israel, uba shong ha ka khet shajrong ki kherub, me marwei me long U Blei, uba synshar ïa baroh ki hima jong ka pyrthei. Me thaw ïa ka pyrthei bad ka sahit bneng.

ESEKIEL 43:6

Uta u briew u ïeng ha syndah jong nga hangta, bad nga la ïohsngew ïa U Trai ba u kren ha nga shabar ka Templ bad ong:

LEBITIKOS 1:1

U Trai u khot ïa u Moses na ka Ïingjaiñ ka Jingdon Ryngkat U Trai bad u ai ha u ïa kine ki aiñ harum,

LEBITIKOS 16:2

U ong, “Ïathuh ha u hynmen jong me u Aaron ba dei tang ha ka por kaba dei ba un leit shadien ka jingkah jong ka jaka kaba khuid tam, namar ba dei hangta ba nga mihpaw ha u lyoh halor ka jingtap ka Synduk ka Jutang. Lada um kohnguh, un shah pynïap.

JINGKHEIÑ 17:4

Nangta rah ïa ki shapoh ka Ïingjaiñ ka Jingdon Ryngkat jong nga bad buh ïa ki ha khmat ka Synduk ka Jutang, ha kaba nga ïashem bad me.

JINGKHEIÑ 7:89

Haba u Moses u leit rung shapoh ka Ïingjaiñ ban ïakren bad U Trai, u la ïohsngew ba U Trai u kren ïa u najrong ka jingtap ha ka Synduk ka Jutang, napdeng ki ar tylli ki kherub.

NONGBISHAR 20:27

Ka Synduk ka Jutang U Blei ka don hangta ha Bethel ha kito ki sngi, bad u Phinehas, u khun jong u Eleasar bad u khun ksiew jong u Aaron, u khmih ïa ka, ki briew ki kylli ïa U Trai, “Hato ngin leit ïaleh pyrshah biang ïa ki Benjamin, ki para jait jong ngi, ne ngin keiñ noh?” U Trai u jubab, “Ïaleh pyrshah ïa ki. Lashai ka sngi ngan ai ïa ka jingjop ha phi.”

1 SAMUEL 4:4

Kumta ki phah nonglamktien sha Shiloh bad ki wanrah ïa ka Synduk ka Jutang U Trai Badonbor Baroh, uba shongkhet halor ki Kherub. Bad ki ar ngut ki khun shynrang u Eli, u Hophni bad u Phinehas, ki wan ryngkat hangta bad ka Synduk ka Jutang.