EKSODOS 25:16 - Khasi CL Bible (BSI)

¹⁶ Nangta thep hapoh ka synduk ïa ki ar tylli ki mawlyngkniap kiba ngan ai ha me, ha kiba la thoh ïa ki hukum jong nga.

KA BAIBL

¹⁶ Bad men thep ha kata ka synduk ïa ka jingphla ïa kaba ngan sa ai ha me.

EKSODOS 25:16 ပူးပေါင်းရင်းမြစ်များ

1 SYIEM 8:9

Ym don ei ei ruh hapoh ka Synduk ka Jutang lait tang ki ar tylli ki mawlyngkniap ïa kiba u Moses u la buh hangta ha u Lum Sinai, mynba U Trai u pynlong ka jutang bad ki paid Israel katba ki dang wan mihnoh na ri Ijipt.

2 SYIEM 11:12

Nangta u Jehoïada u ïalam ïa u Joash shabar, u buh ïa ka pansngiat ha ka khlieh jong u, bad u ai ha u ïa ka kopi jong ki aiñ ba pynïaid ïa ka jinglong syiem. Nangta ïa u Joash la pynsleh syiem bad la pynbna kum u syiem. Ki paidbah ki thab ïa la ki kti bad ki ïarisa, “Im slem ko syiem!”

2 KHRONIKL 23:11

Nangta u Jehoïada u ïalam shabar ïa u Joash, u buh ïa ka pansngiat halor ka khlieh jong u, bad u ai ha u ïa ka kopi jong ki aiñ kiba ïadei bad ka jingsynshar. U Jehoïada u lyngdoh bad ki khun shynrang jong u ki pynsleh ïa u Joash, bad uwei pa uwei u pyrta: “To un im slem u syiem.”

EKSODOS 16:34

Kumba U Trai u la hukum ïa u Moses, u Aaron u buh ïa uta u khiew ha khmat ka Synduk ka Jutang ba yn ïoh sumar ïa u.

EKSODOS 25:21

Buh ïa ki mawlyngkniap hapoh ka synduk, bad ïa ka jingtap halor jong ka.

EKSODOS 26:33

Wah ïa kata ka pyrda na ki jingpyndait kiba don hapoh tnum Ïingjaiñ, bad ïa ka Synduk ka Jutang kaba don ar tylli ki mawlyngkniap buh ïa ka sha lyndet ka pyrda. Kata ka pyrda kan pynïakhlad ïa ka Jaka Kyntang na ka Jaka Kaba Kyntang Tam.

EKSODOS 27:21

U Aaron bad ki khun shynrang jong u ki dei ban pynïeng ïa ka sharak hapoh ka Ïingjaiñ ka Jingdon Ryngkat jong nga shabar jong ka pyrda kaba don ha khmat jong ka Synduk ka Jutang. Hangta ha ka jingdon ryngkat jong nga dei ban pynmeh ïa ka naduh janmiet haduh mynstep. Ïa kane ka hukum dei ban sumar junom da ki Israel bad ki khun ki ksiew jong ki.

EKSODOS 30:36

Tylliat khyndiat ïa ka haduh ba kan da lwet ni bha, rah ïa ka shapoh ka Ïingjaiñ ka Jingdon Ryngkat jong nga bad ber ïa ka ha khmat ka Synduk ka Jutang. Kheiñ ïa kane ka jingiwbih kum kaba da kyntang janai.

EKSODOS 30:6

Buh ïa kane ka duwan shabar ka pyrda kaba la wah ha khmat jong ka Synduk Ka Jutang. Kata ka dei ka jaka ha kaba ngan ïashem bad me.

EKSODOS 31:18

Haba U Blei u la dep kren ha u Moses ha u Lum Sinai, u ai ha u ïa ki ar tylli ki mawlyngkniap ha kiba U Blei da lade hi u la thoh ïa ki hukum.

EKSODOS 32:15

U Moses u la leit hiar na uta u lum, u da rah ïa kita ki ar tylli ki mawlyngkniap ha kiba la thoh ïa ki hukum ha baroh arliang.

EKSODOS 34:29

Mynba u Moses u wan hiar na u Lum Sinai, u da rah ïa kita ki ar tylli ki mawlyngkniap ha kiba la thoh ïa ki Shiphew Hukum, ka khmat jong u ka tyngshaiñ namar ba u la ïakren bad U Trai; hynrei um tip satia ïa kata.

EKSODOS 38:21

Kane ka long ka jingbuh jingkheiñ ïa ki mar kiba la pyndonkam na ka bynta ka Ïingjaiñ ka Jingdon ryngkat U Trai ha kaba la buh ïa ki ar tylli ki mawlyngkniap ba la thoh ïa ki Shiphew Hukum. U Moses u hukum ban ai ïa kane ka jingkheiñ, bad la pynkhreh ïa ka da ki Lebi ha ka jingïalam u Ithamar, u khun jong u Aaron u lyngdoh.

EKSODOS 40:20

Nangta u shim ïa kita ki mawlyngkniap ar tylli bad u buh ïa ki hapoh ka Synduk ka Jutang. U bsuh ïa ki dieng jingbah ha ki kyrwoh jong kata ka synduk bad u buh ïa ka jingtap halor jong ka.

JINGKHEIÑ 17:4

Nangta rah ïa ki shapoh ka Ïingjaiñ ka Jingdon Ryngkat jong nga bad buh ïa ki ha khmat ka Synduk ka Jutang, ha kaba nga ïashem bad me.

KI KAM 7:44

“Ki kpa tymmen jong ngi ki la don bad ki ïa ka Ïingjaiñ ka Jingdon Ryngkat U Blei, ha ka ri shyiap. La thaw ïa ka kat kumba U Blei u la ong ha u Moses ban thaw ïa ka, kat kum ka dur ïa kaba la pyn-i ha u Moses.

Ka Shithi U Paul Sha Ki Nong Rom 3:2

Ha ka jingshisha, don shibun, ha kiba bun ki liang! Ha kaba nyngkong, U Blei u la aiti ïa ka khubor jong u ha ki Jiw.

DEUTERONOMI 31:26

“Shim ïa kane ka kitab ka Aiñ U Blei bad buh ïa ka ha syndah ka Synduk ka Jutang U Trai U Blei jong phi, ba kan don hangta kum ka sakhi pyrshah ïa ki briew jong u.

HEBRU 9:4

Ha ka la buh ïa ka duwan ksiar na ka bynta ban thang ïa ki jingiwbih bad ïa ka Synduk ka Jutang ïa kaba la sop ksiar bad la don u khiew ksiar lem bad ka manna ha u, u diengduh jong u Aaron uba la mih sla, bad ki ar tylli ki mawlyngkniap ha kiba la thoh ïa ki hukum.

JOSHUA 4:16

ban hukum ïa ki lyngdoh kiba bah ïa ka Synduk ka Jutang ban wan kiew noh na ka Jordan.