EKSODOS 24:8 - Khasi CL Bible (BSI)

⁸ Kumta u Moses u shim ïa kata ka snam na ki dabor bad u synreit ïa ka ha uta u paidbah. U ong, “Kane ka long ka snam kaba pynskhem ïa ka jutang kaba U Trai u la pynlong bad phi, mynba u ai ïa kine ki hukum baroh.”

KA BAIBL

⁸ Bad u Moses u la shim ïa kata ka snam, bad u la synreit ïa ka halor uta u paidbah, bad u la ong, “Ha khmih, ka snam jong kata ka jutang ïa kaba U Trai u la pynlong bad phi shaphang kine ki ktien baroh.”

EKSODOS 24:8 ပူးပေါင်းရင်းမြစ်များ

1 SYIEM 8:21

Nga la pynkhreh ruh ka jaka ha ka Templ ïa ka Synduk ka Jutang ha kaba don ki mawlyngkniap jong ka jutang ha kaba U Trai u la pynlong bad ki kpa tymmen jong ngi mynba u wan ïalam ïa ki na ka ri Ijipt.”

1 SYIEM 8:9

Ym don ei ei ruh hapoh ka Synduk ka Jutang lait tang ki ar tylli ki mawlyngkniap ïa kiba u Moses u la buh hangta ha u Lum Sinai, mynba U Trai u pynlong ka jutang bad ki paid Israel katba ki dang wan mihnoh na ri Ijipt.

SALM 78:36

Hynrei ki kyntien jong ki, ki long baroh kiba lamler; ym don kano kano kaba ki kren kaba long kaba sngur.

EKSODOS 24:6

U Moses u shim shiteng na ka snam jong kita ki mrad bad u buh ïa ka ha ki dabor, bad shiteng pat na kata ka snam u synreit ha kata ka duwan.

ISAÏAH 52:15

Hynrei mynta bun ki hima kin sngewphylla ïa u, bad ki syiem kin ym lait kren namar ka jingsngew lyngngoh. Kin ïohi bad kin sngewthuh katto katne kaba kim pat ju tip mynno mynno.”

JEREMAÏAH 31:32

Kan ym long kum ka jutang barim kaba nga la pynlong bad ki kpa tymmen jong ki mynba nga la shim ïa ki da la ka kti bad ïalam ïa ki na ka ri Ijipt. Wat la nga la long kum u tnga ïa ki, kim shym la bat ïa kata ka jutang.

ESEKIEL 16:8

“Katba nga dang ïaid lyngba biang, nga la ïohi ba ka por ka la poi ïa pha ban shoh jingieit. Nga la tap ïa ka jinglyngkhuit jong pha da ka jaiñ jynsur jong nga bad nga la kular ban ieit ïa pha. Ho-oid nga la pynlong ka jutang shongkurim bad pha, bad pha long ka jong nga.” Kane ka dei kaei kaba U Trai Nongsynshar u ong.

ESEKIEL 36:25

Ngan synreit ïa phi da ka um khuid, bad ngan pynkhuid ïa phi na ki bleithaw jong phi bad na baroh kiei kiei kiba la pyntngit ïa phi.

LEBITIKOS 8:30

U Moses u shim ïa ka umphniang pynsleh bad khyndiat ka snam kaba don ha ka duwan bad u synreit ïa ki ha u Aaron bad ha ki khun shynrang jong u bad ha ki jaiñkup jong ki. Ha kane ka rukom u pynkyntang ïa ki bad ïa ki jaiñ jong ki sha U Trai.

HAGGAI 2:5

Mynba phi la mihnoh na ri Ijipt, nga la kular ba ngan long lem bad phi borabor. Nga dang long lem bad phi, kumta wat sheptieng.

SEKHARAÏAH 9:11

U Trai u ong, “Namar ka jutang jong nga bad phi kaba la shonshab da ka snam jong ki jingkñia, ngan pyllaitluid ïa ki briew jong phi — kaba laitluid na ki thliew bym don um jong ka jingshah ringmraw.

MATHAÏOS 26:28

“kane ka long ka snam jong nga, kaba pynskhem ïa ka jutang jong U Blei, ka snam jong nga ïa kaba la theh noh na ka bynta kiba bun ïa ka ban map ïa ki pop.

MARKOS 14:24

U Jisu u la ong, “Kane ka long ka snam jong nga ïa kaba la pynmih na ka bynta kiba bun, ka snam jong nga kaba pynskhem ïa ka jutang U Blei.

LOUKAS 22:20

Ha kajuh ka rukom, u la ai ha ki ïa ka khuri hadien ka jingbam miet, da kaba ong, “Kane ka khuri ka long ka jutang bathymmai jong U Blei ïa kaba la pynskhem da ka snam jong nga, ïa kaba la pynmih noh na ka bynta jong phi.

1 KORINTH 11:25

Kumjuh ruh, hadien kaba bam ïa ka jingbam miet u la shim ïa ka khuri bad u la ong, “Kane ka khuri ka long ka jutang kaba thymmai jong U Blei, la pynskhem da ka snam jong nga. Man ba phi dih ïa ka, to leh kumta ban kynmaw ïa nga.”

EPHESOS 1:7

Naba da ka jingïap ba la kñia jong U Khrist la pyllaitluid ïa ngi, kata ka long, ïa ki pop jong ngi la map ei.

DEUTERONOMI 5:2

Ha u Lum Sinai, U Trai U Blei jong ngi u la pynlong ka jutang,

HEBRU 10:29

Te, kaei kan long ïa u briew uba ñiewbeiñ ïa U Khun U Blei? uba ñiew dew thala ïa ka snam jong ka jutang U Blei kaba pynkhuid ïa u na ka pop? uba ñiewbeiñ ïa U Mynsiem ka jingaiei? To pyrkhat haduh katno kan long ka jingpynshitom kaba kham shyrkhei kaba u dei ban ïoh!

HEBRU 13:20

U Blei uba la pynmihpat na ka jingïap ïa U Jisu uba U Trai jong ngi, uba long u Nongaplangbrot uba khraw jong ki langbrot da kata ka jingïap ha kaba la kñia ïa u, da kaba la pynskhem ïa ka jutang bymjukut. To ai ba U Blei ka jingsuk un pyndap ïa phi da kaei kaei kaba bha baroh kaba phi donkam khnang ban leh ïa ka mon jong u, bad ai ba ma u, da U Jisu Khrist, un leh ha ngi ïa kaei kaei kaba pynsngewbha ïa u. Bad ha U Khrist to long ka burom junom la junom, Amen.

JOSHUA 24:25

Kumta u Joshua u pynlong ka jutang na ka bynta u paidbah ha kata ka sngi, bad hangta ha Shekhem u la ai ha ki ïa ki aiñ bad ki jingbuhbeit ryntih ba kin bud.

1 PETROS 1:2

Ïa phi la jied kat kum ka jingthmu U Blei uba U Kpa bad la pynlong ïa phi ki briew kiba khuid da U Mynsiem jong u, ban kohnguh ïa U Jisu Khrist bad ban ïoh pynkhuid da ka snam jong u. To ai ba ka jingaiei bad ka jingsuk kin long kiba dap pura ïa phi.