EKSODOS 24:7 - Khasi CL Bible (BSI)

⁷ Nangta pat u shim ïa ka kitab ka jutang ha kaba la thoh ïa ki hukum U Trai bad u pule jam ïa ka ha uta u paidbah; ki ruh ki ïa-ong, “Ïa kita baroh kiba U Trai u la hukum, ngin leh, bad ngin kohnguh.”

KA BAIBL

⁷ Haba u la shim te ïa ka kitab ka jutang, u la pule ha kaba ïohsngew uta u paidbah; ki te ki la ong, “Ïa kata baroh kaba U Trai u la kren, ngin leh, bad ngin kohnguh.”

EKSODOS 24:7 ပူးပေါင်းရင်းမြစ်များ

1 SYIEM 8:9

Ym don ei ei ruh hapoh ka Synduk ka Jutang lait tang ki ar tylli ki mawlyngkniap ïa kiba u Moses u la buh hangta ha u Lum Sinai, mynba U Trai u pynlong ka jutang bad ki paid Israel katba ki dang wan mihnoh na ri Ijipt.

2 KHRONIKL 15:14

Ha ka sur kaba jam ki shim ïa ka jingsmai ha ka kyrteng U Trai ba kin bat ïa ka jutang, bad nangta ki pyrta bad ki put ïa ki turoi.

SALM 50:5

U ong, “To ïalumlang ha nga ïa ki briew baïaineh jong nga, kito kiba la pynlong ïa ka jutang bad nga da kaba ainguh da ka jingkñia.”

SALM 78:36

Hynrei ki kyntien jong ki, ki long baroh kiba lamler; ym don kano kano kaba ki kren kaba long kaba sngur.

EKSODOS 19:8

Nangta u paidbah baroh u la jubab lang, “Ngin leh ïa kaei kaei baroh kaba U Trai u la kren,” bad u Moses u la leit ïathuh ïa kane ha U Trai.

JEREMAÏAH 42:6

La ka long kaba pynsngewbha ïa ngi ne kam long kumta, ngin kohnguh ïa U Trai U Blei jong ngi, ha uba ngi kyrpad ïa phi ban duwai. Baroh kan bha ïa ngi lada ngi kohnguh ïa u.”

ESEKIEL 16:8

“Katba nga dang ïaid lyngba biang, nga la ïohi ba ka por ka la poi ïa pha ban shoh jingieit. Nga la tap ïa ka jinglyngkhuit jong pha da ka jaiñ jynsur jong nga bad nga la kular ban ieit ïa pha. Ho-oid nga la pynlong ka jutang shongkurim bad pha, bad pha long ka jong nga.” Kane ka dei kaei kaba U Trai Nongsynshar u ong.

MALAKHI 2:10

Hato baroh na ngi ngim don ujuh u kpa? Hato ym dei ujuh U Blei uba la thaw ïa ngi baroh? Te balei ngi pynkheiñ ïa la ki jingkular iwei ïa iwei pat, bad balei ngi ñiewbeiñ ïa ka jutang kaba U Blei u la pynlong bad ki kpa tymmen jong ngi?

KI KAM 13:15

Hadien ka jingpule na ka Hukum u Moses bad na ki jingthoh jong ki nongïathuhlypa, ki rangbah synshar jong ka synagog ki la phah khubor sha ki: “Ko hynmen ko para, ngi kwah ïa phi ban kren ha u paidbah lada phi don ka khubor ai mynsiem na ka bynta jong ki.”

KOLOSSAI 4:16

Hadien ba phi pule ïa kane ka shithi, pynthikna ba la pule ruh ïa ka ha ka balang ha Laodikaïa. Ha kajuh ka por, phi dei ban pule ïa ka shithi kaba ki parabangeit ha Laodikaïa kin phah sha phi.

1 THESSALONI 5:27

Nga kyrpad ïa phi da ka iktiar jong U Trai ban pule ïa kane ka shithi ha ki parabangeit baroh.

JOSHUA 24:24

Nangta u paidbah u ong ha u Joshua, “Ngin shakri ïa U Trai U Blei jong ngi. Ngin kohnguh ïa ki hukum jong u.”