EKSODOS 24:6 - Khasi CL Bible (BSI)

⁶ U Moses u shim shiteng na ka snam jong kita ki mrad bad u buh ïa ka ha ki dabor, bad shiteng pat na kata ka snam u synreit ha kata ka duwan.

KA BAIBL

⁶ Bad u Moses u la shim shiteng na ka snam, bad u la buh ïa ka ha ka pliang; bad shiteng na kata ka snam u la synreit halor kata ka duwan.

EKSODOS 24:6 ပူးပေါင်းရင်းမြစ်များ

2 SYIEM 17:15

Ki kyntait ban kohnguh ïa ki jingbthah jong u, kim shym sumar ïa ka jutang kaba u la pynlong bad ki kpa tymmen jong ki, bad kim suidñiew ïa ki jingmaham jong u. Ki la mane ïa ki bleithaw bym shongdor bad ïa lade ki long ki bymdondor, bad ki bud ïa ki rukom jong ki hima ba don sawdong, khlem kohnguh ïa ki hukum U Trai ban pyrthuh bud ïa ki.

SALM 99:6

U Moses bad u Aaron ki la long ki lyngdoh jong u, bad u Samuel u la long uwei uba la duwai ha u; kiba la khot kyrpad ïa U Trai, bad u la jubab ïa ki.

EKSODOS 12:22

Shim shi song u Hissop bad wieh ïa u ha ka pliang kaba don ïa ka snam jong uta u mrad, bad tah ïa kata ka snam ha ki shawkad bad ha u bim ha khlieh ka jingkhang ïing jong phi. Uwei ruh um bit ban mih shabar na ïing haduh mynstep.

EKSODOS 12:7

Ki briew ki dei ban shim khyndiat na ka snam bad tah ïa ka ha ki shawkad bad ha khlieh jingkhang jong kita ki ïing ha kiba kin ïabam ïa kita ki mrad.

EKSODOS 24:8

Kumta u Moses u shim ïa kata ka snam na ki dabor bad u synreit ïa ka ha uta u paidbah. U ong, “Kane ka long ka snam kaba pynskhem ïa ka jutang kaba U Trai u la pynlong bad phi, mynba u ai ïa kine ki hukum baroh.”

EKSODOS 29:16

Pynïap ïa u, shim ïa ka snam jong u, bad synreit ïa ka sawdong kata ka duwan.

EKSODOS 29:20

Pynïap ïa u, shim khyndiat ka snam jong u, bad tah ïa ka ha ki shkor kamon jong u Aaron bad ki khun shynrang jong u, ha ki 'tikmie kamon jong ki, bad ha ki 'jatkmie kamon jong ki. Synreit ïa ka snam kaba sah, sawdong kata ka duwan.

JEREMAÏAH 31:32

Kan ym long kum ka jutang barim kaba nga la pynlong bad ki kpa tymmen jong ki mynba nga la shim ïa ki da la ka kti bad ïalam ïa ki na ka ri Ijipt. Wat la nga la long kum u tnga ïa ki, kim shym la bat ïa kata ka jutang.

LEBITIKOS 1:11

Un pynïap ïa u ha ka phang kaba shatei jong kata ka duwan, bad ki lyngdoh kin synreit ïa ka snam jong u sawdong kata ka duwan.

LEBITIKOS 1:5

Un pynïap ïa uta u masi hangta, bad ki lyngdoh kiba na ka ïing u Aaron kin ai ïa ka snam sha U Trai, bad hadien kata kin synreit ïa ka sawdong kata ka duwan kaba don ha khmat ka jingkhang jong ka Ïingjaiñ.

LEBITIKOS 3:2

Uta u briew un buh ïa la ka kti ha ka khlieh jong uta u mrad bad un pynïap ïa u ha ka jingkhang jong ka Ïingjaiñ ka Jingdon Ryngkat U Trai.

LEBITIKOS 3:8

Ki lyngdoh kin synreit ïa ka snam jong u sawdong ka duwan, bad un ai ïa kine ki dkhot met jong u kum ka jingainguh bam sha U Trai:

LEBITIKOS 4:6

Un wieh ïa la ka shynriah'ti ha kata ka snam bad synreit ïa ka hynñiew sien ha khmat ka jingkah jong ka Jaka Kyntang.

1 KORINTH 11:25

Kumjuh ruh, hadien kaba bam ïa ka jingbam miet u la shim ïa ka khuri bad u la ong, “Kane ka khuri ka long ka jutang kaba thymmai jong U Blei, la pynskhem da ka snam jong nga. Man ba phi dih ïa ka, to leh kumta ban kynmaw ïa nga.”

KOLOSSAI 1:20

Da U Khun, te, U Blei u la kut jingmut ban wallam pat ïa ka jingpynlong baroh kawei sha lade hi. U Blei u la pynïasuk da ka jingïap U Khun jong u kum ka jingkñia halor ka diengphna bad kumta u la wallam pat sha lade hi ïa kiei kiei baroh, kiba ha ka pyrthei bad kiba ha bneng.

HEBRU 12:24

Phi la wan sha U Jisu, uba la pynlong ïa ka jutang bathymmai, bad sha ka snam ba la synreit, kaba kular bun kiei kiei kiba kham bha ban ïa ka snam u Abel.

HEBRU 8:9

Kan ym long kum ka jutang ïa kaba nga la pynlong bad ki kpa tymmen jong ki ha kata ka sngi ha kaba nga la btin ïa ki bad la ïalam noh ïa ki na ka ri Ijipt. Kim shym ïaineh ha kata ka jutang kaba nga la pynlong bad ki, bad kumta ngam shym shahshkor shuh ïa ki.

HEBRU 9:18

Kata ka long balei ba wat ka jutang kaba nyngkong ka treikam tang da kaba pyndonkam da ka snam.

HEBRU 9:19

Nyngkong, u Moses u la pynbna ha u paidlang ïa ki hukum baroh kat kum ba la buh ha ka hukum. Nangta u la shim ïa ka snam ki masi kyrtong bad ki blang, u la khleh ïa ka bad ka um, bad u la synreit ïa ka halor kata ka kitab ka hukum bad halor u paidbah baroh, da kaba pyndonkam ïa u tnat Hissop bad katto katne u 'saiwul uba saw.

HEBRU 9:21

Ha kajuh ka rukom u Moses ruh u la synreit ïa ka snam halor kata ka Ïingjaiñ ka Jutang bad halor kiei kiei baroh ïa kiba la pyndonkam ha ka jingmane.

1 PETROS 1:19

ka la long ka jingkñia kaba remdor jong U Khrist, uba la long kum u khunlangbrot uba khlem don jingthohbria lane jingduna.

1 PETROS 1:2

Ïa phi la jied kat kum ka jingthmu U Blei uba U Kpa bad la pynlong ïa phi ki briew kiba khuid da U Mynsiem jong u, ban kohnguh ïa U Jisu Khrist bad ban ïoh pynkhuid da ka snam jong u. To ai ba ka jingaiei bad ka jingsuk kin long kiba dap pura ïa phi.